Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Jọsua 10:28 - Edo Bible (E Baibol Ẹdo) Version 1996

28 E Jọsua keghi dekun Makẹda, ọ na khọn rẹn ke ẹe kevbe ọba ẹre vbe ẹdẹnẹdẹrriọ. Ọ keghi gbele emwa nii rre ẹvbo ni hia a, ọ ma vbe fi ọkpa ye agbọn vbọ. Ọ kevbe ru ọba Makẹda zẹ vbene ọ vbe ru ọba Jẹriko.

အခန်းကိုကြည့်ပါ။ ကော်ပီ




Jọsua 10:28
19 ပူးပေါင်းရင်းမြစ်များ  

E Nọyaẹnmwa tama e naẹn mwẹ wẹẹ, “Tota ye obọ erhọmwa mwẹ vbe emwa na, vbe I te do viọ avbe eghian ruẹn ye atataowẹ ruẹ.”


Ẹn hẹn, avbe iran ne eghian mwẹ nii, ni khare ne I ghẹ rrie egie yan iran, viọ iran rre ne u sirra mwẹ gbele iran uan.’ ”


Rhunmwuda, ẹ i mwẹ Kristi ma gha khaemwisẹ rhinrin Osanobua te do khọn miotọ vbe uhunmwu eghian hia, ọ ghi vbe viọ ehia ye ototọ owẹ ọre.


Vbe uwu ẹre nii, ma keghi khọn ẹvbo ni rrọọ hia mu otọ, ma keghi gbele emwa hia a, ikpia kevbe ikhuo kevbe ibiẹka. Ma ma vbe sẹ ọkpa rae ye agbọn.


Wa fuẹn avbe ẹvbo hia ne Nọyaẹnmwa Osanobua uwa rhie yan uwa obọ ua, wa ghẹ mwẹ itohan ghe iran. Wa ghẹ gho ẹbọ iran rhunmwuda uwu ẹre ọ ke ọnii ikian.


Ugbẹn vbe Nọyaẹnmwa Osanobua rua a ghi viọ iran hia yan uwa obọ nẹ, ighẹ te uwa ghi khọn iran mu otọ, wa ghi gbele iran hia a. Wa ghẹ gu iran rhie obọ ye ebe rhọkpa, ra ne uwa tohan iran.


E Nọyaẹnmwa keghi vbe rhie akhọnmiotọ ne ivbi Izrẹl vbe uhunmwu ẹvbo na ke ọba ẹre. Ọ ma sẹ ọkpa rae vbọ, ọ keghi gbele emwa hia ni rrọọ. Ọ kevbe ru ọba ne ọ rrọọ zẹ vbene ọ vbe ru ọba e Jẹriko.


E Nọyaẹnmwa keghi rhie akhọnmiotọ vbe uhunmwu Lakis ne ivbi Izrẹl vbe ikpedẹ ne ogieva ọghe igbinna nii, ọ ma vbe sẹ orhiọnkpa rae. zẹ vbene ọ ka vbe ru vbe Libna, ọ keghi gbele emwa hia a.


Iran keghi khọn rẹn ẹdẹnẹdẹrriọ nii, iran na gbele emwa hia ni rre ẹvbo nii uan, zẹ vbene ọ vbe ru vbe Lakis.


Iran na khọn ẹnrẹn muotọ. Iran keghi gbe ọba ne ọ rrọọ kevbe emwa hia ni rre ẹvbo nii kevbe ẹvbo ni diake ẹe. E Jọsua keghi wa tie ẹvbo nii ehe ne a gha fuan fẹẹrẹ, zẹ vbene ọ vbe ru Ẹgiọn. A ma sẹ orhiọnkpa rae vbọ.


Ọ kevbe khọn mu ẹẹn ke ẹe kevbe ọba ẹre kevbe ẹvbo ni sikẹ ọre. Iran keghi gbele emwa ni rre evba nii hia a. E Jọsua keghi ru Debẹ kevbe ọba ẹre zẹ vbene ọ vbe ru Hibrọn, Libna kevbe avbe ọba iran.


Gẹdẹrọt, Betdagọn, Naama, kevbe Makẹda, ehia kegha re ẹvbo enẹirrọ vbe ugie do deba avbe okpẹvbo ni lẹga iran.


Iran keghi ya umozo iran gbele emwa hia ni rre ẹvbo nii uan ikpia kevbe ikhuo, ọmaẹn kevbe ẹghele. Iran keghi vbe gbele avbe ẹmila, avbe ohuan kevbe avbe ekẹtẹkẹtẹ.


Zẹ vbene uwa ru Jẹriko ke ọba ẹre, erriọ wa gha vbe ru Eai ke ọba ẹre. Sokpan, vbe ọnọna, wa sẹtin viọ emwi ke ẹmila iran ya khian ọwua, wa mu egbe ne uwa ya khọn ẹvbo nii, wa ghi la iyeke do ẹe mu.”


Ivbi e Gibiọn ghi họn vbene Jọsua ru emwa Jẹriko kevbe Eai hẹẹ,


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ