Jọsua 10:36 - Edo Bible (E Baibol Ẹdo) Version 1996

³⁶ Vbe iyeke ọna, e Jọsua kevbe ivbiyokuo ẹre keghi ke Ẹgiọn gha rrie Hibrọn ne ẹvbo oke. Iran na dekun ẹnrẹn.

Jọsua 10:36 ပူးပေါင်းရင်းမြစ်များ

Gẹnẹsis 13:18

Rhunmwuda ọnii, Ebram na si agọ ẹre, ọ keghi ya bu ẹre ye ọkpẹn erhan iruẹmwi ọghe Mamrẹ vbe Hibrọn, ọ ke gba aka ne Nọyaẹnmwa vbe evba.

I Krọnikol 12:23

Ẹghẹ ne Devid na gha rre Hibrọn, ivbiyokuo ne a ma ẹre emwi ni bun ọre ọ ya deba ẹre ne iran ru iyobọ ya ma ẹre ọba zẹ vbene Nọyaẹnmwa tae ye otọ. Avbe iran ni ọ re ena khin: E Juda: arhin uri i rrọ vbe arriaisẹn ihinrọn (6,800) ni mwẹ emwi igbinna ọghe asa kevbe asoro. E Simiọn: arhin iyisẹn yan arriaisẹn ihinrọn (7,100) ne a ma ẹre emwi ẹsẹse; E Livai: arhin arria eha yan arriaisẹn enẹ (4,600); Ivbi uniẹn Errọn ni lele Jehoiada: iyisen yan arriaeha yan arriaisẹn eha (3,700); Etẹn e Zadọk ne ọmọ ne igbinna gua ẹre obọ ro kegha re arhin eva yan ugie (22) nihiunsi; Bẹnjamin (uniẹn e Sọl tobọre): arhin arriaisẹn eha (3,000). Iran nibun sẹ vbe Bẹnjamin ọ re ọ wa yegbe ba e Sọl; Ifreim: arria enẹ yan arriaisẹn ugie (20,800) ni wa hin usi vbe ẹwae iran; E Manasẹ ne orrie: arhin arriaisẹn evairrọ vbe ugie (18,000) ne a zẹe ne iran ya ma Devid ọba. Isaka: Ekaolotu uri (200) deba emwa ni rre ototọ asẹ iran (avbe ekaolotu na rẹn emwi ne ọ kere ne Izrẹl ru ke ẹghẹ ne ọ ke yi ne a ya ruẹe;) E Zebulọn: arhin arriaisẹn ekigbe siyeha (50,000) emwa ni gie a ya egbe yan kevbe ni mu egbe vbe ẹghẹ hia ni iran ya gbinna, emwa ne a ma ẹre emwi vbene a lo emwi igbinna ne ọ rhirhi a gha khin hẹ; E Naftali: avbe ekaolotu arriaisẹn (1,000) do deba arhin arriaisẹn ehairrọ vbe iyeva (37,000) ne a viọ emwi igbinna asa kevbe asoro na; E Dan: arhin arriaeha yan arriaisẹn evairrọ vbe ọgban (28,600) ne a ma ẹre emwi; Asia: arhin arriaisẹn iyeva (40,000) ni mu egbe ne iran ya gbinna vbe okuo. Ẹwae ni rre odẹ ahọ e Jọdan kegha re Riubẹn, e Gad kevbe Manasẹ ne odẹ Ahọ: Arhin arriaisẹn iyehan (120,000) ne a ma ẹre vbene a lo emwi igbinna ne ọ rhirhi gha khin hẹ.

II Krọnikol 11:10

e Zora, Aijalọn kevbe Hibrọn.

Nọmbas 13:22

Iran keghi ka laghe odẹ ekẹn ẹvbo nii iran ke do sẹ Hibrọn ehe ne ivbi uniẹn iran ye ighẹ avbe Ahiman, Siesia kevbe Talmai ne arhuanran, ẹwae iran na ọ re a tie ẹre Anakin (Ukpo ihinrọn ọre a ka ya bu Hibrọn khẹ Zoan ne ọ rre Igipt.)

Jọsua 10:3

Ọ re Adonizẹdẹk na gie uhunmwu gha rrie ọghe Hoham ne ọba Hibrọn, Piram ne ọba Jamut, Jafia ne ọba Lakis kevbe Debẹ ne ọba Ẹgiọn wẹẹ:

Jọsua 10:35

Iran keghi khọn rẹn ẹdẹnẹdẹrriọ nii, iran na gbele emwa hia ni rre ẹvbo nii uan, zẹ vbene ọ vbe ru vbe Lakis.

Jọsua 10:37

Iran na khọn ẹnrẹn muotọ. Iran keghi gbe ọba ne ọ rrọọ kevbe emwa hia ni rre ẹvbo nii kevbe ẹvbo ni diake ẹe. E Jọsua keghi wa tie ẹvbo nii ehe ne a gha fuan fẹẹrẹ, zẹ vbene ọ vbe ru Ẹgiọn. A ma sẹ orhiọnkpa rae vbọ.

Jọsua 10:5

Avbe ọba Amọri isẹn na, ọba e Jerusalẹm, Hibrọn, Jamut, e Lakis kevbe Ẹgiọn, keghi si koko kevbe ivbiyokuo iran, iran keghi lẹga Gibiọn, iran na suẹn ọnrẹn ne a gu gbinna.

Jọsua 15:13

E Jọsua keghi mu ihe eso vbe otọe emwa Juda ne Kelẹb ne ovbi Jefunẹ, zẹ vbene e Nọyaẹnmwa tama rẹn. Ọna kegha re Hibrọn ẹvbo Aba ne erha Anak.

Jọsua 15:54

Humta, Hibrọn kevbe Ziọ: ẹvbo ihinrin deba avbe ẹvbo ni lẹga iran.

Jọsua 21:13

Avbe ẹvbo ne a munọ ne ivbi Errọn ne ohẹn kegha re: Hibrọn (ẹvbo ne ọmwa ne ọ gbe ọmwa ran lẹ lao) ke ẹe kevbe otọ erria ni rrọọ hia, Libna,

Giọgis 1:10

Iran keghi khọn mu ivbi e Kenan ni rre Hibrọn ne a te tie ẹre kirriat Aba. Iran keghi khọn ẹwae Siẹsiai, Ahiman kevbe Talmai.

Giọgis 1:20

A keghi mu Hibrọn ne Kelẹb zẹ vbene Mosis kha re. Ọ keghi khulo ivbi Anak eha ladian vbe evba.