Jọsua 13:13 - Edo Bible (E Baibol Ẹdo) Version 1996

¹³ Sokpan, ivbi Izrẹl ma khulo emwa Gẹsiọ kevbe Makati ladian. Te iran na ye rre Izrẹl.

Jọsua 13:13 ပူးပေါင်းရင်းမြစ်များ

Gẹnẹsis 35:22

Ẹghẹ ne Jekọb na gha rre ẹvbo nii, e Riubẹn keghi gu e Bilha ne ọkpa vbe uwu egbakhian erhae ru emwi, e Jekọb ghi họn, ohu ke muẹn ẹsẹsẹmwẹse, emọ iweva ọre Jekọb biẹlẹe.

II Samuẹl 10:6

Ivbi Amọn wa rẹn wẹ te iran ho e Devid ẹmwẹ, iran na ya viọ ivbiyokuo arriaisẹn ugie (20,000) vbe Siria kevbe Betrehob kevbe Zọba, arriaisẹn iweva (12,000) vbe Tob deba ọba Maaka ke ẹe kevbe ivbiyokuo arriaisẹn (1,000).

II Samuẹl 3:3

Ne ogieva kegha re Kiliab, ne a tie iye ẹe Abigẹl ne ọ de ẹgbẹe vbe obọ Nabal ne ovbi Kamẹl; ne ogieha kegha re Absalọm, ne a tie iye ẹe Maaka, ovbi e Talmai ne ọba Gẹsiọ;

Nọmbas 33:55

Sokpan, a deghẹ wa ma khulo emwa ni rre otọe nii ladian, iran ni kẹe rre vbọ, te iran ra gha ye vbe iku dan vbe aro uwa, kevbe igban vbe efẹn uwa, iran gha vbe guwa gbinna.

Diuteronomi 3:14

E Jea ne ovbi ẹwae Manasẹ keghi mu iwewe Agọb hia, ọnii nọ wẹ e Basian rhinrin ya sẹ uwu ọghe Gẹsiọ kevbe Maaka, ọ keghi he avbe igue ni rrọọ hia eni gi egbe irẹn, igue Jea ọ re a ye tie iran do sẹ ẹdẹnẹrẹ na.)

Jọsua 12:5

Otọ arriọba ẹre keghi sẹ Oke Hẹmọn, Saleka kevbe Basan hia, rhinrin ya sẹ Gẹsiọ kevbe uwu avbe Maka deba obọkpa vbe Giliad rhinrin ya sẹ otọ Saihọn ne ọba Hesbọn.

Jọsua 13:11

E Giliad keghi vbe rrọ deba iwewe ne emwa Gẹsiọ kevbe emwa Makati ye, Oke Hẹmọn hia, deba Basian hia ya sẹ Saleka.

Jọsua 13:12

Kevbe otọe Ọg ne ọ gha khaemwisẹ vbe Astarrọt kevbe Ẹdrẹi (Ọg ọkpa ọrọre ne a ghi fi yi vbe Refeim). E Mosis ka khọn iran na nẹ, ọ na vbe khulo iran ladian.

Jọsua 13:14

E Mosis ma gha otọ ne ẹwae e Livai, sokpan, iran ghi gha viọ emwi ne a ya zọ ese ne a giẹn gie e Nọyaẹnmwa, enii ghi gha re ọghe iran zẹ vbene Nọyaẹnmwa tama e Mosis.

I Samuẹl 27:8

E Devid kevbe emwa rẹn ghi mu igbinna gie emwa Gẹsiọ, Gizi kevbe Amalẹk ni ka rre otọe nii de yi ke nẹkpo i mwẹẹ arria gha dee. Ọ ghi fu emwi ni rre otọ iran ya sẹ Siọ kevbe rhinrin ya sẹ Igipt,