Jọsua 2:19 - Edo Bible (E Baibol Ẹdo) Version 1996

¹⁹ Ọmwa gha kpao vbe owa ruẹ rre, ọ na la ore, rẹn ọ re ọ ra ya uhunmwu hẹ ẹmwẹ uwu ẹre, a i vbe kae ye ima urhu; sokpan deghẹ emwi ru ọmwaikọmwa ni rre owa ruẹ, urhu ima ọ re ọ ye.

Jọsua 2:19 ပူးပေါင်းရင်းမြစ်များ

II Samuẹl 1:16

E Devid keghi tama ovbi Amalẹk nii wẹẹ, “Obọ ruẹ ọ re u ya si emwi ne ọ rruan ruẹn, ẹghẹ ne u na ya unu ruẹn miẹnkue ighẹ u gbe ọba ne Nọyaẹnmwa tobọ ẹre zẹ ne ọ gha re ọba rua, ọ re u na bu ohiẹn uwu gbe egbe uẹ.”

II Samuẹl 4:11

Inuinu ọ re iran gha ya khọ sẹ ighẹ emwa dan, ni ya gbe ọmwa ne ọ ma rukhọ ye irri ovbe vbe owa ẹre. Te i ra rria uwa ikhi ha ẹmwẹ ne uwa na de ẹre izigha na, I gha wabọ uwa hin agbọn na rre.”

I Ọba 2:32

E Nọyaẹnmwa gha rria e Joab ikhi ye a ghẹ ru ne ọ ru nii vbe ne erha mwẹ ma na rẹn. E Joab gbele arhin eva ni maa sẹẹ ọre vbe ne iran ma na ru khọ, iran na ọ re Abna ne ọkaokuo ọghe ivbi iyokuo Izrẹl kevbe Amasa ne ọkaokuo ọghe ivbi iyokuo e Juda.

Ẹksọdọs 12:13

Esagiẹn ni rre onurho ọre ọ gha re ama ne a gha ya gha rẹn owa ne uwa ye, I gha bẹghe esagiẹn, I ghi rhie gberra evba, ọfuan ne irria ikhi na mu khian, i ra sẹ uwa egbe vbe ẹghẹ ne I gha na fi ivbi Igipt emwi.

Ẹksọdọs 12:22

A ghi rhie abọ hisọp, wa ghi fi ẹe ye esagiẹn ne ọ rre ọkpan, wa ghi ya ẹe wo ẹkhu kevbe egbaha onurho uwa, wẹ ne ọmwa rhọkpa ghẹ kpa vbe owa ọ te ya sẹ owiẹ.

Ẹksọdọs 12:23

E Nọyaẹnmwa gha la Igipt gberra ne ọ ya gbele ivbi Igipt, ọ gha bẹghe esagiẹn ne ọ rre ẹkhu kevbe egbaha onurho, ẹ i ghi vbe gie ọfuan la owa uwa gbe emwi.

Levitikọs 20:11

Ọmwa ne ọ gu amwẹ erha ẹe ru emwi ọdọ vbe amwẹ, te ọ yagha erha ẹe, a ghi gbele irẹn vbe okhuo nii uan. Obọ iran ọre emwi ne ọ gbele iran ke rre.

Levitikọs 20:9

E Nọyaẹnmwa keghi mu avbe emwamwa na ye otọ: “Ọmwaikọmwa ne ọ tie ihẹn ne erha ẹe ra iye ẹe, a ghi gbe ẹe rua, obọ ẹre ọre emwi ne ọ gbe ẹe ke rre.

Matiu 24:17

Ọmwa ne ọ rre ẹrhunrhun owa ẹre, wẹ ne ọ ghẹ wẹ rẹn ra tuorre ya viọ emwi ẹnrẹn vbe uwu owa.

Iwinna 18:6

Ugbẹn vbe iran ghi suẹn gha gbe odan ye ọre owẹ, ne iran na vbe gha ya ukpẹ sakan ẹn, ọ keghi bọnmwẹ ukpọn rẹn ku iran ọ wẹẹ, “A deghẹ wa ghi fuan, uhunmwu uwa ọre uwa gha ya muẹn, I ma rẹn ọkpa I ma rẹn eva vbọ. Ke ẹghẹ na gha rae, I ra bu iran ne ẹ i re Ju.”

Iwinna 20:26

Rhunmwuda ọnii ọre I na si agbada vbe unu tae ma uwa ẹrẹna: a i ghẹ miẹn ighẹ a ye miẹn ne ọfuan vbe uwu uwa ẹ i ghi rre urhu mwẹ.

Iwinna 27:31

Sokpan Pọl keghi tama ọkaokuo ne ọ rre asẹ ni kevbe avbe ivbiyokuo wẹẹ, “Adeghẹ avbe oziguẹ na ma mudia vbe okọ, wa i miẹn uhunmwu.”

Filipai 3:9

Ne I vbe khian ne a wa kugbe ba irẹn fo. Mẹ i ghi mwẹ emwi obọ mwẹ ne I gha ya tie egbe mwẹ ọmwata, egbe ne I gha te la ekpa a ru vbene nene Uhi khare gha mwẹ, ọmwata ne I ghi khin na nian, keghi re ne a la ekpa a ya Kristi yi rhie ne ọmwa, a re ọmwata ne ọ ke obọ Osanobua rre, ne ẹyotọ ẹre re iyayi.

Hibru 10:29

Inuinu ghi nọ khekherriọ, ne ọmwa ne ọ zan Ovbi Osanobua? Ne ọ ye aro tila ẹe ua, ighẹ esagiẹn ile Osanobua ne ọ yae khian ne ẹ i mwẹ iruẹn, ne ọ ye ukpẹ sakan Orhiọn ẹsọhẹ. Wa tobọ uwa roro ẹe vbene oya ne a gha rri ọre re gha kpọlọ sẹẹ ọnii hẹẹ.

Jọsua 2:12

Banbanna nian, wa yan ma e Nọyaẹnmwa wẹ wa gha mu eyan uwa sẹ, ne uwa gbearoghe ẹgbẹe mwẹ zẹ vbene imẹ gbe aro ghe uwa, wa ghi vbe rhie emwi iyama yọ.

Jọsua 2:14

Ikpia nii keghi wanniẹn tama rẹn wẹẹ, “Te Osanobua gha miẹn ima uhunmwu vbe ima ma ru vbene u khare. A deghẹ u ma te emwi ne ima ru na ladian, ma gha ye obọ esi mu uẹn vbe e Nọyaẹnmwa a mu otọe na ne ima.”

Jọsua 2:20

Sokpan a deghẹ u ta emwi ne ima ru sin ladian, ma i vbe mu eyan na, ne u ya ima yan sẹ.”