Jọsua 18:10 - Edo Bible (E Baibol Ẹdo) Version 1996

¹⁰ E Jọsua keghi yan uta nọ e Nọyaẹnmwa ne iran, ọ na mu ihe eso vbe otọe nii ne dọmwadẹ ọghọe vbe ivbi Izrẹl.

Jọsua 18:10 ပူးပေါင်းရင်းမြစ်များ

I Krọnikol 24:5

A ghi miẹn wẹ emwa ni rre asẹ vbe uwu Ọgua Osa kevbe avbe ọkaolotu ẹmwẹ orhiọn wa bun vbe ivbi uniẹn Eliaza kevbe Itama a keghi yan uta yọ ya wa iwinna ne iran.

Nehimaia 11:1

Avbe ọkaolotu ni rrọ keghi yin e Jerusalẹm, avbe emwa ni dekẹe keghi yan uta ya zẹ ẹgbẹe ọkpa vbe uwu igbe ne ọ gha ya yin ẹvbo nọhuanrẹn ọghe Jerusalẹm vbene avbe nekpa na ya yin avbe okpẹvbo kevbe ore nekhua nekpa.

Psalm 47:4

Rẹn ọ re ọ zẹ otọe ne ima ye ne ima, emwi ewe ne a ya hio ọghe emwa rẹn ne ọ hoẹmwọrẹn.

Psalm 61:5

Osanobua wẹ họn eyan ne I yan rẹn nẹ, wẹ vbe rhie emwi ne ọ re ọghe iran ni ya ọghọ ne uẹn, mẹ nẹ.

Itan 18:18

Erhanigberhan eva gha vbe egbe vbe iko ẹzọ, uta ne a yan ọ re a ra sẹtin ya ta ọfo yọ.

Jerimaia 7:12

“Wa gha rrie Siailo, ehe ne I ka gha zẹ wẹ evba ọ re a gha na gha ga mwẹ ne u wa ya ghe emwi ne I ya ẹe khian rhunmwuda orukhọ ivbi Izrẹl ne emwa mwẹ.

Ezikiẹl 47:22

te ọ khian gha re emwiobọ uwa ẹdẹdẹmwẹdẹ. Avbe erriọvbe ni rre ẹkpo uwa, ni vbe biẹlẹ nẹ vbe ẹvbo uwa, wa ghi vbe ghae sẹ iran obọ vbe otọ nii vbe uwa a gha ẹre. Obọ ne a ya mu ivbi eseserese vbe Izrẹl ọ re a vbe ya gha mu iran. Te iran gha vbe gu ẹwae Izrẹl zẹ vbe uta ne a ya gha otọe nii.

Ezikiẹl 48:29

E Nọyaẹnmwa ne Udazi khare wẹẹ, “Erriọ ọre a gha ya ghae otọe ni okaoka viọ ne avbe ẹwae ni rre Izrẹl.”

Maika 2:5

Rhunmwuda ọnii, ẹghẹ gha ghi sẹ ne a gha ya dọlegbe mu otọe nii ne emwa Nọyaẹnmwa, ẹ i ghi sẹ uwa rhọkpa obọ vbọ.

Nọmbas 34:16

E Nọyaẹnmwa keghi tama e Mosis wẹẹ,

Matiu 27:35

Iran ghi kan rẹn mu ugbugbe nẹ vbe evba, iran keghi yan uta ya ghae ukpọn rẹn.

Iyẹn ne ọ Maan Ọghe Jọn 17:2

Rhunmwuda, wẹ ọre ọ rhie asẹ nẹẹn ne ọ gha kha yan emwa hia, ne irẹn miẹn ehe ne rhie arrọọ ne ẹ i fo ne iran hia ne uwẹ viọ ne ẹn.

Iwinna 13:19

Ọ keghi fuẹn okpẹvbo ihinrọn ruan vbe otọ Kenan, ọ na ya iran ne emwa irẹn khian ni yan otọ nii.

Iwinna 26:18

U ghi rhan iran aro ne u gban iran uhunmwu hin ebiebi rre la uwu uwanmwẹ, kevbe hin ẹtin Setan rre ghe Osanobua. Vbene a gha na miẹn wẹ vbekpa ne iran na mu ẹtin yan mwẹ, a ghi ye orukhọ iran bọ iran, iran ghi rhie ihe iran vbe uwu ẹbu emwa ne Osanobua hannọ zẹ.’

Kọlose 1:12

Wa vbe ye oghọghọ gha rhie ekpọnmwẹ ne Evbavba, ne ọ ye uwa khian ne ọ kere ne ọ gha mwẹ oghae vbe uwu avbe emwi ne Osanobua viọ hinrre khẹ emwa vbe arriọba uwanmwẹ.

Jọsua 14:2

Uta ne ọ huanrẹn nii ọ re a ya ghae otọe ne ẹwae ihinrin kevbe obọ ọkpa vbe a wa ẹwae ọkpa ye eva nii, zẹ vbe ne Nọyaẹnmwa tama Mosis.

Jọsua 14:5

Ivbi Izrẹl keghi ghae otọe nii, zẹ vbe ne Nọyaẹnmwa tama Mosis.

Jọsua 18:11

Avbe ẹgbẹe ọghe ẹwae Bẹnjamin ọ re a ka gha mu otọe na, a keghi mu otọe ne iran vbe ẹkpo avbe ẹwae ọghe Juda kevbe Jọsua.

Jọsua 18:6

Wa ghi gbẹnnẹ ebe ya gie vbene otọe ihinrọn nii ye hẹ ne uwa mu bu mwẹ gha dee. I gha do yan uta nọ e Nọyaẹnmwa Osanobua uwa ne uwa.

Jọsua 18:8

E Jọsua ghi ru igiodẹ ne iran nẹ vbenian wẹẹ, “Wa lele otọe ni hia gaa, ne uwa gbẹnnẹ ebe ya gie ẹre, ne uwa dọlegbe bu mwẹ gha dee, I gha ya uta nọ e Nọyaẹnmwa ne uwa vbe Siailo vbe emwa na.” Emwa ni kegha khian ya gbẹnnẹ ebe ya gie vbene otọe nii ye hẹ.

Jọsua 18:9

Emwa nii ke lele otọe nii hia, iran gbẹnnẹ ebe ya gie ẹre vbene ọ ye hẹ. Iran keghi ghae otọe nii ye ihe ihinrọn, iran keghi vbe gbẹnnẹ eni ẹvbo ni rrọọ ladian. Iran keghi dọlegbe bu e Jọsua gha rrie agọ vbe Siailo.

Jọsua 19:51

Emwa ni ghae otọe na kegha re Eliaza ne ohẹn, e Jọsua ne ovbi e Nọn kevbe avbe eniwanrẹn ivbi Izrẹl, iran na ọ re ọ yan uta ya ghae otọe nii vbe Silo vbe ne iran na ka nọ ọn e Nọyaẹnmwa nẹ vbe onurho Owa Ukpọn e Nọyaẹnmwa. Erriọ iran ya ghae otọe nii fo.

Jọsua 23:4

Wa danmwehọ, I ghae avbe ẹvbo ni ghi dekẹe ne avbe ẹwae uwa nẹ ne ọ gha re ọghe uwa, erriọ vbe nọ ne avbe ẹvbo ne I munọ ẹn ke Ẹzẹ Jọdan vbe odẹ ahọ kpao ya sẹ Okun Meditẹrrenian vbe odẹ orrie.