Jọsua 14:2 - Edo Bible (E Baibol Ẹdo) Version 1996

² Uta ne ọ huanrẹn nii ọ re a ya ghae otọe ne ẹwae ihinrin kevbe obọ ọkpa vbe a wa ẹwae ọkpa ye eva nii, zẹ vbe ne Nọyaẹnmwa tama Mosis.

Jọsua 14:2 ပူးပေါင်းရင်းမြစ်များ

Itan 16:33

Emwa nagbọn ghi gha yan uta ne iran miẹn ehe na rẹn emwi ne ọ rre Osa ekhọe, sokpan, Osanobua ọ re ọ tobọ ọre ta vbene uta ni gha kha hẹ.

Itan 18:18

Erhanigberhan eva gha vbe egbe vbe iko ẹzọ, uta ne a yan ọ re a ra sẹtin ya ta ọfo yọ.

Ezikiẹl 45:1

A ghẹ ghi ghae otọe nii nẹ wẹ ne a mu ne dọmwadẹ ẹwae vbọ, a ghi ya ọkpa vbọ fi ohan ne Nọyaẹnmwa. Ọ ghi gha re ibiriki igbe vbe utanmwẹ kevbe ibiriki erẹnrẹn vbe uvbẹmwẹ. Ehe ne ọ sẹe ehe ne ọ rhanmwẹ hia ghi wa gha re nọhuanrẹn.

Nọmbas 26:52

E Nọyaẹnmwa keghi tama e Mosis wẹẹ,

Nọmbas 33:54

Wa ghi ghae otọe nii gba dọmwadẹ ẹwae kevbe uniẹn ni rrọọ obọ, a ghi mu ne ọkpọlọ ne ẹwae ne ọkpọlọ, kevbe ne kherhe ne ẹwae ne kherhe.

Nọmbas 34:13

Ẹre Mosis na tama ivbi Izrẹl wẹẹ, “Otọe ne uwa ra yan uta yi ya ghae ọre ọna khin, otọe ne Nọyaẹnmwa ya ne ẹwae ihinrin vbe ukhiọnmwẹ.

Nọmbas 34:17

“Eliaza ne ohẹn ne ovbi e Errọn gha guẹ ghae avbe otọe nii kevbe e Jọsua ne ovbi e Nọn.

Matiu 25:34

Ọba ghi tama iran ni rre obọ erha ọmwa wẹẹ, ‘Wa larre, wa ne erha mwẹ fiangbe, wa do mu arriọba ne a kpehe ẹre ye otọ khẹ uwa ke ne a ya yi agbọn gha dee.

Iwinna 1:26

Vbe iyeke ọna, iran keghi yan uta ne iran zẹ ọkpa vbe uwu eni iran eva. Ọ keghi mu Mataias, a keghi kae ba avbe ukọ ne owọrọ.

Jọsua 13:7

Banbanna nian, gha otọe na ne avbe ẹwae ihinrin nii, kevbe obọkpa vbe ẹwae Manasẹ, ne iran viọ ya khian ọghe iran.”

Jọsua 18:10

E Jọsua keghi yan uta nọ e Nọyaẹnmwa ne iran, ọ na mu ihe eso vbe otọe nii ne dọmwadẹ ọghọe vbe ivbi Izrẹl.

Jọsua 18:6

Wa ghi gbẹnnẹ ebe ya gie vbene otọe ihinrọn nii ye hẹ ne uwa mu bu mwẹ gha dee. I gha do yan uta nọ e Nọyaẹnmwa Osanobua uwa ne uwa.