Jọsua 17:14 - Edo Bible (E Baibol Ẹdo) Version 1996

¹⁴ Ivbi e Josẹf keghi tama e Jọsua wẹẹ, “Vbe a na miẹn hẹ yi ighẹ obọ ọkpa ọ re u mu ne ima gha ye vbe otọe nii ne ọ gha re ọghe ima? Ma wa bun ẹsẹse rhunmwuda, e Nọyaẹnmwa fiangbe ima.”

Jọsua 17:14 ပူးပေါင်းရင်းမြစ်များ

Gẹnẹsis 48:19

Erha ẹe keghi he, ọ wẹẹ, “I rẹnrẹn ovbi mwẹ, I rẹnrẹn ivbi uniẹn Manasẹ gha vbe khian okpẹvbo, sokpan ọtiọnrẹn nekherhe gha kpọlọ sẹ ọre, ivbi uniẹn ọnrẹn gha vbe khian ẹvbo ni kpọlọ.”

Gẹnẹsis 48:20

Rhunmwuda ọnii, ọ keghi fiangbe iran ẹdẹ nẹdẹrriọ ọ wẹẹ, “Ivbi Izrẹl gha ya eni uwa gha na erhunmwu, iran gha kha wẹẹ, ‘Te Osanobua gha gie uwa gha yevbe Ifreim kevbe Manasẹ.’ ” Erriọ ọre ọ na rhie Ifreim kodaro ne Manasẹ.

Gẹnẹsis 48:22

Wẹ ọ re I rhie Siẹkẹm na ighẹ ẹ i re avbe etuẹn, otọe esiesi nii ne I ya umozo mwẹ kevbe uhanbọ mwẹ miẹn iran re ighẹ emwa Amọri.”

Nọmbas 26:54

Yan uta ya ghae otọe ni, mu otọ ne ọkpọlọ ne ẹwae ne ọkpọlọ kevbe otọe ne kherhe ne ẹwae ne kherhe.”

Nọmbas 36:12

Iran keghi rọnmwẹ ọdọ vbe uniẹn Manasẹ ne ovbi e Josẹf, emwi iran kegha rre obọ ẹwae erha iran.

Jọsua 16:4

Ivbi e Josẹf, ẹwae Manasẹ kevbe Ifreim ẹre avbe otọe na sẹ ọre obọ ne ọ gha re ọghe iran.

Jọsua 17:15

E Jọsua keghi wanniẹn wẹẹ, “A deghẹ wa bun vberriọ ighẹ ẹvbo oke ọghe Ifreim ma gua uwa, wa la ghe uwu ẹgbo khekherriọ ne uwa ya fie ne egbe uwa vbe otọ avbe emwa Pẹriz kevbe Refeim.”