Jọsua 10:37 - Edo Bible (E Baibol Ẹdo) Version 1996

³⁷ Iran na khọn ẹnrẹn muotọ. Iran keghi gbe ọba ne ọ rrọọ kevbe emwa hia ni rre ẹvbo nii kevbe ẹvbo ni diake ẹe. E Jọsua keghi wa tie ẹvbo nii ehe ne a gha fuan fẹẹrẹ, zẹ vbene ọ vbe ru Ẹgiọn. A ma sẹ orhiọnkpa rae vbọ.

Jọsua 10:37 ပူးပေါင်းရင်းမြစ်များ

Ẹksọdọs 17:13

Ẹre Jọsua na wa khọn ivbi Amalẹk muotọ.

Jọsua 10:28

E Jọsua keghi dekun Makẹda, ọ na khọn rẹn ke ẹe kevbe ọba ẹre vbe ẹdẹnẹdẹrriọ. Ọ keghi gbele emwa nii rre ẹvbo ni hia a, ọ ma vbe fi ọkpa ye agbọn vbọ. Ọ kevbe ru ọba Makẹda zẹ vbene ọ vbe ru ọba Jẹriko.

Jọsua 10:35

Iran keghi khọn rẹn ẹdẹnẹdẹrriọ nii, iran na gbele emwa hia ni rre ẹvbo nii uan, zẹ vbene ọ vbe ru vbe Lakis.

Jọsua 10:36

Vbe iyeke ọna, e Jọsua kevbe ivbiyokuo ẹre keghi ke Ẹgiọn gha rrie Hibrọn ne ẹvbo oke. Iran na dekun ẹnrẹn.

Jọsua 10:38

E Jọsua kevbe ivbiyokuo ẹre kegha rrie Debẹ, iran na dekun ẹnrẹn.

Jọsua 10:39

Ọ kevbe khọn mu ẹẹn ke ẹe kevbe ọba ẹre kevbe ẹvbo ni sikẹ ọre. Iran keghi gbele emwa ni rre evba nii hia a. E Jọsua keghi ru Debẹ kevbe ọba ẹre zẹ vbene ọ vbe ru Hibrọn, Libna kevbe avbe ọba iran.

Jọsua 10:40

E Jọsua keghi khọn mu otọe nii hia, ọ keghi khọn avbe ọba ni rre uhunmwu oke nii miẹn iran otọ, iwewe-Negev, ẹvbo ni rre ugboghodo kevbe ni rre ahọ oke kevbe ototọ oke vbe odẹ orrie deba ẹvbo ne amẹ i ye vbe odẹ ekẹn, ọ ma sẹ ọkpa rae ye agbọn. A keghi wa gbele ehia a. Erriọ ọ re Nọyaẹnmwa Osanobua Izrẹl gie.

Jọsua 11:12

E Jọsua keghi khọn avbe ọba ni hia muotọ deba ẹvbo iran hia. Ọ keghi gbele iran hia a, zẹ vbene Mosis ne ọguọmwadia e Nọyaẹnmwa khare.