Jọsua 10:14 - Edo Bible (E Baibol Ẹdo) Version 1996

¹⁴ A ma he ka miẹn egbe ẹdẹ vberriọ ẹdẹ, a ma vbe dọlegbe miẹn egbọre ke ẹghẹ nii gha dee, ẹdẹ ne Nọyaẹnmwa ye ẹmwẹ ne ọmwa ne agbọn tae ru emwi, ọ na deba ivbi Izrẹl gbinna.

Jọsua 10:14 ပူးပေါင်းရင်းမြစ်များ

Ẹksọdọs 14:14

E Nọyaẹnmwa gha gbinna ne uwa, emwi ne ọ kan uwa ne uwa gha ru ọrọre ne uwa gha ghe ughe.”

Ẹksọdọs 14:25

Ọ keghi munọ owẹ ikẹkẹ okuo iran mwẹ sẹrriọ wẹ okhian kegha ba so iran. Avbe ivbi Igipt keghi kha wẹẹ, “Wa gie ima lẹ ne ivbi Izrẹl rhunmwuda e Nọyaẹnmwa ọre ọ gu ima gbinna ne iran!”

Aizaia 38:8

U gha sẹ inianwẹ ne ọba Ehaz so, e Nọyaẹnmwa gha ya inianwẹ igbe fian aghọnghọn kanmwa.” Aghọnghọn keghi gele ya inianwẹ igbe fian egbe ẹre kanmwa.

Zẹkaraia 14:3

Ẹghẹ nii, e Nọyaẹnmwa gha ladian ya gu avbe uhunmwu ẹvbo nii gbinna zẹ vbene ọ ka ru ẹe yi vbe ẹghẹ ne ọ gberra.

Iyẹn ne ọ Maan Ọghe Luk 17:6

Nọyaẹnmwa wanniẹn wẹẹ, “Deghẹ wa mwẹ iyayi ne ọ kpọlọ sẹ vbe ikpẹ itaba, wa gha sẹtin khama okperhan na wẹ, ‘Si vbọ ne u ya de zọ ye uwu okun!’ ọ ghi gele họn ẹmwẹ.

Diuteronomi 1:30

Nọyaẹnmwa Osanobua rua gha ke odaro ne uwa, ọ gha vbe gbinna ne uwa vbene aro uwa vbe sọe ighẹ ọ ru ẹe vbe Igipt.

Jọsua 10:15

Ẹre Jọsua kevbe ivbiyokuo ẹre na werriegbe gha rrie agọ vbe Gilgal.

Jọsua 10:42

Uhukpa ne Jọsua mu okuo gie avbe ọba na, ọ keghi wa khọn iran khọn ẹvbo iran mu tan, rhunmwuda e Nọyaẹnmwa ne ọ re Osanobua ọghe Izrẹl ọ re ọ ghaa gbinna ne Izrẹl.

Jọsua 23:3

Aro uwa sẹ emwi ne e Nọyaẹnmwa Osanobua rua ru avbe agbọn ẹvbo na hia re rhunmwuda uwa. Te e Nọyaẹnmwa Osanobua uwa gha gbinna ne uwa.