Jọsua 18:1 - Edo Bible (E Baibol Ẹdo) Version 1996

¹ Iran ghi khọn otọe ni nẹ, ivbi Izrẹl hia ke do si koko vbe Siailo, iran na mu Owa Ukpọn e Nọyaẹnmwa ye evba.

Jọsua 18:1 ပူးပေါင်းရင်းမြစ်များ

II Samuẹl 7:6

Ke ẹghẹ ne I ya viọ ivbi Izrẹl ke Igipt ladian gha dee, do sẹ banbanna, I ma he di Ọgua Osa ya, ehe ne I he la hia owa ukpọn ọre I dia.

I Ọba 14:2

E Jeroboam keghi tama ọvbokhan rẹn wẹẹ, “Fi egbe werriẹ mu egbe vbene ọmwa rhọkpa i ra na rẹn ruẹn ne u gha rrie ọghe Ahija ne akhasẹ vbe Silo, rẹn ọ re ọmwa ne ọ ta ẹe ighẹ I gha rriọba vbe Izrẹl.

I Ọba 14:4

Ẹre irẹn na gele gha rrie owa Ahija vbe Silo. Ahija ẹ i ghi bẹghe rhunmwuda vbene ọ khian ọmaẹn sẹ.

I Ọba 2:27

Ẹre Solomọn na rhuan Abiata hin ehe ne ọ na te ga e Nọyaẹnmwa zẹ vbe ohẹn, ọ keghi do mu ẹẹn sẹ ighẹ ẹmwẹ ne Nọyaẹnmwa ta ẹe vbekpa Elai kevbe ivbi ẹre vbe Siailo.

Nehimaia 9:24

Iran khọn otọ e Kenan. Obọ ruẹ gba emwa ni rre evba u rhie ẹtin ne emwa ruẹn. Ne iran gha ru vbene ọ khọn iran, vbe egbe emwa kevbe avbe ọba ọghe Kenan.

Psalm 78:60

Ọ he owa ukpọn ẹnrẹn ne ọ rre Siailo ye otọ, owa ne irẹn te gha ye vbe uwu ẹbu ima.

Psalm 78:66

Ọ keghi khulo avbe eghian rẹn werriegbe vbe ọ khọn iran muotọ nẹ ọ keghi vbe zẹ efa etẹbitẹ ye iran egbe.

Jerimaia 26:6

Wa gha wa yin ehọ khian vberriọ, vbene I ru e Siailo ọ re I ra vbe ru Ọgua Osa na avbe uhunmwu ẹvbo ni rre otọe agbọn na hia ghi gha ya eni ẹvbo na tie ihẹn.”

Jerimaia 26:9

Vbọzẹ ne u na ye eni e Nọyaẹnmwa tae wẹ Ọgua Osa na gha ye vbe Siailo, kevbe wẹ a gha fuẹn ẹvbo na an, ọmwa rhọkpa i ra vbe gha rrọọ?” Emwa na keghi ma rhu mwẹ.

Jerimaia 41:5

Arhin iyenẹ keghi ke Siẹkẹm rre, kevbe Silo kevbe Sameria iran zẹlẹ ẹtu iran, iran keghi sọlọ ukpọn iran, iran vbe ya emwi valọ egbe iran. Iran keghi viọ ọka kevbe eturari mwẹ ne iran ya yo imuohan vbe Ọgua Osa.

Nọmbas 32:22

Ne uwa mu otọe nii ya khian ọwua, iyeke ọnii, wa sẹtin werriegbe gha dee rhunmwuda wa ru e nọ kan e Nọyaẹnmwa ke emwa Izrẹl ne ihua uwa nẹ. Ẹghẹ nii Nọyaẹnmwa gha ya obọ yọ wẹ otọe na vbe odẹ ahọ ọghe Jọdan, ọwua nọ.

Iwinna 7:45

Ọ ghi kpẹe fua, avbe erha mwa odede keghi mu okhogbo ne a ya ukpọn bọ nii, ne avbe erha iran sẹ rae ye iran otọ, iran keghi da dae mwẹ vbe iran lele Jọsua gha khian, ya miẹn iran otọ, ighẹ avbe emwa ni ne Osanobua khulo kua hin odaro iran rre. Evba ọre ọ gha ye, ọ te do sẹ ẹghẹ Devid.

Jọsua 18:2

Ọ keghi ye ke ẹe ẹwae ihinrọn ne a ma he mu otọe na vbe ivbi Izrẹl.

Jọsua 18:8

E Jọsua ghi ru igiodẹ ne iran nẹ vbenian wẹẹ, “Wa lele otọe ni hia gaa, ne uwa gbẹnnẹ ebe ya gie ẹre, ne uwa dọlegbe bu mwẹ gha dee, I gha ya uta nọ e Nọyaẹnmwa ne uwa vbe Siailo vbe emwa na.” Emwa ni kegha khian ya gbẹnnẹ ebe ya gie vbene otọe nii ye hẹ.

Jọsua 19:51

Emwa ni ghae otọe na kegha re Eliaza ne ohẹn, e Jọsua ne ovbi e Nọn kevbe avbe eniwanrẹn ivbi Izrẹl, iran na ọ re ọ yan uta ya ghae otọe nii vbe Silo vbe ne iran na ka nọ ọn e Nọyaẹnmwa nẹ vbe onurho Owa Ukpọn e Nọyaẹnmwa. Erriọ iran ya ghae otọe nii fo.

Jọsua 21:2

Iran keghi tama iran vbe Siailo vbe otọe Kenan wẹẹ, “E Nọyaẹnmwa tama e Mosis ne ọ tae wẹ ne a viọ ẹvbo ne ima yin, kevbe otọ ne avbe ẹmila na rria vbe ọkpẹn ọnrẹn ne avbe ẹmila ima miẹn ehe na gha rria.”

Jọsua 22:12

Ugbẹn vbe ivbi Izrẹl hia ghi họn ọna, iran hia keghi si egbe koko vbe Siailo ne iran ya gu iran gbinna.

Jọsua 22:19

Rhunmwuda onii nian, a deghẹ otọe uwa ma kei ne a na ga ẹe, wa gberra gha die otọ e Nọyaẹnmwa, ehe ne owa ukpọn ne a dia ọghọe ye. Wa do mu otọ eso vbe ehe ne ima ye. Sokpan, wa ghẹ sọtẹ e Nọyaẹnmwa, ra ima, vbene uwa gha na bọ aka ọghe obọ uwa do deba aka ọghe Nọyaẹnmwa Osanobua mwa.

Jọsua 22:9

Ọ re emwa ni rre ẹwae e Riubẹn, Gad, kevbe odẹ ahọ vbe ẹwae Manasẹ na werriegbe gha rrie owa, iran keghi sẹ ivbi Izrẹl ni dekẹe rae vbe Siailo vbe otọe Kenan, iran na gha rrie otọe Giliad ne ọ re otọe iran, ne iran ya ehia khian ọghe iran zẹ vbene Nọyaẹnmwa la unu e Mosis tama iran.

Giọgis 18:31

Amazẹ ọghe Maika kegha rre evba vbe ẹghẹ hia ne Owa Ukpọn ọghe Osanobua vbe ya gha rre e Silo.

Giọgis 21:12

Iran keghi miẹn ibiẹka ikhuo ni ma he rẹn okpia uri vbe Jabẹs, iran keghi viọ iran gha die agọ vbe Siailo ne ọ rre otọ Kenan.

Giọgis 21:19

Ẹre iran ghi na kha wẹẹ, “Emwiukpo e Nọyaẹnmwa ne a ru vbe Siailo ukpukpo sikẹ otọ nẹ.” (Siailo odẹ okuọ Bẹtẹl ọ re ọ ye vbe odẹ Lebanọn kevbe odẹ ahọ ọghe odẹ ne ọ rre ẹkpo Bẹtẹl kevbe Siẹkẹm.)

I Samuẹl 1:24

Ugbẹn vbe ọ ghi fian ẹre ewẹn nẹ, ọ keghi rhie ẹre gha rrie Siailo, ọ keghi mu ẹkhuia ẹmila ne ọ rre ukpo eha mwẹ kevbe ọduẹki irhuarhua kevbe ọgọ ohian ayọn ọkpa vbene ọ ru ọvbokhan sẹ nii, ọ keghi rhie ẹre gha rrie owa e Nọyaẹnmwa vbe Siailo.

I Samuẹl 1:3

Ukpukpo ọ re Ẹlkana ya ke ẹvbo ẹre kpao gha rrie Siailo, ne ọ ya ga, kevbe ne ọ ya zọ ese ghe Nọyaẹnmwa ne Oghodua. E Hofnai kevbe Finihaz ne ivbi Elai eva, kegha re ohẹn ọghe Nọyaẹnmwa vbe evba.