Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Jọsua 14:6 - Edo Bible (E Baibol Ẹdo) Version 1996

6 Ivbi ẹwae Juda keghi bu e Jọsua gha dee vbe Gilgal, e Kelẹb ne ovbi Jefunẹ ne ovbi e Keniz keghi tama rẹn wẹẹ, “U ye rre ẹmwẹ ne Nọyaẹnmwa tama Mosis ne ọmwa Osanobua vbe ekpa imẹ vbe ruẹ vbe Kedẹs Bania.

အခန်းကိုကြည့်ပါ။ ကော်ပီ




Jọsua 14:6
30 ပူးပေါင်းရင်းမြစ်များ  

Zẹ vbene e Nọyaẹnmwa gie ẹe, akhasẹ ọkpa keghi ke Juda gha rrie Bẹtẹl, ọ keghi wa sẹ evba vbe Jeroboam mudia ye ọkpẹn aka na ọ zọ ese.


lele akhasẹ nii ne ọ ke Juda rre, ọ keghi do vba ẹre vbe o tota ye ototọ okan, ọ nọ rẹn wẹẹ, “Wẹ ọrọre akhasẹ ne ọ ke Juda rre ra?” Ọ keghi wanniẹn wẹẹ, “Mẹ nọ.”


Elaisia na tama okhuo nii wẹẹ, “Vbe ẹghẹ na ukpo ne ọ dee, u gha mu ọmọ okpia mwẹ obọ.” Okhuo nii keghi datu wẹẹ, “A a, ghẹ ta ohoghe ma mwẹ, ọmwa Osanobua ọre u khin!”


Vbe ẹghẹ ọvbehe, orhiọnkpa keghi viọ ududu ebrẹd ugie ne a ye ọka ne a ka gha rhọ vbe ugbo nii le, ke Bal Sialisia gie Elaisia, deba ọka ne a da fian. Elaisia na wẹ ne ọguọmwadia ẹre viọ ne otu akhasẹ gha re.


Okhuo nii keghi tama ọdọ ẹre wẹẹ, “Mẹ yayi wẹ okpia na ne ọ rri emwa vbe ẹghẹ hia na; ọmwa ne ọ huanrẹn ẹre nọ.


Elaisia keghi ziẹn aro ye ọre egbe vbe ọmwa ne ohan rẹn wa kakabọ mu ọmwa, sẹrriọ ne Hazaẹl ghi na runran. Vbe udomwurri. Elaisia keghi wa gha viẹ.


Elaisia kegha rrie Damaskọs vbe ẹghẹ ne egbe ma na rran e Benhadad ne ọba e Siria. A ghi tama ọba ighẹ Elaisia rre evba,


Sokpan a keghi ka ivbi e Mosis ne ọmwa Osanobua ba avbe Livai.)


E Nọyaẹnmwa, wẹ ọrọre owa mwa ẹdẹdẹmwẹdẹ.


I keghi viọ iran gha die ughugha erhuanegbe akhasẹ ne a tie ẹre Hanan, ovbi Igdalaia, ughugha na keghi rre odukhunmwu ughugha ọghe Maaseia ne ovbi e Sialọm, ọkhaẹmwẹ kpataki vbe Ọgua Osa, ọ keghi vbe sikẹ ughugha avbe ekhaẹmwẹ nekpa.


e Mosis, Errọn kevbe ivbi Izrẹl hia gha die Kedẹs vbe ẹgbo Paran. Iran keghi na iyẹn emwi ne iran miẹn, iran na vbe mu ọmọ erhan ne iran viọ rre ma iran.


E Kelẹb keghi gbe eta ye avbe emwa nii gui ma e Mosis unu, ọ wẹẹ, “Te ima ra dekun ẹvbo nii ne a mu ẹẹn nian, ma wegbe sẹ ne ọ gha khọn rẹn miẹn otọ.”


Sokpan, vbene a na miẹn wẹ Kelẹb ọguọmwadia mwẹ ighẹ uyimwẹ ọghọe lughaẹn, ọ keghi mudia ke mwẹ gbain, I gha rhie ẹre sẹ otọe ne irẹn ya ghe, otọe nii gha khian ọghe ivbi ẹre.


I te yan wẹ I gha gie uwa yin otọe ni, sokpan, nian ọkpa vbe uwu uwa ne ọ gha yin ẹnrẹn ẹ ghi rrọọ gberra Kelẹb kevbe Jọsua.


E Jọsua ne ovbi e Nọn kevbe Kelẹb ne ovbi e Jefunẹ na ye akhiẹ sọ ukpọn iran an.


E Nọyaẹnmwa tae nẹ wẹ te iran hia ra wulo ye otọ ẹgbo erriọ ọ gele gha ye, sokpan ama wẹ Kelẹb ne ovbi Jefunẹ kevbe Jọsua ne ovbi Nọn.


Emwa hia ọre ọ na wa kan sokpan Kelẹb ne ovbi e Jefunẹ ne ọmwa Keni kevbe Jọsua ne ovbi e Nọn rhunmwuda, iran nii wa guobọ Nọyaẹnmwa.


Erhunmwu afiangbe ne Mosis ne ọmwa Osanobua na ne avbe ẹwae Izrẹl ọ te wu ọ re ọna khin.


Ke ẹghẹ nii gha dee, a ma he miẹn akhasẹ ne ọ yevbe Mosis vbe Izrẹl, ọmwa ne Nọyaẹnmwa wa gu guan vbe ghe aro mwẹ ghe aro uẹ.


Ẹre Mosis ne ọguọmwadia e Nọyaẹnmwa na wu vbe evba vbe otọ Moab zẹ vbene e Nọyaẹnmwa kha re ighẹ ọ gha ye.


Sokpan wẹ ne ọmwa Osanobua, gha lẹ ne avbe emwi na hia. Gha ziga gualọ ẹmwata, uyinmwẹ ne ọ khẹ ọghe Osanobua, iyayi, aho ẹmwẹ ọmwa, i ziengbe kevbe ufumwẹ.


Ne a miẹn ehe na miẹn wẹ, ọmwa ne ọ ga Osanobua ghi gha re ne a gbalọ ẹre egbe ye otọ, kevbe ne ọ sẹe ne ọ gha winna iwinna ne ọ maa hia.


Vbe iyeke ọ na, e Jọsua kevbe ivbiyokuo ẹre keghi werriegbe gha rrie agọ vbe Gilgal.


Ivbi Kelẹb ne ovbi Jefunẹ ne ọmwa Keniz ọ re ọ ye yan Hibrọn rhunmwuda, rẹn keghi ya ẹko ata họn ẹmwẹ Nọyaẹnmwa ne Osanobua Izrẹl.


Otniẹl ne ọtẹn Kelẹb ne ovbe re ovbi e Keniz keghi khọn ẹvbo nii. E Kelẹb keghi rhie Aksa ne ovbi ẹre ne okhuo ne ẹẹn rhie rọnmwẹ.


Ikpẹdẹ ne ogigbe vbe uki ne ogienẹ, ne ọ re uki ne okaro, ọre emwa ni na fian Jọdan rra, iran keghi gbe agọ ye Gilgal vbe olarre owẹn Jẹriko.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ