Jọsua 13:6 - Edo Bible (E Baibol Ẹdo) Version 1996

⁶ Emwa Saidọn hia ni rre ẹvbo uhunmwu oke keghi rre ne usun, iran ni rre ẹkpo Oke Lebanọn kevbe Misrefọt Maim. I gha khulo iran ladian vbene ivbi Izrẹl ya nana sikẹ odaro. U ghi ghae otọe nii ne ivbi Izrẹl ne ọ gha re ọghe iran zẹ vbe ne I ta ma ruẹn wẹ ne u ru.

Jọsua 13:6 ပူးပေါင်းရင်းမြစ်များ

Psalm 80:8

U rhie azara ima okpa ke Igipt rre, u khulo uhunmwu ẹvbo nekpa ladian, u keghi gbọ ẹre ye otọe iran.

Nọmbas 33:54

Wa ghi ghae otọe nii gba dọmwadẹ ẹwae kevbe uniẹn ni rrọọ obọ, a ghi mu ne ọkpọlọ ne ẹwae ne ọkpọlọ, kevbe ne kherhe ne ẹwae ne kherhe.

Jọsua 1:6

U ghi wegbe ne u vbe din, rhunmwuda wẹ ọ re ọ ra mu ọkaolotu viọ emwa na gha rrie otọe nii ne I ve avbe erha iran odede ẹre wẹ I gha mu ne iran.

Jọsua 11:12

E Jọsua keghi khọn avbe ọba ni hia muotọ deba ẹvbo iran hia. Ọ keghi gbele iran hia a, zẹ vbene Mosis ne ọguọmwadia e Nọyaẹnmwa khare.

Jọsua 11:8

E Nọyaẹnmwa keghi rhie akhọnmiotọ vbe uhunmwu iran, ne ivbi Izrẹl. Ivbi Izrẹl keghi dekun iran, iran na khulo iran ghe odẹ okuọ ya sẹ Saidọn nọkhua kevbe Misrefọt Maim, kevbe e Saidọn odẹ ahọ ya sẹ Mispa. Iran keghi wa gha khian a te do miẹn wẹ, a ma ghi miẹn ọkpa ne ọ ghi de kẹe vbe uwu iran ne eghian.

Jọsua 13:7

Banbanna nian, gha otọe na ne avbe ẹwae ihinrin nii, kevbe obọkpa vbe ẹwae Manasẹ, ne iran viọ ya khian ọghe iran.”

Jọsua 23:13

Wa ghi wa rẹn wẹ e Nọyaẹnmwa Osanobua uwa i ghi ra khulo avbe agbọn ẹvbo nii hin ehe ne uwa ye rre. Sokpan iran zẹ ẹbe ne uwa zẹ vbe ifi ra uye, ọ ghi vbe gha balọ zẹ vbe asan vbe ẹkpiyeke ra igban vbe uwu aro uwa. Erriọ ọ re ọ khian gha ye khian a te miẹn wẹ wa lahin otọe esiesi na ne Nọyaẹnmwa Osanobua uwa mu ne uwa.

Jọsua 23:4

Wa danmwehọ, I ghae avbe ẹvbo ni ghi dekẹe ne avbe ẹwae uwa nẹ ne ọ gha re ọghe uwa, erriọ vbe nọ ne avbe ẹvbo ne I munọ ẹn ke Ẹzẹ Jọdan vbe odẹ ahọ kpao ya sẹ Okun Meditẹrrenian vbe odẹ orrie.

Jọsua 23:5

E Nọyaẹnmwa Osanobua rua gha gie iran laghe iyeke hin ehe ne uwa ye rre, ọ gha vbe khulo iran hin uwa egbe rre. Otọe iran gha khian ọwua zẹ vbene e Nọyaẹnmwa Osanobua uwa yan ma uwa.