Jọsua 15:11 - Edo Bible (E Baibol Ẹdo) Version 1996

¹¹ Uwu keghi vbe la ghe odẹ ehanhan oke vbe odẹ okuọ ọghe Ẹkrọn, ọ na vbe la ghe Sikẹrọn, ọ gberra Oke Baala gha khian ya sẹ Jabneel. Ehe ne ọ lae keghi ya mudia vbe Okun Meditẹrrenian.

Jọsua 15:11 ပူးပေါင်းရင်းမြစ်များ

II Ọba 1:16

Ọ na khama rẹn wẹẹ, “Vbenian ọ re Nọyaẹnmwa kha re: ‘Rhunmwuda ne u na gie emwa ya nọ e Baal ne ẹbọ Ẹkrọn vbene a miẹn wẹ ẹbọ i rre otọ Izrẹl ne a gha nọ, u i ra fe, te u gha wu!’ ”

II Ọba 1:6

Iran keghi wanniẹn wẹẹ, “Ma miẹn okpia ne ọ wẹ ne ima werriegbe gha dee, ne a do tama ruẹn wẹ e Nọyaẹnmwa khare wẹẹ, ‘Vbọzẹ ne u na gie emwa ne iran ya nọ e Baal ne ẹbọ Ẹkrọn yi? Te uwẹ ro ra ighẹ ẹbọ i rre Izrẹl? U i ra fe vbe ẹwẹn ruẹn, te u ra wu.’ ”

II Krọnikol 26:6

Uzaia keghi mu okuọ gie ivbi e Filistia. Ọ keghi dunmwu ekẹn ne a gbe lẹga e Gat, e Jamnia, kevbe Asdọd sotọ, ọ keghi vbe gba odin gaa ore ẹvbo eso vbe ọkpẹn Asdọd kevbe Filistia.

Nọmbas 34:6

“Ehe ne ọ ra sẹ vbe odẹ orrie ọrọre Okun Meditẹrrenian.

Jọsua 15:10

Evba ọ ghi kevbe ya lẹga odẹ orrie ọghe Baala la ghe odẹ Oke Sẹa, ọ na vbe la odẹ okuọ ọghe oke Giearim (ra Kiesalon) vbe la ghe otọ gha rrie Bẹt Siemẹs gha khian ya gberra Timna.

Jọsua 15:12

Ehe ne ọ lae vbe odẹ orrie ke gha re okhiẹ Okun Meditẹrrenian. Enena ọrọre ehe ne uwu lae ne ọ lẹga emwa avbe ẹgbẹe ni rre Juda.

Jọsua 15:45

Ẹkrọn kevbe rrọọ ke ẹe kevbe avbe okpẹvbo kevbe igue ni rrọọ.

Jọsua 15:9

Ọ keghi vbe ke uhunmwu oke nii kpao gha rrie Ivbiẹzẹ Nẹftoa, ọ na vbe la ghe odẹ ẹvbo ni rre ọkpẹn Oke Efrọn. Evba ọ ghi vbe ke mukhiẹn ghe odẹ Baala (ra kirriat Giearim.)

Giọgis 1:18

Iran ma khọn Gaza, Askẹlọn ra Ẹkrọn kevbe ẹvbo ni lẹga iran. E Nọyaẹnmwa keghi ye Juda obọ, iran ma mu avbe ẹvbo oke ya khian ọghe iran. Sokpan iran ma sẹtin khulo avbe emwa ni yin eghute kua rhunmwuda avbe emwa nii mwẹ ikẹkẹ okuo ematọn.

I Samuẹl 17:52

Ivbi Izrẹl kevbe Juda keghi khu iran gha we lele iran khian, iran keghi khu iran rhinrin ya sẹ e Gat kevbe ya sẹ onurho Ẹkrọn. Ivbi e Filistin ne emwi vbare keghi dele lele odẹ e Siareim, ya sẹ e Gat kevbe Ẹkrọn.

I Samuẹl 5:10

Iran na ghi vbe mu ẹkpẹti ni gha rrie Ẹkrọn, ne ọ vbe re ẹvbo e Filistin, ugbẹn vbe ọ ghi se evba, emwa nii hia keghi wa gha goo wẹẹ, “Iran mu Ẹkpẹti Ile ọghe Osanobua ivbi Izrẹl gha di edinran, ne ọ gbele ima hia a.”

I Samuẹl 5:8

Rhunmwuda ọnii, iran keghi gie ne a ya tie enigie isẹn ọghe emwa Filistin, iran keghi nọ iran wẹẹ, “Vbe a gha ru Ẹkpẹti Ile ọghe Osanobua ivbi Izrẹl hẹ yi?” Iran wanniẹn tama iran wẹẹ, “Wa mu ẹẹn gha rrie Gat.” Iran keghi gele mu ẹẹn gha rrie Gat ne ọ vbe re ẹvbo e Filistin.

I Samuẹl 7:14

Avbe ẹvbo ne Filistin te mu nọ hia, kevbe Ẹkrọn ya sẹ Gat, a keghi kie ehia werriegbe ne ivbi Izrẹl. Izrẹl keghi dọlegbe miẹn otọe ẹre hia werriegbe. Ọfumwegbe kegha rre ẹkpo ivbi Izrẹl kevbe emwa Kenan.