Jọsua 19:51 - Edo Bible (E Baibol Ẹdo) Version 1996

⁵¹ Emwa ni ghae otọe na kegha re Eliaza ne ohẹn, e Jọsua ne ovbi e Nọn kevbe avbe eniwanrẹn ivbi Izrẹl, iran na ọ re ọ yan uta ya ghae otọe nii vbe Silo vbe ne iran na ka nọ ọn e Nọyaẹnmwa nẹ vbe onurho Owa Ukpọn e Nọyaẹnmwa. Erriọ iran ya ghae otọe nii fo.

Jọsua 19:51 ပူးပေါင်းရင်းမြစ်များ

Gẹnẹsis 49:10

E Juda gha mu ọkpọ ọba mwẹ uniẹn ọnrẹn ọ ra gha rriọba khian. Avbe okpẹvbo gha ya imuohan giẹẹ iran ghi ye a họn ẹmwẹ gbe uhunmwu kotọ nẹẹn.

Psalm 78:60

Ọ he owa ukpọn ẹnrẹn ne ọ rre Siailo ye otọ, owa ne irẹn te gha ye vbe uwu ẹbu ima.

Matiu 20:23

Jesu wanniẹn tama iran wẹẹ, “Ẹmwata nọ ighe wa gha wọn vbe uwu ukpu mwẹ. Sokpan, mẹ i mwẹ asẹ ne a ya zẹ ọmwa ne ogha tota ye obọ erha ọmwa kevbe obọ iye ọmwa mwẹ. Avbe emwa ne Erha mwẹ rhie ẹre ye otọ khẹ ọre ọ yan rẹn.”

Matiu 25:34

Ọba ghi tama iran ni rre obọ erha ọmwa wẹẹ, ‘Wa larre, wa ne erha mwẹ fiangbe, wa do mu arriọba ne a kpehe ẹre ye otọ khẹ uwa ke ne a ya yi agbọn gha dee.

Iyẹn ne ọ Maan Ọghe Jọn 17:2

Rhunmwuda, wẹ ọre ọ rhie asẹ nẹẹn ne ọ gha kha yan emwa hia, ne irẹn miẹn ehe ne rhie arrọọ ne ẹ i fo ne iran hia ne uwẹ viọ ne ẹn.

Iwinna 13:19

Ọ keghi fuẹn okpẹvbo ihinrọn ruan vbe otọ Kenan, ọ na ya iran ne emwa irẹn khian ni yan otọ nii.

Jọsua 14:1

Ọna ọrọre vbene a ya ghae otọe nẹ ivbi Izrẹl hẹ vbe Kenan vbe odẹ ekẹn Jọdan. Eliaza ne ohẹn, e Jọsua ne ovbi e Nọn kevbe ọkaolotu avbe ẹgbẹe ni rre Izrẹl ọ re ọ ghae nene otọ ne emwa nii.

Jọsua 18:1

Iran ghi khọn otọe ni nẹ, ivbi Izrẹl hia ke do si koko vbe Siailo, iran na mu Owa Ukpọn e Nọyaẹnmwa ye evba.

Jọsua 18:10

E Jọsua keghi yan uta nọ e Nọyaẹnmwa ne iran, ọ na mu ihe eso vbe otọe nii ne dọmwadẹ ọghọe vbe ivbi Izrẹl.

Jọsua 20:1

Ẹre Nọyaẹnmwa na tama e Jọsua wẹẹ,

Giọgis 21:19

Ẹre iran ghi na kha wẹẹ, “Emwiukpo e Nọyaẹnmwa ne a ru vbe Siailo ukpukpo sikẹ otọ nẹ.” (Siailo odẹ okuọ Bẹtẹl ọ re ọ ye vbe odẹ Lebanọn kevbe odẹ ahọ ọghe odẹ ne ọ rre ẹkpo Bẹtẹl kevbe Siẹkẹm.)

Giọgis 21:21

Ibiẹka ikhuo ni rre Siailo gha ghi ladian do ku vbe ẹghẹ emwiukpo nii, wa ghi ke uwu ogba azara ladian. Dọmwadẹ ọghọe vbe uwu uwa ghi ye ẹtin rhie okhuo vbe uwu avbe ibiẹka ikhuo nii, ne uwa viọ iran gha rrie otọe e Bẹnjamin.

I Samuẹl 1:3

Ukpukpo ọ re Ẹlkana ya ke ẹvbo ẹre kpao gha rrie Siailo, ne ọ ya ga, kevbe ne ọ ya zọ ese ghe Nọyaẹnmwa ne Oghodua. E Hofnai kevbe Finihaz ne ivbi Elai eva, kegha re ohẹn ọghe Nọyaẹnmwa vbe evba.