Jọsua 16:5 - Edo Bible (E Baibol Ẹdo) Version 1996

⁵ Ehe ne ọ gha otọ avbe ẹgbẹe Ifreim la ọ re ena khin: ehe ne otọ iran lae vbe obọ ahọ keghi re Atarọt Ada rhinrin ya sẹ Bẹt-horọn ne ọ ke odukhunmwu.

Jọsua 16:5 ပူးပေါင်းရင်းမြစ်များ

II Samuẹl 2:9

Ọ keghi ma ẹre ọba ọghe otọ Giliad, Asia, Jezrẹl, Ifreim kevbe Bẹnjamin, ne a wa kha wẹ, ọghe otọ Izrẹl hia.

I Krọnikol 7:24

Ifreim keghi mwẹ ọmọ okhuo ọkpa ne tie ẹre Siera. Okhuo na ọ re ọ bọlọ okpẹvbo Bẹt Horọn Ne ọ ke otọ kevbe Ne ọ ke odọọ, kevbe Uziẹn Siera.

I Krọnikol 7:28

Otọe ne iran mu ne iran vbe yin kegha re Bẹtẹl kevbe avbe okpẹvbo nii lẹga ẹre ya sẹ Naaran ne odẹ ahọ kevbe e Gẹzẹ ne odẹ orrie kevbe avbe okpẹvbo ni lẹga ẹre, avbe okpẹvbo Siẹkẹm kevbe Aya kevbe okpẹvbo ni lẹga iran kevbe rre ne usun.

Jọsua 10:10

E Nọyaẹnmwa keghi fian afianma ne ọ ya emwa zurọ fi ivbi Amọri egbe vbe iran wa bẹghe ivbiyokuo ọghe Izrẹl. Ivbi Izrẹl keghi lọ iran an vbe Gibiọn, iran na khulo iran ghe ototọ oke ya la Bẹt-horọn, iran keghi gbinna ghe odẹ ekẹn ya sẹ Azẹka kevbe Makẹda.

Jọsua 16:2

ọ keghi ke Bẹtẹl gha rrie Luz, ọ na la evba gha rrie Atarọt Ada ehe ne avbe Aki gha ye.

Jọsua 18:13

Ehe ne ọ lae kevbe laghe odẹ ekẹn ghe ẹvbo Luz, ghe iya Luz (ne avbe tie ẹre Bẹtẹl) ọ na ghi vbe la ghe ototọ ya sẹ Atarọt Ada ne ọ rre uhunmwu oke vbe odẹ ekẹn ọghe Bẹt-horọn ne ọ ke ototọ.