Jọsua 14:8 - Edo Bible (E Baibol Ẹdo) Version 1996

⁸ Sokpan, emwa ni lele mwẹ gha khian keghi zẹ afianma ye emwa egbe, mẹ keghi ye ẹko ata họn ẹmwẹ ne Nọyaẹnmwa Osanobua mwẹ.

Jọsua 14:8 ပူးပေါင်းရင်းမြစ်များ

Nọmbas 13:31

Sokpan avbe emwa ne iran vbe Kelẹb gba yo keghi kha wẹẹ, “Ẹn o, ma ma wegbe sẹ ne ọ gha dekun iran; iran ni rre evba wegbe sẹ mwa.”

Nọmbas 14:1

Vbe asọn nii hia, avbe emwa nii kegha viẹ eve orriara.

Nọmbas 14:24

Sokpan, vbene a na miẹn wẹ Kelẹb ọguọmwadia mwẹ ighẹ uyimwẹ ọghọe lughaẹn, ọ keghi mudia ke mwẹ gbain, I gha rhie ẹre sẹ otọe ne irẹn ya ghe, otọe nii gha khian ọghe ivbi ẹre.

Nọmbas 32:12

Emwa hia ọre ọ na wa kan sokpan Kelẹb ne ovbi e Jefunẹ ne ọmwa Keni kevbe Jọsua ne ovbi e Nọn rhunmwuda, iran nii wa guobọ Nọyaẹnmwa.

Diuteronomi 1:28

Vbọzẹ ne ima gha na gha rrie evba. Ohan mu mwa. Emwa ne ima gie werriegbe rre do tama ima ighẹ emwa ni rre evba wegbe, iran kọnkọn sẹ ima. Iran wẹ ẹvbo ne a gbe ekẹn ne ọ yo sẹ iso gaa ọ re iran ye. Iran vbe miẹn avbe arhuanran vbe evba.’

Diuteronomi 1:36

E Kelẹb ne ovbi e Jefunẹ ọkpa ọ re ọ gha larọ. Rẹn wa gu obọ mwẹ, otọe ne irẹn ya ghe ghe, I gha mu ẹẹn ne irẹn kevbe avbe ivbi ẹre.’

Jọsua 14:14

Ivbi Kelẹb ne ovbi Jefunẹ ne ọmwa Keniz ọ re ọ ye yan Hibrọn rhunmwuda, rẹn keghi ya ẹko ata họn ẹmwẹ Nọyaẹnmwa ne Osanobua Izrẹl.

Arhie Maan 14:4

Iran na keghi re avbe ikpia ni da egbe iran yi vbe ne ẹ i na mwẹ iruẹn, vbe ekpa ne iran ma na gu ikhuo ruemwi rhọkpa, iran ma rọnmwẹ ikhuo. Iran kegha lele Oteghe Ohuan nii la ehe ne ọ rhirhi la, a dẹ iran werriegbe nẹ ke uwu ẹbu emwa ne agbọn ladian, iran keghi re emwa ni ikaro ne a viọ gie Osanobua kevbe Oteghe Ohuan nii.