Jọsua 11:14 - Edo Bible (E Baibol Ẹdo) Version 1996

¹⁴ Ivbi Izrẹl keghi viọ emwi ni maa ni rrọọ hia kevbe avbe ẹmila ni rre ẹvbo nii, iran na ya ehia khian ọghe iran, sokpan, iran keghi gbele emwa ne agbọn ni rrọọ, iran ma vbe sẹ ọkpa rae ye agbọn.

Jọsua 11:14 ပူးပေါင်းရင်းမြစ်များ

II Krọnikol 20:25

E Jehosiafat kevbe ivbiyokuo ẹre kegha khian ya fu emwi viọ, obọ iran keghi vba ẹmila ni bun kevbe evbare kevbe ukpọn kevbe emwi ighobioye ọvbehe ni bun. Iran keghi ya ikpẹdẹ eha si emwi ne iran furu nii, sokpan, ehia bun sẹrriọ wẹ, iran ma sẹtin viọ emwi hia.

Nọmbas 31:9

Ivbi Izrẹl keghi munọ ikhuo kevbe ibiẹka ni rre Midian oghunmwu, iran keghi munọ emwirri iran hia, iran na fu emwi iran hia viọ.

Diuteronomi 20:14

Vbene ọ rhirhi gha ye hẹ, wa sẹtin viọ ikhuo, emọ, emwirri kevbe emwi ọvbehe hia ni rre ẹvbo nii ya khian ọwua. Wa sẹtin gha lo emwi hia ni re ọ ghe eghian uwa. E Nọyaẹnmwa ya ẹe ne uwa nẹ.

Diuteronomi 20:16

“Sokpan, wa gha khọn ẹvbo ni rre otọe ne Nọyaẹnmwa Osanobua khian mu ne uwa. Wa gbele emwa hia ni rrọọ rua.

Jọsua 10:40

E Jọsua keghi khọn mu otọe nii hia, ọ keghi khọn avbe ọba ni rre uhunmwu oke nii miẹn iran otọ, iwewe-Negev, ẹvbo ni rre ugboghodo kevbe ni rre ahọ oke kevbe ototọ oke vbe odẹ orrie deba ẹvbo ne amẹ i ye vbe odẹ ekẹn, ọ ma sẹ ọkpa rae ye agbọn. A keghi wa gbele ehia a. Erriọ ọ re Nọyaẹnmwa Osanobua Izrẹl gie.

Jọsua 11:11

Iran keghi gbele emwa hia ni rrọọ, iran ma sẹ ọkpa rae ye agbọn, iran na vbe giẹn ẹvbo iran an.

Jọsua 11:13

Vbene ọ rhirhi a gha ye hẹ, ivbi Izrẹl ma giẹn avbe owa ekẹn gberra Hazọ ọkpa ne Jọsua giẹn uan.

Jọsua 11:15

E Nọyaẹnmwa gu e Mosis ne ọguọmwadia ẹre guan, e Jọsua keghi ya ehia ru emwi. Ọ keghi ru emwi hia fẹẹrẹ ne Nọyaẹnmwa tama e Mosis.

Jọsua 8:2

Zẹ vbene uwa ru Jẹriko ke ọba ẹre, erriọ wa gha vbe ru Eai ke ọba ẹre. Sokpan, vbe ọnọna, wa sẹtin viọ emwi ke ẹmila iran ya khian ọwua, wa mu egbe ne uwa ya khọn ẹvbo nii, wa ghi la iyeke do ẹe mu.”

Jọsua 8:27

Ivbi Izrẹl keghi viọ avbe ẹmila kevbe avbe emwi ne a khọn viọ vbe evba nii, zẹ vbene e Nọyaẹnmwa tama Jọsua.