Jọsua 13:16 - Edo Bible (E Baibol Ẹdo) Version 1996

¹⁶ Otọe iran keghi ke Aroẹ kpao (vbe ehọ Iya Anọn) kevbe ẹvbo ne ọ rre adesẹneva iya nii, kevbe avbe otọ ni rriẹe hia ni lẹga Mẹdeba.

Jọsua 13:16 ပူးပေါင်းရင်းမြစ်များ

II Samuẹl 24:5

Iran keghi fian e Jọdan rra, iran na bu agọ ye odẹ ekẹn Aroa, ne ẹvbo ne ọ rre iya vbe otọ e Gad. Evba iran keghi kpao gha rrie odẹ okuọ vbe Jeza,

I Krọnikol 19:7

Ikẹkẹ okuo arriaisẹn evayan ọgban (32,000) ne iran mọmọ ẹn deba ivbiyokuo ọba ọghe Maka keghi bu agọ ye ọkpẹn Mẹdeba. Ivbi Amọn hia kevbe ke ẹvbo iran hia ladian iran na mu egbe igbinna.

Aizaia 15:4

Ivbi e Hesbọn kevbe Elealẹ gha go, a vbe họn urhu eve iran vbe ehe ne ọ rrei gban vbene Jahaz ye. Uhin ighe te avbe ivbiyokuo ghi guọ zẹzẹzẹ, udu iran kpan fi ẹko.

Nọmbas 21:26

E Hesbọn ọ re ọ gha re igiogbe ẹvbo ọghe ivbi Amọri ne ọba Saihọn, rẹn na ọ re ọ gu ọmwa ne ọ te ka re ọba Moab gbinna, ọ na khọn miẹn ẹre otọe hia ya sẹ Ẹzẹ Anọn.

Diuteronomi 3:12

“Ma ghi ya ẹvbo nii khian ọghomwa nẹ, I keghi mu avbe otọ ne ọ ke Aroa ne ọ rre ọkpẹn Ẹzẹ Anọn kpao do sẹ ẹvbo Giliad ba ẹvbo ni rrọ ne ẹwae ọghe Riubẹn kevbe Gad.

Jọsua 12:2

Saihọn ọba avbe ivbi Amọri ne ọ gha rre Heshọn, otọ arriọba ẹre keghi ke Aroẹ vbe ọkpẹn Iya ọghe Anọn, kevbe ke adesẹneva iya ni kpao, rhinrin ya sẹ Ẹzẹ Jabọk, ehe ne otọ Ammọn sẹe (ena kegha re vbe a wa otọe Gilian ye ihe eva).

Jọsua 13:15

E Mosis keghi mu otọ eso ne ẹgbẹe avbe ẹwae Riubẹn ne ọ gha re ọghe iran.

Jọsua 13:17

E Hesbọn vbe rrọọ kevbe avbe ẹvbo hia ni rre otọe ne ọ rriẹe nii, avbe Dibọn, Bamot, Baal, Bẹt Baalmiọn.

Jọsua 13:9

Otọe iran keghi ke Aroẹ (vbe ehọ Iya Anọn) kpao deba ẹvbo ne ọ rre adesẹneva iya nii, kevbe otọe oke ne ọ rriẹe ọghe Mẹdeba hia ya sẹ Dibọn.

Jọsua 14:3

E Mosis ka mu otọ eso ne ẹwae eva vbe ukhiọnmwẹ vbe odẹ ahọ ọghe Jọdan, sokpan ọ ma mu otọe ne avbe Livai. A keghi ghae uniẹn Josẹf ye ẹwae eva, ena ọre Manasẹ kevbe Ifreim. A ma mu ne avbe Livai vbe otọe nii, ye ihe ọnii, a keghi mu avbe okpẹvbo ne iran dia, oha kevbe gha rrọọ ne avbe ẹmila kevbe ohuan iran.

Jọsua 18:7

Avbe e Livai i ra gu uwa nekpa gha otọe, rhunmwuda ne ọ kan iran ọrọre ne iran gha ga zẹ vbe avbe ohẹn ọghe Nọyaẹnmwa. Avbe ẹwae ọghe Gad, Riubẹn kevbe obọkpa vbe ẹwae Manasẹ mu otọ ọghe iran nẹ vbe odẹ ahọ ọghe Jọdan, otọe nii ne Mosis ne ọguọmwadia e Nọyaẹnmwa mu ne iran.”

Giọgis 11:26

Ukpo iyisẹn yan uri (300) ọ re Izrẹl kegha rre Hesbọn kevbe Aroa kevbe ẹvbo ni lẹga iran do deba ẹvbo hia ni rre eghute Ẹzẹ Anọn. Vbọzẹ ne u na ma mu ẹẹn werriegbe ke ẹghẹ nii gha dee?

I Samuẹl 30:28

Aroa, Sifmọt, Ẹstemoa