Jọsua 10:26 - Edo Bible (E Baibol Ẹdo) Version 1996

²⁶ Ẹre Jọsua na gbele avbe ọba isẹn nii, ọ na silo iran rrọọ ye erhan isen, iran na gha rre evba rhinrin ya sẹ ota.

Jọsua 10:26 ပူးပေါင်းရင်းမြစ်များ

II Samuẹl 21:6

Rhunmwuda ọnii, viọ ihinrọn ne ima vbe uwu avbe ivbi ẹre ni ikpia, ma ghi silo iran rrọ vbe odaro e Nọyaẹnmwa vbe Gibia ne ẹvbo e Sọl ne ọba ne Nọyaẹnmwa hannọ zẹ.” Ọba keghi wanniẹn wẹẹ, “I gha viọ iran ne uwa.”

II Samuẹl 21:9

E Devid keghi viọ iran ne ivbi e Gibiọn, iran na silo iran rrọ vbe uhunmwu oke ne ọ rre odaro e Nọyaẹnmwa. Iran ihinrọn nii keghi wulo kugbe. Ẹghẹ ahọ uyunmwu ọ re a na gbele iran an vbe ẹghẹ ne a ya suẹn ọka irhuarhua ne a fian.

Ẹsta 2:23

A keghi gie emwa ni iran gualọ otọ ẹmwẹ na, a keghi miẹn wẹẹ, ẹmwata ọ re wa nọ. A keghi rhunmwuda ọnii silo emwa na rrọọ. Ẹre ọba na wẹ ne a gbẹn emwi na ye otọ vbe ebe isiemwiẹro ọghe otọe arriọba nii.

Psalm 149:7

Ne iran ya khọn avbe uhunmwu ẹvbo muotọ, ne iran vbe rri avbe emwa ni oya.

Psalm 18:41

Iran tu nọ iyobọ sokpan, a ma miẹn ne ọ miẹn iran fan iran da tie Nọyaẹnmwa, sokpan, ọ ma khuẹnniẹn.

Nọmbas 25:4

Ọ na tama e Mosis wẹẹ, “Viọ avbe ekaolotu ivbi Izrẹl, ne u sirra emwa hia zẹlẹ iran uhunmwu kua, vbe ogiavan ogioghogho zẹ vbene I khare ẹghẹ nii ohu avbe emwa nii i ghi ra mu mwẹ.”

Matiu 27:25

Emwa ni hia keghi wa wanniẹn wẹẹ, “Gie emwi dan ne ọ gha rhunmwuda uwu ẹre na sunu gha rre uhunmwu ima kevbe ọghe ivbi ima.”

Iyẹn ne ọ Maan Ọghe Jọn 19:31

Avbe Ju keghi bu Pailet gha khian, iran wẹ ne ọ gie iran ya bunnọ avbe emwa ne a gbele ni owẹ ne a viọ iran tuorre vbe ugbugbe. Emwi ne ọ ya iran ru ọna ọrọre wẹ ẹdẹ Fraide nọ, iran i vbe ho ne ikun iran gha rre uhunmwu ugbugbe vbe Ẹdẹ Ikẹtin, kpataki vbe a miẹn wẹ Ẹdẹ Ikẹtin nii, ughaẹn ọ ya huan.

Galatia 3:13

Sokpan, rhunmwuda ne Kristi na rhunmwuda mwa khian ne a fi ẹre unu, ọ keghi fannọ ima kua vbe obọ ifi unu ne ọ ke obọ nene Uhi rre. Zẹ vbene ebe kha re, “Ọmwaikọmwa ne a sirrọ ye uhunmwu erhan, khian ne a fi ẹre unu.”

Jọsua 8:29

Ọ keghi si ọba Eai rrọọ ye erhan, ọ na sẹ ọe rae ye erhan ya sẹ ota. Owẹn ghi defua, nẹ, e Jọsua keghi gie emwa, iran na ya mu ikun ẹnrẹn tuorre, iran keghi fiẹe fi otọ vbe onurho ne a la la ẹvbo ni. Iran keghi silo okuta ọrhẹnrhẹn gbo yan rẹn, te ọ ye rre evba do sẹ ẹdẹ nẹrẹ na.

Giọgis 8:21

Sokpan e Zẹba kevbe Zalmuna ke kha wẹẹ, “Tobọ gbele ima an rhunmwuda, ọmwa ne ọ sihe okpia ọre ọ sẹtin ru emwi okpia.” Ẹre Gidiọn na gbele Zẹba kevbe Zalmuna, ọ na viọ emwi itegbe ni rre ẹyaẹn ekẹtẹkẹtẹ iran.

I Samuẹl 15:33

E Samuẹl keghi kha wẹẹ, “Vbene umozo ya iye nibun khian ne ẹ i ghi mwẹ emọ, erriọ ọ re iye uẹ ra vbe khian ne ẹ i ghi mwẹ ọmọ ẹrẹna.” Ọ keghi hele Agag ike yo odaro aka ne ọ rre Gilgal.