Jọsua 17:15 - Edo Bible (E Baibol Ẹdo) Version 1996

¹⁵ E Jọsua keghi wanniẹn wẹẹ, “A deghẹ wa bun vberriọ ighẹ ẹvbo oke ọghe Ifreim ma gua uwa, wa la ghe uwu ẹgbo khekherriọ ne uwa ya fie ne egbe uwa vbe otọ avbe emwa Pẹriz kevbe Refeim.”

Jọsua 17:15 ပူးပေါင်းရင်းမြစ်များ

Gẹnẹsis 13:7

Rhunmwuda ọnii, okhọn kegha rre ẹkpo emwa ni gbearoghe emwirri ọghe Ebram kevbe emwa ni gbearoghe ọghe Lọt, (Ẹghẹ ne a kha na, emwa Kenan kevbe emwa Pẹriz he ye rre otọe na).

Gẹnẹsis 14:5

Vbe ukpo nogiwenẹ, Kiedolaoma kevbe iran ne ọ guẹe ku obọ gbe bu iran gha dee, iran keghi khọn miẹn Refeim otọ vbe Astarrọt-kanem, Zuzim ne Ham, emwi ne ọ rre otọ nọ rriẹe ọghe kirriatam.

Gẹnẹsis 15:20

emwa Hiti, Pẹriz, Refeim,

II Samuẹl 18:6

Ivbiyokuo e Devid keghi mu okuo bu ivbi Izrẹl vbe uwu oha, iran keghi gu iran gbinna vbe uwu ẹgbo Ifreim.

II Samuẹl 5:18

Avbe Filistin kegha die Iya Refeim, iran na mu evba mwẹ.

II Samuẹl 5:22

Avbe ivbi e Filistin keghi werriegbe gha rrie Iya Refeim, iran na vbe ya dọlegbe mu ẹẹn mwẹ.

Ẹzra 9:1

A ghi ru avbe emwi na hia fo nẹ, eso vbe uwu avbe ọkaolotu keghi do khama mwẹ wẹ, emwa nii, avbe ohẹn, deba avbe Livai ma bi egbe ne emwa ni lẹga iran, Amọn, e Moab, Igipt, emwa Kenan, Hiti, Pẹriz, Jebus, kevbe Amọri, emwi osọnnọ ne avbe emwa nii ru ọ re iran vbe ru.

Ẹksọdọs 33:2

I gha gie odibosa ke odaro uwa, I gha khulo ivbi e Kenan, kevbe Hiti, e Pẹriz, e Hivi kevbe Jebus ladian.

Iyẹn ne ọ Maan Ọghe Luk 12:48

Sokpan ọguọmwadia ne ọ ma rẹn emwi ne arowa ẹre ho, ne ọ vbe ru emwi ne ọ kere ne a gbẹe asan yi, asan kherhe ọre a ra gbe ẹre re. Ọmwa ne a viọ ni bun na ọre a ye aro ye enibun vbe obọ ẹre, ọmwa ne a viọ ni bun sẹ na, a gha vbe ye aro ye ni bun sẹ vbe ohọ ẹre.

Jọsua 17:14

Ivbi e Josẹf keghi tama e Jọsua wẹẹ, “Vbe a na miẹn hẹ yi ighẹ obọ ọkpa ọ re u mu ne ima gha ye vbe otọe nii ne ọ gha re ọghe ima? Ma wa bun ẹsẹse rhunmwuda, e Nọyaẹnmwa fiangbe ima.”

Jọsua 17:16

Ivbi e Josẹf keghi kha wẹẹ, “Ẹvbo oke ma sẹ ne ima sokpan avbe emwa Kenan ni rre otọe ne ọ rriẹe, mwẹ ikẹkẹ okuo ematọn. Emwa Kenan ni rre Bẹt-Sian kevbe ẹvbo ni lẹga iran vbe mwẹ ọnrẹn, erriọ iran ni rre Iya Jezrẹl vbe ye.”

Giọgis 17:1

Okpia ọkpa kegha rrọọ ne a tie ẹre Maika, ọ kegha rre ẹvbo uhunmwu oke Ifreim.