Jọsua 11:23 - Edo Bible (E Baibol Ẹdo) Version 1996

²³ E Jọsua keghi khọn otọe ni hia fẹẹrẹ zẹ vbene Nọyaẹnmwa tama e Mosis. Ọ keghi muẹn ne ivbi Izrẹl ne ọ gha re ọghe iran, a na do gha ẹre ako ako, ọkpọkpa ne ẹwae ọkpọkpa. Ẹre emwa nii na ghi hẹwẹ vbe okuo.

Jọsua 11:23 ပူးပေါင်းရင်းမြစ်များ

Nehimaia 9:24

Iran khọn otọ e Kenan. Obọ ruẹ gba emwa ni rre evba u rhie ẹtin ne emwa ruẹn. Ne iran gha ru vbene ọ khọn iran, vbe egbe emwa kevbe avbe ọba ọghe Kenan.

Psalm 46:9

Ọ dobọ okuo yi vbe uhunmwu otọ agbọn hia ọ bunnọ avbe uhanbọ ọ vbiolo avbe asoro ọ keghi vbe giẹn avbe asa a vbe erhẹn.

Ẹksọdọs 34:11

U ghi gha lele uhi ne I gha rhie nuẹn ẹrẹna. I gha khulo iran hin odaro ruẹ rre ighẹ ivbi Amọri, e Kenan, e Hiti, e Pẹriz, e Hivi kevbe Jebus, vbene u ya nana sikẹ odaro.

Ezikiẹl 45:8

Ako na ghi gha re ne a ghae ne ovbiọba ne ọ khaemwisẹ vbe Izrẹl ne ọ ghẹ ghi gha zẹ avbe emwa kpokpo ọvbehe, sokpan, ọ ghi gie ni dekẹe gha re ọghe avbe ẹwae ivbi Izrẹl.

Diuteronomi 1:38

Sokpan e Jọsua ne ovbi Nọn ne ọ yuẹ obọ gha sẹ ọe. U ghi rhie igiọdu ne Jọsua, ọ gha su ivbi Izrẹl ne iran ya yin otọe nii.’

Diuteronomi 25:19

Rhunmwuda ọnii, ugbẹn vbe Nọyaẹnmwa Osanobua rua a ghi mu otọe nii ne uwa ọ na degue uwa hin obọ ẹbe ọghe eghian uwa hia ni yin lẹga uwa nẹ, wa ghẹ mwẹ wa ma gbele ivbi Amalẹk hia vbe ne a gha na miẹn wẹ a i ghi miẹn ọmwa ne ọ gha ye iran rre ẹdẹdẹmwẹdẹ. Wa ghẹ mianmian!”

Jọsua 12:7

E Jọsua kevbe ivbi Izrẹl keghi khọn avbe ọba hia ni rre otọe orrie ọghe Jọdan kevbe Balgad vbe Iya Lebanọn ya sẹ Oke Halak vbe ọkpẹn Idọm. E Jọsua keghi ghae otọe na ne avbe ẹwae nii, ọ na viọ ẹre ne iran zẹ vbe emwi obọ iran ọghe etẹbitẹ.

Jọsua 18:10

E Jọsua keghi yan uta nọ e Nọyaẹnmwa ne iran, ọ na mu ihe eso vbe otọe nii ne dọmwadẹ ọghọe vbe ivbi Izrẹl.

Jọsua 22:4

Banbanna nian, e Nọyaẹnmwa Osanobua rua rhie ọfumwegbe ne ivbi Izrẹl ne ihua uwa nẹ zẹ vbene ọ khare. Rhunmwuda ọnii, wa werriegbe gha rrie otọe uwa ne uwa mu ya khian ọwua, otọe ne ọ rre odẹ ahọ e Jọdan, ne Mosis ne ọguọmwadia e Nọyaẹnmwa mu ne uwa.

Jọsua 23:1

Ọ ghi kpẹe fua, vbe Nọyaẹnmwa ghi rhie ọfumwegbe ne ivbi Izrẹl nẹ vbe obọ avbe eghian iran ni lẹga iran, e Jọsua vbe khian ọ maẹn ghẹghẹghẹ.