Jọsua 19:40 - Edo Bible (E Baibol Ẹdo) Version 1996

⁴⁰ Oghae ne ogihinrọn kegha re ne a mu ne avbe ẹgbẹe ni rre ẹwae Dan.

Jọsua 19:40 ပူးပေါင်းရင်းမြစ်များ

Gẹnẹsis 35:25

Ivbi e Bilha ne ọviẹn Rekiẹl, Dan kevbe Naftali.

Ezikiẹl 48:1

Ehe ne otọe nii lae vbe odẹ okuọ keghi ke Okun e Meditẹrrenian kpao, odẹ ahọ ore nọkhua e Hẹtlọn, Ada e Hamat, ya sẹ Enọn ya sẹ uwu Damaskọs kevbe Hamat. A ghi ghae otọe ne ẹwae ọkpọkpa, otọe ne ọ le ehe ne ọ sẹe vbe odẹ ekẹn ya sẹ okun, e Meditẹrrenian vbe ọsegbe ọsegbe vbenian ke odẹ okuọ ya sẹ odẹ ekẹn. E Dan Asia E Naftali E Manasẹ Ifreim E Riubẹn E Juda

Jọsua 10:40

E Jọsua keghi khọn mu otọe nii hia, ọ keghi khọn avbe ọba ni rre uhunmwu oke nii miẹn iran otọ, iwewe-Negev, ẹvbo ni rre ugboghodo kevbe ni rre ahọ oke kevbe ototọ oke vbe odẹ orrie deba ẹvbo ne amẹ i ye vbe odẹ ekẹn, ọ ma sẹ ọkpa rae ye agbọn. A keghi wa gbele ehia a. Erriọ ọ re Nọyaẹnmwa Osanobua Izrẹl gie.

Jọsua 19:39

Avbe okpẹvbo na kevbe ẹvbo ni lẹga iran kegha re otọ ne a mu ne avbe ẹgbẹe ni rre ẹwae Naftali ne ọ gha re ọghe iran.

Jọsua 19:41

Usun avbe ehe ne ọ lae kegha re Zora, Estao, Isiẹmẹs,

Giọgis 18:1

Ọba i rre Izrẹl ẹghẹ nii. Vbe ẹghẹ na, ẹwae Dan kegha gualọ otọ ne iran gha mu ne iran yin ẹnrẹn. Rhunmwuda, do sẹ ẹghẹ nii, otọ ma he sẹ iran obọ zẹ vbe ọghe iran vbe ẹbu avbe ẹwae Izrẹl.