Jọsua 18:28 - Edo Bible (E Baibol Ẹdo) Version 1996

²⁸ Zẹla, Haelẹf, Jebus (ra Jerusalẹm) Gibea, kevbe kirriat Jearim; okpẹvbo iwenẹ deba ẹvbo ni kọnkọn ni rrọọ. Ena ọrọre otọ ni sẹ ẹgbẹe ni rre ẹwae Bẹnjamin obọ ne ọ gha re ọghe iran.

Jọsua 18:28 ပူးပေါင်းရင်းမြစ်များ

II Samuẹl 21:14

Ẹre iran na viọ ugboloko e Sọl kevbe Jonatan ya re ẹre ye idin e Kis ne erha e Sọl vbe Zẹla vbe otọ emwa e Bẹnjamin, a keghi wa ru avbe emwi hia ne ọba rhirhi wẹ ne a ru vbe iyeke ọnii, Osanobua keghi họn erhunmwu ne ẹvbo nii na ghe ẹre.

II Samuẹl 5:6

E Devid ne Ọba ke ẹe kevbe emwa rẹn keghi mu okuo gha rrie Jerusalẹm. Emwa ne a tie ẹre ivbi e Jebus ni yin ẹvbo na, keghi te gha ro ighẹ e Devid i ra sẹtin khọn ẹvbo nii, iran keghi rhunmwuda ọnii tama rẹn wẹẹ, “U i sẹtin sẹ emwa na ẹdẹ, avbe arhuaro kevbe avbe uke gha sẹtin khu uẹ ladian degbe ruẹ odẹ.”

II Samuẹl 5:8

Ẹdẹ ne ẹdẹrriọ, e Devid keghi tama iran wẹẹ, “De ọmwa ne ohu emwa Jebus vbe mu vbene ọ mu mwẹ vbe uwu uwa yi? Ne ohu mu sẹrriọ ne ọ gha na gbele iran an? We ne ọ lele uroramẹ gha khian ne ọ ya kinmwi avbe uke kevbe arhuaro ne emwa oya.” (Ọna ọ si ẹe ne a na ta ẹe wẹẹ, “Avbe arhuaro kevbe avbe uke i sẹtin la owa e Nọyaẹnmwa.”)

I Krọnikol 8:28

Iran na ọ re ọ gha re ọkaẹgbẹe odede kevbe ivbi iran ne eseserese ni gha rre Jerusalẹm.

Aizaia 10:29

Iran fian uwu rra nẹ, iran ra hẹwẹ la asọn ni vbe Geba! Ohan mu emwa ni rre Rama, emwa ni rre Gibea ne ẹvbo e Sọl lẹ kua.

Jerimaia 6:1

Uvbi e Bẹnjamin, wa lẹ ne uwa rhie uhunmwu hin ẹbe rre! Wa lẹ ladian vbe Jerusalẹm! Wa kpe okpe vbe Tẹkoa, ne uwa hie erhẹn orhiema ye Bẹt-Hake-rẹm, ọkhọ kevbe omurhia ra ke odẹ okuọ gha dee.

Hozia 10:9

E Nọyaẹnmwa khare wẹẹ, “Avbe ivbi Izrẹl ma he dobọ orukhọ ne a ru ghe mwẹ yi, kevbe ne iran ya rukhọ vbe Gibea gha dee. Rhunmwuda ọnii, e Gibea ọ re okuo ra na ya khu iran mu.

Nọmbas 26:38

Ẹwae ọghe Bẹnjamin kegha re avbe uniẹn Bẹla, Asbẹl, Ahiram.

Nọmbas 26:54

Yan uta ya ghae otọe ni, mu otọ ne ọkpọlọ ne ẹwae ne ọkpọlọ kevbe otọe ne kherhe ne ẹwae ne kherhe.”

Nọmbas 33:54

Wa ghi ghae otọe nii gba dọmwadẹ ẹwae kevbe uniẹn ni rrọọ obọ, a ghi mu ne ọkpọlọ ne ẹwae ne ọkpọlọ, kevbe ne kherhe ne ẹwae ne kherhe.

Jọsua 15:63

Sokpan emwa Juda ma sẹtin khulo ivbi e Jebus ni rre Jerusalẹm ladian. Ivbi e Jebus ye deba ivbi Juda gha rre Jerusalẹm.

Jọsua 15:8

Ọ kevbe laghe odukhunmwu gha rrie iya ivbi e Hinọn ne ọ rre odẹ ekẹn ọghe ọgbagba oke ọghe Jebus ehe ne Jerusalẹm ye. Uwu ẹre keghi gha khian ya sẹ uhunmwu oke ne ọ mu aro da Iya Hinọn vbe odẹ orrie vbe odẹ okuọ ọghe ehe ne Iya Refeim na fo.

Jọsua 18:16

Ọ na ghi ke evba gha rrie ọkpẹn oke ne a ke ghe Iya e Hinọm vbe odẹ ufomwẹ ne ọ muda okuọ ọghe iya Refeim. Ọ keghi lele Iya Hinọm la gha odẹ ekẹn, vbe odẹ ekẹn ọghe iya Jebus vbe odẹ Ẹnrogẹl.

Jọsua 18:27

Rekẹm, Iapil, Tarala.

Jọsua 19:1

Otọe ne ọ re ukpogieva ne a gha re kegha re ọghe ẹgbẹe ẹwae Simiọn. Otọe ọghọe kegha rre adesẹneva otọ ne a mu ne Juda.

Giọgis 1:21

Sokpan ivbi ẹwae Bẹnjamin ma khulo emwa Jebus ni rre Jerusalẹm ladian. Wa ke ẹghẹ nii gha dee, te ivbi Jebus deba ivbi e Bẹnjamin gha rre Jerusalẹm.

Giọgis 19:10

Sokpan, okpia na ma ghi ho ne Ọ ye gbe asọn ọvbehe vbe evba, ọ re irẹn vbe egbakhian na la odẹ. Iran mwẹ ekẹtẹkẹtẹ eva ne a gbalọ emwi ne a ya tota ye ore iyeke. Te ẹdẹ ghi ra mu vbe iran sẹ Jebus (ọnii nọ wẹ Jerusalẹm), ẹre ọguọmwadia nii na tama arowa ẹre wẹẹ, “Gia mudia ne a gbe asọn na vbe Jebus na?”

I Samuẹl 10:26

E Sọl keghi vbe gha rrie owa ẹre vbe Gibea. Emwa ni mwẹ ẹtin eso ne Osanobua rhie ye ẹre ekhọe keghi lele ẹe.