Jọsua 2:14 - Edo Bible (E Baibol Ẹdo) Version 1996

¹⁴ Ikpia nii keghi wanniẹn tama rẹn wẹẹ, “Te Osanobua gha miẹn ima uhunmwu vbe ima ma ru vbene u khare. A deghẹ u ma te emwi ne ima ru na ladian, ma gha ye obọ esi mu uẹn vbe e Nọyaẹnmwa a mu otọe na ne ima.”

Jọsua 2:14 ပူးပေါင်းရင်းမြစ်များ

Gẹnẹsis 24:49

Banbanna na nian, a deghẹ te u ra ru zẹ vbene ọ khẹkuẹ ne arowa mwẹ, tama mwẹ, a deghẹ ẹ i re vberriọ vbe tama mwẹ ne I miẹn ehe na rẹn emwi ne I gha ru.”

Gẹnẹsis 47:29

Ọ ghi bu ẹghẹ ne Izrẹl gha ya wu, ọ keghi tie Josẹf ne ovbi ẹre, ọ tama rẹn wẹẹ, “Lahọ, do viọ obọ ruẹ yọ mwẹ akharha ne u yan ma mwẹ wẹ, u gha ya ẹkoata gha ru emwi ne ọ maa ghe mwẹ, wẹ u i ra mu mwẹ yotọ vbe Igipt.

II Samuẹl 2:5

Ọ keghi gie emwa eso uhunmwu gha khian ya tama iran wẹẹ, “Te Nọyaẹnmwa gha fiangbe uwa, ne uwa na rhie maa ighẹ uwa i re eghian ọba uwa vbene uwa na re ẹre.

II Samuẹl 2:6

Wanwanna nian, te Nọyaẹnmwa gha tohan uwa ne ọ gie ue khian oghian uwa. Mẹ tobọ mwẹ gha vbe ya obọ esi mu uwa rhunmwuda uyinmwẹ ne uwa yinrin na.

II Samuẹl 9:1

Ọ ghi sẹ ẹdẹ ọkpa, e Devid keghi nọ wẹẹ, “Ọmwa rhọkpa ye kẹe vbe ẹgbẹe Sọl ra? A deghẹ ọ ye rrọọ, I ho ne I ru ẹre ẹse rhunmwuda e Jonatan.”

I Ọba 20:39

Ọba ghi wa gberra khian akhasẹ ni keghi datie ẹre, ọ tama rẹn wẹẹ, “U gha to ukpẹre Umogun, ehe ne I na gbinna vbe okuo, ovbiyokuo keghi mu oghunmwu ọkpa gun mwẹ, ọ tama mwẹ wẹẹ, ‘Gha ghe oko na, ọ gha lẹfua, uhunmwu ọ re u ya khiẹ ọre, a deghẹ ẹ i re vberriọ, u gha ha esiliva arriaisẹn eha (3,000) ne a gha fian ẹre.’

Itan 14:22

Adeghẹ uwẹ winna ne emwi gha maa, emwa ọvbehe ghi gha mu ẹtin yan ruẹn, iran ghi vbe gha ya ọghọ ne uẹn; adeghẹ emwi dan wẹ mu aro yi, u ba odẹ ku.

Itan 18:24

Iku eso i tọ, sokpan avbe ọse eso rrọ ni maa sẹ etẹn.

Matiu 5:7

Ọ maa ne iran ni tohan emwa ọvbehe, Osanobua gha tohan iran!

Iwinna 23:22

Ọkaokuo keghi tama rẹn, “Ghẹ tama ọmwa rhọkpa ighẹ u ta ẹmwẹ na ma mwẹ.” Rẹn keghi zẹ igbama ni urrie.

Jọsua 2:13

Wa ghi gie erha mwẹ, iye mwẹ, etẹn mwẹ, ne ikpia kevbe etẹn mwẹ ne ikhuo kevbe ẹgbẹe iran hia miẹn uhunmwu! Wa ghẹ gia gbele ima an.”

Jọsua 2:15

E Rehab keghi rre owa ne a wa bọ ginna ekẹn ne a gbe ga ẹvbo nii. Rhunmwuda ọnii, ọ keghi ya irri munọ iran la ewindo tuorre.

Jọsua 6:17

Ẹvbo na kevbe emwi hia ni rre uwu ẹre, a yae fi ohan nẹ ne a fuẹn ọnrẹn uan zẹ vbe emwi ne a ya zọ ese ghe Nọyaẹnmwa. E Rehab ne ebabotu kevbe emwa owa ẹre ọkpa, ọre a ra sẹrae rhunmwuda, ọ keghi viọ emwa ne ima gie ẹre uhunmwu lẹre.

Jọsua 6:22

E Jọsua keghi tama avbe ikpia eva ni ya ru ọrhẹ nii wẹẹ, “Wa gha rrie owa ebabotu nii, wa ya viọ irẹn kevbe emwa owa ẹre ladian, zẹ vbene uwa yan ma rẹn.”

Jọsua 6:25

Sokpan e Jọsua keghi sẹ Rehab rae ke ẹe kevbe etiọnrẹn hia rhunmwuda rẹn ọ re ọ viọ avbe emwa ne a gie ẹre uhunmwu ya baba otọ Jẹriko ghe lẹre. (Ivbi iran ye rre Izrẹl do sẹ ẹdẹnẹrẹ na.)

I Samuẹl 20:8

Lahọ, u ghi ru mwẹ ẹse na, ne u ye ihẹn ne ima vẹn ne egbe rre. Sokpan, a deghẹ I rri abe, tobọ gbe mwẹ uan. Vbọzẹ ne u gha na rhie mwẹ gie erha gbe ua?”