Jọsua 11:16 - Edo Bible (E Baibol Ẹdo) Version 1996

¹⁶ E Jọsua keghi khọn otọe nii hia, ẹvbo oke nii hia, vbe odẹ okuọ kevbe odẹ ekẹn iwewe avbe otọ Gosiẹn hia, otọe ni kae vbe odẹ ekẹn kevbe Iya Jọdan.

Jọsua 11:16 ပူးပေါင်းရင်းမြစ်များ

Psalm 105:44

Ọ mu otọe emwa ọvbehe ne iran ọ na vbe gie iran munọ ugbo iran.

Psalm 78:55

Ọ khulo iran ni yin ẹnrẹn ladian, vbe avbe emwa irẹn dee, ọ ghae otọe iran ne iran ne ẹwae Izrẹl ọ na vbe munọ owa iran ne emwa irẹn.

Ezikiẹl 17:23

ye oke ne ọ yo sẹẹ vbe Izrẹl. Ọ gha zẹlẹ abọ, ọ ghi vbe mọ, ọ ghi do khian isida ne mose mose. Ahianmwẹ ughughan gha di evba ya, iran ghi miẹn ehe dia vbe irhu ẹre.

Ezikiẹl 36:8

Sokpan, avbe erhan gha ye dọlegbe zọ, iran ghi vbe zẹ ebe vbe uhunmwu oke Izrẹl, iran gha mọ ne uwa, ivbi Izrẹl ne emwa mwẹ. Wa gha dọlegbe gha die owa vbe ọ ma he kpee wan.

Diuteronomi 1:7

Wa kuọ agọ uwa sẹ otọ, ne uwa si okhian sikẹ odaro. Wa gha rrie ẹvbo ni rre uhunmwu oke ọghe Amọri kevbe avbe ehe ne avbe ẹdogbo iran hia ye vbe odẹ iya Jọdan, odẹ ẹvbo uhunmwu oke kevbe ẹvbo ni rre ugboghodo, ghe odẹ ẹvbo ni rre odẹ ekẹn kevbe eghute Meditẹrrenian. Wa gha rrie otọe Kenan kevbe gberra Oke Lebanọn, rhinrin yasẹ Ẹzẹ nọkhua ighẹ Yufretes.

Jọsua 10:40

E Jọsua keghi khọn mu otọe nii hia, ọ keghi khọn avbe ọba ni rre uhunmwu oke nii miẹn iran otọ, iwewe-Negev, ẹvbo ni rre ugboghodo kevbe ni rre ahọ oke kevbe ototọ oke vbe odẹ orrie deba ẹvbo ne amẹ i ye vbe odẹ ekẹn, ọ ma sẹ ọkpa rae ye agbọn. A keghi wa gbele ehia a. Erriọ ọ re Nọyaẹnmwa Osanobua Izrẹl gie.

Jọsua 10:41

E Jọsua keghi khọn ehia muotọ ke Kadẹs Bania kpao vbe odẹ ekẹn Gaza, vbe ọkpẹn eghute deba isoko e Gosiẹn hia vbe odẹ ekẹn ya sẹ Gibiọn vbe odẹ okuọ.

Jọsua 11:15

E Nọyaẹnmwa gu e Mosis ne ọguọmwadia ẹre guan, e Jọsua keghi ya ehia ru emwi. Ọ keghi ru emwi hia fẹẹrẹ ne Nọyaẹnmwa tama e Mosis.

Jọsua 11:2

Kevbe gie avbe ọba ni rre ẹvbo ni rre uhunmwu oke vbe odẹ okuọ, vbe Iya ọghe Jọdan vbe odẹ ekẹn ọghe odighi e Galili vbe ẹvbo ni rre ototọ oke vbe eghute vbe ọkpẹn Dọ.

Jọsua 11:21

Ẹghẹ na ọ re Jọsua na gha khian ya fuẹn iran ne arhuanran ighẹ Anakim ni rre uhunmwu oke, vbe Hibrọn, Debẹ, Anab kevbe avbe uhunmwu oke Juda kevbe Izrẹl. E Jọsua keghi wa fuẹn iran kevbe ẹvbo iran an fẹẹrẹ.

Jọsua 12:8

Avbe otọ ni de ba ẹre keghi re ẹvbo oke, otọ uye Iya Jọdan, avbe ẹzi oke, vbe odẹ ekẹn. Emwa ni te ka re otọe na keghi rre emwa Hiti, Amọri, emwa Kenan, Pẹriz, Hivi kevbe Jebus.

Jọsua 9:1

Avbe ọba hia ni rre orrie Jọdan keghi họn ẹmwẹ na, iran ni rre oke, iran ni rre otọ ne ọ rriẹe kevbe iran hia ni yin lele ọkpẹn Okun Meditẹrrenian, rhinrin ya sẹ Lebanọn, iran na keghi re avbe ọba ivbi e Hiti, Amọri, e Kenan, e Pẹriz, e Hivi kevbe Jebus.