Jọsua 15:17 - Edo Bible (E Baibol Ẹdo) Version 1996

¹⁷ Otniẹl ne ọtẹn Kelẹb ne ovbe re ovbi e Keniz keghi khọn ẹvbo nii. E Kelẹb keghi rhie Aksa ne ovbi ẹre ne okhuo ne ẹẹn rhie rọnmwẹ.

Jọsua 15:17 ပူးပေါင်းရင်းမြစ်များ

I Krọnikol 2:49

Ọ ghi vbe sẹ okiekie, ọ kevbe biẹlẹ emọ ikpia eva ọvbehe, ena ọ re Siaaf ne ọ bu ẹvbo ne a tie ẹre Madmana, kevbe Siieva ne ọ bu avbe ẹvbo ne a tie ẹre Makbena kevbe Gibea. E Kelẹb keghi ye biẹ ọmọ okhuo ọkpa ne a tie ẹre Aksa.

I Krọnikol 4:13

E Kenaz kegha mwẹ emọ ikpia eva, ena ọ re Otniẹl kevbe Seraia. Otniẹl keghi vbe gha mwẹ emọ ikpia eva, ena ọ re Hatat kevbe Meonotai.

Nọmbas 32:12

Emwa hia ọre ọ na wa kan sokpan Kelẹb ne ovbi e Jefunẹ ne ọmwa Keni kevbe Jọsua ne ovbi e Nọn rhunmwuda, iran nii wa guobọ Nọyaẹnmwa.

Jọsua 14:6

Ivbi ẹwae Juda keghi bu e Jọsua gha dee vbe Gilgal, e Kelẹb ne ovbi Jefunẹ ne ovbi e Keniz keghi tama rẹn wẹẹ, “U ye rre ẹmwẹ ne Nọyaẹnmwa tama Mosis ne ọmwa Osanobua vbe ekpa imẹ vbe ruẹ vbe Kedẹs Bania.

Jọsua 15:16

E Kelẹb keghi kha wẹẹ, “I gha rhie ovbi mwẹ nokhuo ighẹ Aksa ne ọmwaikọmwa ne ọ gha sẹtin khọn kirriat Sefẹ rhie rọnmwẹ.”

Giọgis 1:13

Otniẹl ne ovbi Keniz ne ọtẹn Kelẹb ne okpia ne kherhe keghi khọn ẹvbo nii. Ẹre Kelẹb na rhie Aksa ne ovbi ẹre ne okhuo ne ẹẹn ne ọ rhie rọnmwẹ.

Giọgis 3:11

Ọfumwegbe kegha rre otọe ni la ukpo iyeva, ẹre Otniẹl ne ovbi Keniz ghi na wu.

Giọgis 3:9

Ẹghẹ nii ọ re ivbi Izrẹl na datu tie Nọyaẹnmwa, rẹn keghi gie okpia ọkpa gie iran ne ọ miẹn iran fan. Ọna kegha re Otniẹl ne ovbi Kenan ne ọtẹn Kelẹb ne kherhe.