Jọsua 13:14 - Edo Bible (E Baibol Ẹdo) Version 1996

¹⁴ E Mosis ma gha otọ ne ẹwae e Livai, sokpan, iran ghi gha viọ emwi ne a ya zọ ese ne a giẹn gie e Nọyaẹnmwa, enii ghi gha re ọghe iran zẹ vbene Nọyaẹnmwa tama e Mosis.

Jọsua 13:14 ပူးပေါင်းရင်းမြစ်များ

Ezikiẹl 44:28

“Emwi ne ọ sẹ avbe ohẹn obọ vbe emwi ne I viọ ne ivbi Izrẹl, ne ọ gha re emwi ne a ya ye emọ otọ, ke orre ọkpa ya sẹ ọvbehe ọrọre ukpo ohẹn. A i kue ne iran gha họn emwi vbe Izrẹl. Mẹ ọrọre emwi ne ọ kere ne iran gha mwẹ.

Ezikiẹl 44:29

Ọka imuohan, imuohan ye orukhọ, kevbe imuohan a hae werriegbe ọrọre evbare avbe ohẹn. Emwi hia ne a ghi zẹ kọ ne imẹ nẹ vbe Izrẹl, iran ọ re ọ kere ne ọ gha viọ ẹre.

Diuteronomi 10:9

Ọnii ọ siẹe ne a na ma gha otọ ne ẹwae Livai zẹ vbene ẹwae nekpa ye. Emwi ne ọ sẹ iran obọ ke gha re ukpo ohẹn zẹ vbene Nọyaẹnmwa Osanobua uwa yan rẹn.)

Diuteronomi 12:12

Ẹghẹ nii wa gha ghọghọ vbe odaro ẹre, kevbe ivbi uwa kevbe ọguọmwadia uwa kevbe avbe Livai ni rre ẹvbo uwa, (yerre wẹ avbe Livai i khian gha mwẹ otọ obọ iran.)

Diuteronomi 12:19

Inu ẹghẹ ne uwa gha ya vbe otọe uwa, wa ghẹ mianmian avbe Livai.

Jọsua 13:13

Sokpan, ivbi Izrẹl ma khulo emwa Gẹsiọ kevbe Makati ladian. Te iran na ye rre Izrẹl.

Jọsua 13:15

E Mosis keghi mu otọ eso ne ẹgbẹe avbe ẹwae Riubẹn ne ọ gha re ọghe iran.

Jọsua 13:33

Sokpan, e Mosis ma mu otọe ne ẹwae avbe Livai ne ọ gha re ọghe iran. Ọ keghi tama iran wẹ oghae vbe emwi ne a ya mu ohan gie e Nọyaẹnmwa Osanobua ọghe Izrẹl ọrọre emwi ne iran ra gha mwẹ.

Jọsua 18:7

Avbe e Livai i ra gu uwa nekpa gha otọe, rhunmwuda ne ọ kan iran ọrọre ne iran gha ga zẹ vbe avbe ohẹn ọghe Nọyaẹnmwa. Avbe ẹwae ọghe Gad, Riubẹn kevbe obọkpa vbe ẹwae Manasẹ mu otọ ọghe iran nẹ vbe odẹ ahọ ọghe Jọdan, otọe nii ne Mosis ne ọguọmwadia e Nọyaẹnmwa mu ne iran.”