Jọsua 15:7 - Edo Bible (E Baibol Ẹdo) Version 1996

⁷ ọ na vbe ke Iya Orueghe kpao gha rrie Debẹ, ọ na vbe laghe odẹ okuọ, ọ kevbe bi egbe ghe Gilgal ne ọ mu aro da Adumim Pas ne ọ rre Odẹ ekẹn ọghe Iya nii. Ọ na vbe ke evba gha rrie ẹzẹ Ẹnsiemẹs, ọ na vbe niẹn obọ ghe Ẹnrogẹl.

Jọsua 15:7 ပူးပေါင်းရင်းမြစ်များ

II Samuẹl 17:17

E Jonatan kevbe Ahimaz keghi mudia vbe Ẹnrogẹl rhunmwuda ne emwa ghẹ ya bẹghe iran vbe iran a la ore ẹvbo. Ọvbokhan okhuo ọkpa ẹre ọ wa ya gha na iyẹn emwi ne ọ sunu ma iran, iran ghi vbe ya tama e Devid ne ọba.

I Ọba 1:9

Ọ ghi se ẹdẹ ọkpa, Adonaija keghi ya avbe ohuan, ẹmila kevbe ẹkhuia abẹgbe zọ ese vbe Okuta ẹyẹn ne ọ rre ọkpẹn ẹzẹ ne a tie ẹre Ẹnrogẹl, ọ keghi gie ne a tie ivbi e Devid nekpa hia kevbe emwa ni rre oga ọba ni ke Juda rre, gha die izọese na,

Aizaia 65:10

Iran gha ga mwẹ, iran ghi vbe gha viọ ohuan kevbe ẹmila iran ya gha rria vbe Otọe Nọrriẹe ọghe Siarọn vbe odẹ orrie kevbe vbe Iya Orueghe vbe odẹ ahọ.

Jọsua 10:43

Vbe iyeke ọ na, e Jọsua kevbe ivbiyokuo ẹre keghi werriegbe gha rrie agọ vbe Gilgal.

Jọsua 15:15

Evba ọ re ọ ke kpao ya dekun iran ni rre Debẹ (kirriat Sefẹ ọre a te ka tie ẹvbo na yi.)

Jọsua 15:6

Ọ na ya niẹn obọ sẹ Bẹt Hogla, ọ na laghe odẹ okuọ ya sẹ ehe ne a ke ghe Iya Jọdan. Ọ na ke evba gha rrie Okuta ọghe Bohan (ovbi e Riubẹn ọ re Bohan gha khin),

Jọsua 18:17

Ọ keghi vbe la ghe odẹ ekẹn ghe Ẹnsiemẹs, vbe la ghe Gelilot ne ọ mu aro da Adumim Pas. Uwu keghi la odẹ Okuta Bohan (Bohan ogha re ovbi Riubẹn).

Jọsua 4:19

Ikpẹdẹ ne ogigbe vbe uki ne ogienẹ, ne ọ re uki ne okaro, ọre emwa ni na fian Jọdan rra, iran keghi gbe agọ ye Gilgal vbe olarre owẹn Jẹriko.

Jọsua 7:24

E Jọsua kevbe ivbi Izrẹl hia keghi mu Ekani, kevbe esiliva kevbe agbada ẹwu kevbe ẹgba igoru nii, ivbi ẹre ne ikpia kevbe ne ikhuo, kevbe ẹmila ekẹtẹkẹtẹ kevbe ohuan rẹn, owa ukpọn rẹn, kevbe emwi ne ọ ghi mwẹ hia iran na viọ iran gha rrie Iya Orueghe.

Jọsua 7:26

Iran keghi silo okuta kpitii yan rẹn, te ọ ye rre evba do sẹ ẹdẹnẹrẹ na. Onii ọ siẹe ne a na ye tie evba nii “Iya Orueghe.” Iyeke ọnii, ohu ma ghi mu e Nọyaẹnmwa ọvbehe.