Jọsua 10:19 - Edo Bible (E Baibol Ẹdo) Version 1996

¹⁹ Sokpan, wa tobọ uwa ghẹ mudia ye evba. Wa khu avbe eghian nii ne uwa ke odieke gu iran gha khọn, wa ghẹ gie iran la ẹvbo iran. E Nọyaẹnmwa Osanobua uwa rhie akhọnmiotọ vbe uhunmwu iran ne uwa nẹ.”

Jọsua 10:19 ပူးပေါင်းရင်းမြစ်များ

II Samuẹl 17:13

A deghẹ te ọ ghi lẹ la ore ẹvbo, emwa ima ghi viọ irri rre, a ghi si ẹvbo nii sẹ otọ, a i vbe sẹ okuta ọkpa rae ye uhunmwu oke nii.”

II Samuẹl 20:6

Ẹre ọba na tama Abisiai wẹẹ, “Ukpokpo ne Siẹba gha rhie ne ima gha kpọlọ sẹ ọghe Absalọm. Viọ emwa mwẹ ne u khu ẹe ne a ghẹ miẹn wẹ ọ ya la ẹvbo ne a gbe odin gaa, ọ ghi la evba lẹ fua hin obọ mwa rre.”

Jerimaia 48:10

(Ihẹn nọ ne ọmwa ne ọ ma ye ekhọekekhọe winna iwinna e Nọyaẹnmwa! Ihẹn nọ ne ọmwa ne ọ ma fian ke ne ọ vbe gbua.)

Jerimaia 8:14

Emwa Osanobua keghi nọ wẹẹ, “Vbọzẹ ne ima na tota hẹkpẹẹ yi? Wa larre, wa gie ima lẹ gha rrie avbe ẹvbo ne a gbe odin gaa nii, ne ima ya wulo vbe odọ. Osanobua bu ohiẹn uwu gbe ima nẹ, ọ mu eruan ne ima wọn ne, rhunmwuda ne ima na ru orukhọ ghe ẹre.

Jọsua 10:18

Rẹn keghi kha wẹẹ, “Wa werriẹ avbe okuta ni kọnkọn ye onurho ne a la la uvun nii. Wa viọ emwa yọ ne iran gha khẹ uvun okuta nii.

Jọsua 10:20

E Jọsua kevbe ivbi Izrẹl keghi lọkọ iran; iran ne a ma he gbelua ke ya lẹre ye uwu ekẹn ne a gbe ga ẹvbo iran.