Jọsua 15:16 - Edo Bible (E Baibol Ẹdo) Version 1996

¹⁶ E Kelẹb keghi kha wẹẹ, “I gha rhie ovbi mwẹ nokhuo ighẹ Aksa ne ọmwaikọmwa ne ọ gha sẹtin khọn kirriat Sefẹ rhie rọnmwẹ.”

Jọsua 15:16 ပူးပေါင်းရင်းမြစ်များ

I Krọnikol 2:49

Ọ ghi vbe sẹ okiekie, ọ kevbe biẹlẹ emọ ikpia eva ọvbehe, ena ọ re Siaaf ne ọ bu ẹvbo ne a tie ẹre Madmana, kevbe Siieva ne ọ bu avbe ẹvbo ne a tie ẹre Makbena kevbe Gibea. E Kelẹb keghi ye biẹ ọmọ okhuo ọkpa ne a tie ẹre Aksa.

Jọsua 15:15

Evba ọ re ọ ke kpao ya dekun iran ni rre Debẹ (kirriat Sefẹ ọre a te ka tie ẹvbo na yi.)

Jọsua 15:17

Otniẹl ne ọtẹn Kelẹb ne ovbe re ovbi e Keniz keghi khọn ẹvbo nii. E Kelẹb keghi rhie Aksa ne ovbi ẹre ne okhuo ne ẹẹn rhie rọnmwẹ.

Giọgis 1:6

Adonibẹzẹk keghi lẹ, sokpan iran keghi khu ẹe, iran mu ẹẹn, iran na giagia ẹre ikpinhianbọ nogie kevbe ikpinhianwẹ nogie kua.

I Samuẹl 17:25

Iran keghi tama egbe wẹẹ, “Wa ya ghe ẹre, wa ghe vbene ọ si ọmwa evẹn hẹ! Ọmwaikọmwa ne ọ sẹtin gbe ẹe, ọba gha fe ẹre, ọ ghi rhie ovbi ẹre ne okhuo ne ẹẹn rhie rọnmwẹ, ọ ghi vbe we ne ẹgbẹe erhae ghẹ ghi zẹ igho uhunmwu.”