Jọsua 11:22 - Edo Bible (E Baibol Ẹdo) Version 1996

²² A ma zẹdẹ sẹ ọkpa vbe avbe Anakim rae ye otọ Izrẹl. Sokpan a keghi sẹ ibozẹghẹ rae ye Gaza, e Gat kevbe Asdọd.

Jọsua 11:22 ပူးပေါင်းရင်းမြစ်များ

I Ọba 2:39

Ọ ghi gba vbe ukpo eha, eva vbe usun eviẹn Simẹi keghi lẹ kua gha rrie ọghe Akis ne ọba e Gat ne ovbi Maka.

I Krọnikol 18:1

Ọ ghi kpee fua kherhe, e Devid ne ọba keghi dọlegbe mu okuo gie ivbi e Filistin, ọ na khọn miẹn iran otọ. Ọ keghi mu e Gat kevbe igue ni lẹga ẹre hin ototọ ase iran rre.

I Krọnikol 8:13

E Beraia kevbe Siẹma kegha re ọkaẹgbẹe emwa ni yin Aijalọn, iran na khulo emwa ni rre Gat ladian.

II Krọnikol 26:6

Uzaia keghi mu okuọ gie ivbi e Filistia. Ọ keghi dunmwu ekẹn ne a gbe lẹga e Gat, e Jamnia, kevbe Asdọd sotọ, ọ keghi vbe gba odin gaa ore ẹvbo eso vbe ọkpẹn Asdọd kevbe Filistia.

Aizaia 20:1

E Sagon ne Ọgbaisi ọghe Asiria, keghi gie olotu avbe ọkaokuo ọghe Asiria ne ọ ya khọn Asdọd ne ọ rre otọ e Filistia.

Iwinna 8:40

Filip ghi ghe Asdọd rẹn ghi ye, ọ keghi wa la ẹvbo ni rre eni hia gba, ọ na gha kpe orhu Iyẹn Ne ọ maa ọ te ya sẹ Sisaria.

Diuteronomi 2:23

Emwa ni ke Kret ne otọe ne amẹ lẹga rre, keghi fuẹn avbe emwa Avim ni te rre avbe igue ni rrọ rhinrin ya sẹ odẹ ekẹn Gaza, iran keghi miẹn iran otọ, iran na yin evba.)

Diuteronomi 9:2

Emwa ni rrọọ tobọ iran taẹn, iran vbe wegbe, arhuanran ọ re iran khin, wa họn ẹẹn vbe a ka ta ẹe wẹ a i miẹn ọmwa ne ọ sẹtin mu aro da iran.

Jọsua 10:41

E Jọsua keghi khọn ehia muotọ ke Kadẹs Bania kpao vbe odẹ ekẹn Gaza, vbe ọkpẹn eghute deba isoko e Gosiẹn hia vbe odẹ ekẹn ya sẹ Gibiọn vbe odẹ okuọ.

Jọsua 15:14

E Kelẹb keghi khulo ivbi Anak ighẹ Siẹsiai, Ahima kevbe Talmi hin evba rre.

Jọsua 15:46

Do deba avbe agbọn ẹvbo kevbe okpẹvbo ni rre ọkpẹn Asdọd, ke Ẹkrọn ya sẹ Okun e Meditẹrrenian.

Jọsua 15:47

Asdọd kevbe Gaza keghi vbe rre evba do deba avbe okpẹvbo kevbe igue ni rrọọ ya sẹ ẹzẹ ne ọ rre uwu ọghe Igipt kevbe ọkpẹn Okun e Meditẹrrenian.

Giọgis 1:18

Iran ma khọn Gaza, Askẹlọn ra Ẹkrọn kevbe ẹvbo ni lẹga iran. E Nọyaẹnmwa keghi ye Juda obọ, iran ma mu avbe ẹvbo oke ya khian ọghe iran. Sokpan iran ma sẹtin khulo avbe emwa ni yin eghute kua rhunmwuda avbe emwa nii mwẹ ikẹkẹ okuo ematọn.

Giọgis 3:3

Iran ne a sẹrae kegha re ẹvbo Filistia isẹn, ivbi e Kenan hia e Saidọn, e Hivi ni rre uhunmwu Oke Lebanọn kevbe Oke Bal rhinrin ya sẹ Ada Hamat.

I Samuẹl 17:4

Okpia ọkpa ne a tie ẹre Golaiat, ne ovbi ẹvbo ne a tie ẹre Gat, keghi ke uwu ẹbu avbe Filistin ladian, ọ na do si ivbi Izrẹl evẹn. Utanmwẹ ọnrẹn gberra ibata ihinrin,

I Samuẹl 5:1

Ivbi e Filistin ghi khọn mu Ẹkpẹti Ile ọghe Osanobua nii, iran keghi mu ẹẹn ke Ebẹnẹza gha rrie ẹvbo Asdọd.