Jọsua 10:30 - Edo Bible (E Baibol Ẹdo) Version 1996

³⁰ E Nọyaẹnmwa keghi vbe rhie akhọnmiotọ ne ivbi Izrẹl vbe uhunmwu ẹvbo na ke ọba ẹre. Ọ ma sẹ ọkpa rae vbọ, ọ keghi gbele emwa hia ni rrọọ. Ọ kevbe ru ọba ne ọ rrọọ zẹ vbene ọ vbe ru ọba e Jẹriko.

Jọsua 10:30 ပူးပေါင်းရင်းမြစ်များ

II Ọba 10:11

Ẹre Jehu na gbele etẹn Ehab ni ghi rre Jezrẹl hia, kevbe ivbi iyokuo ẹre, kevbe avbe ọse nii sikẹ ọre, kevbe avbe ohẹn, ọkpa ne a sẹ rae ye agbọn ẹ i rrọọ.

Nọmbas 32:22

Ne uwa mu otọe nii ya khian ọwua, iyeke ọnii, wa sẹtin werriegbe gha dee rhunmwuda wa ru e nọ kan e Nọyaẹnmwa ke emwa Izrẹl ne ihua uwa nẹ. Ẹghẹ nii Nọyaẹnmwa gha ya obọ yọ wẹ otọe na vbe odẹ ahọ ọghe Jọdan, ọwua nọ.

Diuteronomi 2:33

Sokpan e Nọyaẹnmwa Osanobua ima keghi rhie ẹre yan ima obọ, ma keghi gbe ẹe rua ke ẹe kevbe ivbi ẹre kevbe emwa rẹn hia.

Diuteronomi 7:2

Ugbẹn vbe Nọyaẹnmwa Osanobua rua a ghi viọ iran hia yan uwa obọ nẹ, ighẹ te uwa ghi khọn iran mu otọ, wa ghi gbele iran hia a. Wa ghẹ gu iran rhie obọ ye ebe rhọkpa, ra ne uwa tohan iran.

Jọsua 10:28

E Jọsua keghi dekun Makẹda, ọ na khọn rẹn ke ẹe kevbe ọba ẹre vbe ẹdẹnẹdẹrriọ. Ọ keghi gbele emwa nii rre ẹvbo ni hia a, ọ ma vbe fi ọkpa ye agbọn vbọ. Ọ kevbe ru ọba Makẹda zẹ vbene ọ vbe ru ọba Jẹriko.

Jọsua 10:29

Iyeke ọnii, e Jọsua ke ẹe kevbe ivbiyokuo ẹre keghi ke Makẹda kpao gha rrie Libna, ọ na dekun ẹnrẹn.

Jọsua 10:31

Vbe iyeke ọna, e Jọsua kevbe ivbiyokuo ẹre keghi kpao vbe Libna gha rrie Lakis. Iran na lẹga ẹre, iran na dekun ẹnrẹn.

Jọsua 11:12

E Jọsua keghi khọn avbe ọba ni hia muotọ deba ẹvbo iran hia. Ọ keghi gbele iran hia a, zẹ vbene Mosis ne ọguọmwadia e Nọyaẹnmwa khare.

Jọsua 12:15

Libna, Adulam,

Jọsua 8:24

Ivbi Izrẹl keghi gbele avbe eghian iran hia vbe uwu oha ne iran khulo iran lao. Iran na dọlegbe gha rrie Eai iran na vbe ya gbele iran ni rre odọ niii uan.

Jọsua 8:29

Ọ keghi si ọba Eai rrọọ ye erhan, ọ na sẹ ọe rae ye erhan ya sẹ ota. Owẹn ghi defua, nẹ, e Jọsua keghi gie emwa, iran na ya mu ikun ẹnrẹn tuorre, iran keghi fiẹe fi otọ vbe onurho ne a la la ẹvbo ni. Iran keghi silo okuta ọrhẹnrhẹn gbo yan rẹn, te ọ ye rre evba do sẹ ẹdẹ nẹrẹ na.

Jọsua 9:3

Ivbi e Gibiọn ghi họn vbene Jọsua ru emwa Jẹriko kevbe Eai hẹẹ,