E Sọl keghi tie iyokuo ẹre si koko, ọ keghi ghe iran ghe vbe Tẹlẹm. Ivbiyokuo ni ke Izrẹl rre kegha re arriaisẹn uri (200,000) iran ni ke Juda rre kegha re arriaisẹn igbe (10,000).
E Devid keghi ya lẹre ye ẹvbo uhunmwu oke ne oha vbe ọkpẹn e Zif. E Sọl kegha hia vbe odẹikodẹ ne obọ irẹn vba ẹre, sokpan Osanobua ma rhie ẹre ne ẹẹn.
Emwa eso keghi ke Zif kpao bu e Sọl gha rrie Gibea, iran tama rẹn wẹẹ, “E Devid lẹre ye otọ ima vbe Hores ne uhunmwu oke Hakila vbe odẹ ekẹn ọghe ẹgbo Juda.
Ẹre iran na werriegbe, iran na karo ne Sọl gha rrie Zif. E Devid kevbe emwa rẹn kegha rre uwu ẹgbo e Moan vbe otọe iya ne emwa i ye vbe odẹ ekẹn ọghe nene ẹgbo.