Jọsua 17:4 - Edo Bible (E Baibol Ẹdo) Version 1996

⁴ Iran keghi bu Eliaza ne ohẹn gha dee kevbe Jọsua ne ovbi e Nọn kevbe avbe ọkaolotu, iran na kha wẹẹ, “E Nọyaẹnmwa tama Mosis wẹ ne ọ ghae vbe otọ nii ne ima kevbe avbe etẹn ima ne ikpia ne ọ gha re ọghe ima.” Rhunmwuda onii zẹ vbene Nọyaẹnmwa khare, a ke gha otọ ne iran kevbe etẹn iran ne ikpia ne ọ gha re ọghe iran.

Jọsua 17:4 ပူးပေါင်းရင်းမြစ်များ

Nọmbas 27:1

E Mala, e Noa, e Hogla, e Milka, kevbe Taza kegha re emọ ikhuo ọghe Zẹlofehad ne ovbi Hẹfa, ne ovbi Giliad ne ovbi e Makẹ ne ovbi e Manasẹ ne ovbi e Josẹf.

Nọmbas 27:4

Vbọzẹ ne eni erha ima gha na gbe ẹro rhunmwuda ighẹ ọ ma biẹ ọmọ okpia. Wa ghae emwi ẹgbẹe ne ima vbe uwu ẹbu avbe etẹn erha mwa.”

Nọmbas 36:10

Ẹre Mala, Taza, Hogla, Milka kevbe Noa ne ivbi Zẹlofehad ni ikhuo na ru zẹ vbene Nọyaẹnmwa tama e Mosis, iran rọnmwẹ avbe emwa ne iran gba re eyeyẹ.

Galatia 3:28

Rhunmwuda ọnii, alughaẹn ne egbe i rrọọ vbe ẹkpo avbe Ju kevbe avbe iran ne ẹ i re Ju, eviẹn kevbe ne ẹ i re eviẹn, ikpia ra ikhuo, ọkpa wa hia khin vbe uwu a ya egbe ba Kristi Jesu.

Jọsua 14:1

Ọna ọrọre vbene a ya ghae otọe nẹ ivbi Izrẹl hẹ vbe Kenan vbe odẹ ekẹn Jọdan. Eliaza ne ohẹn, e Jọsua ne ovbi e Nọn kevbe ọkaolotu avbe ẹgbẹe ni rre Izrẹl ọ re ọ ghae nene otọ ne emwa nii.

Jọsua 17:5

Rhunmwuda ọnii, a keghi miẹn wẹ oghae igbe ọ re ọ ghi sẹ Manasẹ obọ deba Giliad kevbe Basian ni rre obọ ahọ ọghe Jọdan.

Jọsua 21:1

Avbe ọkaolotu ẹgbẹe avbe Livai keghi bu Eliaza ne ohẹn kevbe Jọsua ne ovbi e Nọn kevbe avbe ọkaolotu avbe ẹgbẹe ẹwae Izrẹl hia gha dee.