Jọsua 2:18 - Edo Bible (E Baibol Ẹdo) Version 1996

¹⁸ U ghi danmwẹ ehọ. Ma gha mu okuo sẹ ẹvbo ruẹ, u ghi de irri ne ọ baa na ye ewindo ne u nu ima la tuorre na. U ghi koko avbe erha a, iyuẹ, etuẹn ne ikpia, kevbe ẹgbẹe erha hia ye owa ruẹ.

Jọsua 2:18 ပူးပေါင်းရင်းမြစ်များ

Gẹnẹsis 12:2

I gha viọ uniẹn nibun nuẹn, ni gha do khian avbe okpẹvbo. I gha fiangbuẹ, I ghi do ya eni ruẹn khian ne ọ hin usi sẹrriọ wẹ a ghi gha yae na erhunmwu ne ọmwa.

Gẹnẹsis 7:1

E Nọyaẹnmwa keghi tama Noa wẹẹ, “La uwe okọ ke uwẹ kevbe ẹgbẹe ruẹ hia. I miẹn wẹ vbe uwe avbe emwa na hia, wẹ ọkpa kẹkan ọre uyinmwẹ ọnrẹn la mwẹ aro vbọ.

Ẹsta 8:6

Vbia ra ru hẹ, a deghẹ emwi dan na sunu vbe egbe emwa mwẹ, a na vbe gbele avbe etẹn mwẹ.”

Ẹksọdọs 12:13

Esagiẹn ni rre onurho ọre ọ gha re ama ne a gha ya gha rẹn owa ne uwa ye, I gha bẹghe esagiẹn, I ghi rhie gberra evba, ọfuan ne irria ikhi na mu khian, i ra sẹ uwa egbe vbe ẹghẹ ne I gha na fi ivbi Igipt emwi.

Ihuan Ne Ọ Sọọ Ihuan Hia 4:3

Akhuarhamwunu ruẹn yevbe ovbiọza ododo u miẹn vbe iran mose hẹ vbe uwẹ a gha guan! Irho ruẹ fi wain wain vbe uwu ukpọn ne u rhie gue uharo.

Levitikọs 14:4

ọ ghi wẹ ne a viọ ahianmwẹ eva ne awua i ye rre, ke ẹe kevbe erhan sida, okun ne ọ baa eso kevbe ovbi erhan ebe afọ.

Nọmbas 19:6

Rẹn ghi rhie erhan sida, kevbe abọ hisọp kevbe ukpọn ne ọ baa, ọ ghi filẹe ku uwu erhẹn nii.

Nọmbas 4:8

Iran ghi mu ukpọn nọbaa rhu ena hia, a ghi vbe mu ohian nọ mose rhu ẹe a ghi do baba ọkpọ ne a ya muẹn yọ.

Iyẹn ne ọ Maan Ọghe Luk 19:9

Jesu tama rẹn wẹẹ, “Afiangbe la owa na ẹre na, ovbi Ebraham ọre ọmwa na vbe khin.

Iwinna 10:27

Vbene iran rrie uwu owa nii, Pita kegha gu Kọniliọs guan khian rhinrin ya sẹ ehe ne iran na do vba emwa ni bun ni si egbe koko.

Iwinna 10:33

Ọre I na gie ne a tie ruẹ rre ọwarọkpa, wẹ ne ọ maa na wa vbe gha dee. Banbanna nian, odaro Osanobua ma ghi ye na, ma mu egbe ne a ya họn ẹmwẹ ne Nọyaẹnmwa wẹ ne u ta.”

Iwinna 11:14

Ọ gha gu uẹ guan ẹmwẹ ne uwẹ vbe ẹgbẹe ruẹ gha la miẹn imiẹnfan.’

II Timoti 1:16

Nọyaẹnmwa ne ọ tohan igiowa Onisiforọs, rhunmwuda, ẹghẹ hia ọre ọ do ya gha mu mwẹ aro ze. Ekhue eghan ni ye ma mu ẹn.

Hibru 9:19

Okaro, Mosis keghi talọ ẹmwẹ uhi na ma emwa nii, zẹ vbene a gbẹn ye nene Uhi. Vbe iyeke ọnii, ọ keghi mu esagiẹn ẹmila ke ẹe kevbe amẹ, ọ keghi ye hisọp kevbe iku oru ododo, sanmwẹ ọẹn ku ebe nene Uhi kevbe avbe emwa nii.

Jọsua 2:21

Okhuo nii keghi wanniẹn wẹẹ, “I kue yọ.” Ọ keghi zẹ iran urrie, iran keghi kpao. Ọ keghi de irri ne ọ baa nii ye ewindo.

Jọsua 6:23

Ẹre iran na gha khian ya rhie Rehab ladian, kevbe erhae, iye ẹe, etiọnrẹn ne ikpia kevbe emwa ẹgbẹe ọre ni dekẹe. Iran keghi viọ iran kevbe avbe eviẹn iran, ye vbe a gha lahin agọ ivbi Izrẹl rre nẹ.

Jọsua 6:25

Sokpan e Jọsua keghi sẹ Rehab rae ke ẹe kevbe etiọnrẹn hia rhunmwuda rẹn ọ re ọ viọ avbe emwa ne a gie ẹre uhunmwu ya baba otọ Jẹriko ghe lẹre. (Ivbi iran ye rre Izrẹl do sẹ ẹdẹnẹrẹ na.)