Jọsua 2:24 - Edo Bible (E Baibol Ẹdo) Version 1996

²⁴ Iran tama rẹn wẹẹ, “Aro ima dae wẹ e Nọyaẹnmwa mu ẹvbo nii hia ne ima nẹ. Afianma ima wa fian iran hia ni rre ẹvbo nii.”

Jọsua 2:24 ပူးပေါင်းရင်းမြစ်များ

Ẹksọdọs 15:15

Banbanna nian, avbe ekhaẹmwẹ nii rre Idọm runraẹn nẹ, okpemwa nii rre Moab guọ nẹ. Egbe fu emwa hia nii rre Kenan,

Ẹksọdọs 23:31

I gha mwa otọ uwa ne ọ ke okun Akaba ya sẹ Okun Meditẹrrenian kevbe ke ato ya sẹ Ẹzẹ Yufretes. I gha rhie uwa obọ yan emwa ẹvbo nii uhunmwu, wa ghi vbe khulo iran hin odaro uwa rre vbe uwa a gha nana sikẹ odaro.

Itan 25:13

Ọmwa ẹmwata ne a gie ẹre uhunmwu, te ọ fu ọmwa ne ọ gie ẹre uhunmwu egbe rre zẹ vbe ne amẹ ne ọ furre fu ọmwa egbe rre vbe ẹghẹ owowo ẹghẹ emwiorhọ.

Jọsua 1:8

U ghi miẹn wẹ a tie ebe uhi nii vbe uwu ugamwẹ uwa vbe ẹghẹ hia. U ghi gha ruẹ ọre asọn kevbe avan ne u vbe miẹn wẹ u ya emwi ne a gbẹnnẹ yọ hia ru emwi. Ẹghẹ nii, agbọn gha ma ruẹn, u ghi vbe gha ru ne a gban.

Jọsua 2:23

Iyeke ọnii avbe ọrhẹ eva na keghi ke uhunmwu oke tuorre, iran na fian ẹzẹ rra, iran na bu e Jọsua gha khian ya na iyẹn emwi ni sunu hia ma rẹn.

Jọsua 5:1

Avbe ọba Amọri hia ni rre ọlarrie owẹn Jọdan kevbe avbe ọba Kenan ni lele ọkpẹn Okun Meditẹrrenian hia keghi họn wẹ te Nọyaẹnmwa si amẹ Jọdan ka ne ivbi Izrẹl la gberra. Ohan keghi mu iran, egbe na wọ iran rhunmwuda ivbi Izrẹl.

Jọsua 6:2

E Nọyaẹnmwa keghi tama e Jọsua wẹẹ, “Danmwehọ, te I ra mu e Jẹriko nuẹn ke ẹe kevbe ọba ẹre kevbe ivbiyokuo ẹre ni wegbe.

Jọsua 8:1

E Nọyaẹnmwa keghi tama e Jọsua wẹẹ, “Ghẹ gie ohan muẹn, ghẹ gie egbe vbe wọruẹ. Viọ ivbiyokuo hia mwẹ obọ ne u vbe gha rrie Eai. I gha guẹ khọn ọba Eai miẹn ẹre otọ, emwa rẹn, ẹvbo ẹre ke otọe ẹre gha khian ọwuẹ.

Giọgis 1:2

E Nọyaẹnmwa keghi wanniẹn wẹẹ, “Ivbi e Juda ọ re ọ gha ka gha khian. Mẹ gha rhie otọe nii ne iran, ne iran gha khaemwisẹ yan iran.”

Giọgis 18:10

Wa gha sẹ evba, wa gha miẹn wẹ emwa nii i vbe mu idandan rhọkpa. Ẹvbo nọkpọlọ nọ. Emwi ne ọ mwa ghi ho hia rrọọ. Osanobua vbe mu ẹẹn ne uwa nẹ.

Giọgis 7:9

Vbe asọn nii, e Nọyaẹnmwa keghi tama Gidiọn wẹẹ, “Kpaegbe ne u dekun agọ nii; I ra rhie ẹre ye uẹ obọ ne u khọn miẹn ọre otọ.