Jọsua 18:24 - Edo Bible (E Baibol Ẹdo) Version 1996

²⁴ Kiefaramoni, Ofni, kevbe Geba, okpẹvbo iweva deba avbe ẹvbo ni kọnkọn ni rrọọ.

Jọsua 18:24 ပူးပေါင်းရင်းမြစ်များ

II Samuẹl 5:25

E Devid keghi ru zẹ vbene Nọyaẹnmwa tama rẹn. O keghi sẹtin khulo ivbi e Filistia werriegbe ke Geba kpao rhinrin yasẹ Gẹza.

I Ọba 15:22

Ẹre Asa ne ọba na gie ne a tama emwa ni rre Juda hia vbene a i na vbe sẹ ọkpa rae vbọ ne iran ya la okuta ni rre Rama ke ẹe kevbe igẹdu ne Baasia te ya gha gbe ekẹn lẹga ẹre. Asa keghi ya avbe emwi na gbe ekẹn lẹga Mizpa kevbe Geba, ẹvbo ọkpa vbe otọ e Bẹnjamin.

II Ọba 23:8

Ọ keghi viọ avbe ohẹn ni te rre avbe okpẹvbo e Juda hia, kevbe otọe ẹvbo nii hia gha die Jerusalẹm, ọ rhia ehe ne iran na te zọ ese rua. Ọ kevbe guọghọ ẹe rua ighẹ Ogiukpo ne iran te ya ru ọghe orhiọn dan avbe ẹwe, ne ọ rre ọkpẹn onurho ne Jọsua ne nọ khaemwisẹ ẹvbo nii bọ ẹe, ọ na keghi te rre obọ iye ọmwa onurho ẹvbo nii vbe a gha wa la ore ẹvbo.

Aizaia 10:29

Iran fian uwu rra nẹ, iran ra hẹwẹ la asọn ni vbe Geba! Ohan mu emwa ni rre Rama, emwa ni rre Gibea ne ẹvbo e Sọl lẹ kua.

Jọsua 18:23

Avim, Para, Ọfra,

Jọsua 18:25

Ena ke ye vbe rrọọ, Gibiọn, Rama, Biẹrot,

Jọsua 21:17

Ẹvbo ne a vbe viọ vbe ẹwae Bẹnjamin kegha re Gibiọn, Gaba.

I Samuẹl 13:3

E Jonatan keghi gbe ọkaokuo emwa Filistin ne ọ rre Geba, ivbi e Filistin keghi họn ẹmwẹ na. Ẹre Sọl na gie emwa ne iran ya si orhu la ẹvbo hia wẹ ne ivbi e Hibru mu egbe okuo.