Jọsua 18:8 - Edo Bible (E Baibol Ẹdo) Version 1996

⁸ E Jọsua ghi ru igiodẹ ne iran nẹ vbenian wẹẹ, “Wa lele otọe ni hia gaa, ne uwa gbẹnnẹ ebe ya gie ẹre, ne uwa dọlegbe bu mwẹ gha dee, I gha ya uta nọ e Nọyaẹnmwa ne uwa vbe Siailo vbe emwa na.” Emwa ni kegha khian ya gbẹnnẹ ebe ya gie vbene otọe nii ye hẹ.

Jọsua 18:8 ပူးပေါင်းရင်းမြစ်များ

Gẹnẹsis 13:17

Wanwanna nian, mu egbe ne u khian la otọe nii ga a, rhunmwuda, te I ra mu ehia nuẹn.”

Aizaia 34:17

E Nọyaẹnmwa ọ re ọ ra tobọ ẹre gha otọe nii ne iran, ọ ghi mu ọghe edọmwadẹ ọghọe ne ẹẹn. Iran ghi gha rre otọe nii ke orre ya sẹ orre, ọ ghi vbe gha re ọghe iran ẹdẹdẹmwẹdẹ.

Ebe ne Pọl gbẹẹn gie emwa Rom 14:19

Rhunmwuda ọnii nian, wa gie ima gha rhie ekhọe ye ẹmwẹ emwi ne ọ gha rhie ọfumwegbe rre kevbe ne ọ gha rhie ẹtin ye egbe iwu.

Jọsua 13:7

Banbanna nian, gha otọe na ne avbe ẹwae ihinrin nii, kevbe obọkpa vbe ẹwae Manasẹ, ne iran viọ ya khian ọghe iran.”

Jọsua 15:1

Ehe ne a mu ne avbe ẹgbẹe Juda keghi re eso vbe ehe ne a ra gie na: nene otọ ke ya sẹ ehe ne Idọm lae vbe odẹ ekẹn, wa ya sẹ ato ọghe Zin vbe ehe ne ọ na dinmwi sẹẹ vbe odẹ ekẹn.

Jọsua 18:1

Iran ghi khọn otọe ni nẹ, ivbi Izrẹl hia ke do si koko vbe Siailo, iran na mu Owa Ukpọn e Nọyaẹnmwa ye evba.

Jọsua 18:10

E Jọsua keghi yan uta nọ e Nọyaẹnmwa ne iran, ọ na mu ihe eso vbe otọe nii ne dọmwadẹ ọghọe vbe ivbi Izrẹl.

Jọsua 18:6

Wa ghi gbẹnnẹ ebe ya gie vbene otọe ihinrọn nii ye hẹ ne uwa mu bu mwẹ gha dee. I gha do yan uta nọ e Nọyaẹnmwa Osanobua uwa ne uwa.

Jọsua 18:9

Emwa nii ke lele otọe nii hia, iran gbẹnnẹ ebe ya gie ẹre vbene ọ ye hẹ. Iran keghi ghae otọe nii ye ihe ihinrọn, iran keghi vbe gbẹnnẹ eni ẹvbo ni rrọọ ladian. Iran keghi dọlegbe bu e Jọsua gha rrie agọ vbe Siailo.

I Samuẹl 14:41

E Sọl keghi tama e Nọyaẹnmwa ne Osanobua Izrẹl, “Ya uta rhie ewanniẹn mẹ. A deghẹ Jonatan ra mẹ ọ re ọ ba emwi ku ru, u ghi mu Urim, sokpan, a deghẹ ivbi Izrẹl ne emwa ruẹn nọ, u ghi mu e Tumin.” Ewanniẹn keghi rhie ma wẹ e Jonatan kevbe Sọl nọ, ọ keghi zẹ orhue ne avbe emwa ni gbe.