Jọsua 12:1 - Edo Bible (E Baibol Ẹdo) Version 1996

¹ Ivbi Izrẹl keghi khọn, iran na vbe yin otọ ne ọ rre odẹ ahọ ọghe Jọdan kevbe Iya ọghe Anọn kpao ya sẹ Iya ọghe Jọdan kevbe Oke Hẹmọn. Vbe odẹ okuọ avbe ọna ne ivbi Izrẹl khọn miẹn ẹre otọ ena khin.

Jọsua 12:1 ပူးပေါင်းရင်းမြစ်များ

I Ọba 4:19

E Geba ne ovbi Uri: otọe Giliad ne ọba e Saihọn ọghe Amọn, kevbe ọba Ọg ọghe Basian te ka gha khaemwisẹ yan. Deba iran ne iweva na ni khaemwisẹ ọkpa kevbe gha rre otọe Juda.

Psalm 133:3

Ọ yevbe evbu ne ọ tuo vbe Oke Hẹmọn, ne ọ tuo ye avbe oke Zaiọn. Evba nii i ọ re Nọyaẹnmwa na ve afiangbe ẹre, agbọn ne ẹ i mwẹ ọfo.

Psalm 136:21

Ọ keghi mu otọ iran ne emwa irẹn etẹbitẹ ọ re ahoẹmwọmwa rẹn khin.

Psalm 89:12

Wẹ ọ re ọ yi odẹ okuọ kevbe ekẹn Oke Tabọ kevbe Oke Hẹmọn iran hia ya oghọghọ so ihuan ghe ruẹ.

Aizaia 16:2

Iran keghi mudia vbe ọkpẹn Ẹzẹ Anọn iran na gha gbe ọghẹghẹ ghe aro ghe iyeke zẹvbe ahianmwẹ ne a khulo hin oko iran rre.

Nọmbas 21:13

Iran ghi kpao vbe evba iran keghi bu agọ ye odẹ okuọ Ẹzẹ Anọn, vbe ẹgbo ne ọ ya sẹ otọ Amọri (Anọn ke ghi re uwu e Moab kevbe Amọri.)

Nọmbas 21:21

Ẹre ivbi Izrẹl na gie uhunmwu gie Saihọn ne ọba ivbi Amọri wẹẹ:

Nọmbas 21:24

Sokpan ivbi Izrẹl keghi gbele nibun vbe uwu iran ne eghian nii vbe okuo, iran na yin otọe iran, ke Ẹzẹ Anọn ne ọ rre odẹ okuọ ọghe Jabọk ya sẹ Jazẹ vbe ehe ne otọe Amọn sẹe.

Nọmbas 32:19

Ma i ra yan emwikemwi vbe uwu emwi ewe ni rre iyeke Jọdan, rhunmwuda ọghe ima sẹ ima obọ nẹ vbe emwa vbe odẹ ahọ ọghe Jọdan.”

Nọmbas 32:32

Vbene irẹn na re ọkaokuo, ma gha khian la otọe Kenan ne a ya khọn okuo ne emwi ni rre odẹ ahọ ọghe Jọdan na miẹn ehe na khian ọghomwa.”

Nọmbas 32:33

Ẹre Mosis na mu otọe ọba Saihọn ọghe Amọri kevbe ọba Ọg ọghe Basian kevbe avbe ẹvbo ni lẹga ẹre hia ne ẹwae Gad kevbe Riubẹn kevbe a gha wa ẹwae Manasẹ ye ihe eva.

Diuteronomi 2:24

“Ma ghi la Moab gberra nẹ, e Nọyaẹnmwa keghi kha wẹẹ, ‘Banbanna nian, wa si okhian ne uwa ya fian Ẹzẹ Anọn rra. I ra rhie Sihọn ne ovbi Amọri ne ọ re ọba Hesbọn ye uwa obọ, ke ẹe kevbe otọe ẹre, wa suẹn ọnrẹn gha gu khọn ne uwa vbe miẹn re otọ.

Diuteronomi 2:32

E Sihọn keghi viọ emwa rẹn ladian bu ima gha dee ne iran do gu ima gbinna vbe ọkpẹn Jahaz.

Diuteronomi 3:1

“Iyeke ọnii, ma keghi si okhian ghe odẹ okuọ ẹvbo Basian, ẹre Ọg ne ọba na viọ emwa rẹn gha dee do gu ima gbinna vbe ọkpẹn Ẹdrẹi.

Diuteronomi 4:44

E Mosis keghi rhie uhi Osanobua kevbe emwi ne ọ ma emwa re ma ivbi Izrẹl.

Diuteronomi 4:48

Otọe ne iran ya khian ọghe iran na keghi ke ẹvbo Aroẹ kpao vbe okhiẹ Ẹzẹ Anọn wa gha khian ya sẹ oke Siriọn, onii nọ wẹ ekẹn Hẹmọn.

Jọsua 1:15

Iran ghẹ ghi vbe mu otọe nii ne Nọyaẹnmwa Osanobua mu ne iran nẹ, iran gbe ẹkun sotọ, wa ghi vbe gha dee do yin otọe ne Mosis ne ọguọmwadia e Nọyaẹnmwa mu ne uwa vbe emwa na vbe iyeke ẹzẹ Jọdan.”

Jọsua 11:17

Ke Oke Halek kpao vbe ọkpẹn Idọm ya sẹ Balgad vbe iya ọghe Lebanọn vbe odẹ ekẹn ọghe Oke Hẹmọn, ọ keghi gbele avbe ọba ni rrọọ hia a. Vbe ọ ghi gu iran khọn la ẹghẹ ne ọ taẹn vbe otọ nẹ.

Jọsua 11:3

Rẹn keghi vbe gie uhunmwu gie ivbi e Kenan ni rre obọ eveva ọghe Jọdan, gie Amọri, Hiti, Pẹriz, Jebus vbe ẹvbo uhunmwu oke kevbe emwa Hivi ni rre ototọ Oke Hẹmọn vbe otọ Mispa.

Jọsua 13:8

A keghi mu otọe ne ẹwae Riubẹn, Gad kevbe obọkpa vbe ẹwae Manasẹ, vbe odẹ ahọ ọghe Jọdan. Ọnii ọ re Mosis ne ọguọmwadia e Nọyaẹnmwa mu ne iran.

Jọsua 22:4

Banbanna nian, e Nọyaẹnmwa Osanobua rua rhie ọfumwegbe ne ivbi Izrẹl ne ihua uwa nẹ zẹ vbene ọ khare. Rhunmwuda ọnii, wa werriegbe gha rrie otọe uwa ne uwa mu ya khian ọwua, otọe ne ọ rre odẹ ahọ e Jọdan, ne Mosis ne ọguọmwadia e Nọyaẹnmwa mu ne uwa.

Giọgis 11:18

Ẹre iran na ye gha khian vbe uwu ato. Iran keghi bi egbe ne otọe Idọm kevbe Moab, iran keghi do sẹ odẹ ahọ ọghe Moab vbe obọ nọkpa ọghe Ẹzẹ Anọn. Iran keghi bu agọ ye evba sokpan, iran ma fian Ẹzẹ Anọn rra rhunmwuda evba ọrọre uwu Ọghe Moab.