Jọsua 10:13 - Edo Bible (E Baibol Ẹdo) Version 1996

¹³ Owẹn keghi mudia hii, uki ma ghi vbe khian rhinrin ẹvbo nii te do khọn avbe eghian iran hia fo. A gbẹn emwi na ye Ebe Jasia. Owẹn keghi mudia hii vbe adesẹneva iso, ọ ma vbe han vbe ẹdẹ hoho.

Jọsua 10:13 ပူးပေါင်းရင်းမြစ်များ

II Samuẹl 1:18

Ọ na vbe wẹ ne a ma ivbi e Juda re. (Ebe Jasia ọ re a gbẹn ọẹn yi).

II Ọba 20:10

E Hẹzekaia keghi wanniẹn wẹẹ, “Ẹ i lọghọ ne aghọnghọn ye ibata igbe tan sayọ, wẹ ne ọ ye ibata igbe kanmwa sayọ.”

Ẹsta 8:13

Te a ra ya ẹe wewe zẹ vbe uhi, a ghi vbe tae ma emwa hia ni rre dọmwadẹ otọe arriọba, ne avbe Ju miẹn ehe na rria avbe eghian iran ikhi vbe ọ gha sẹ ẹdẹ ne ẹdẹrriọ.

Job 9:7

Ọ sẹtin da owẹn yi ne ọ ghẹ yan rre, kevbe ne avbe orhọnmwẹ ghẹ wan uwanmwẹ vbe asọn.

Psalm 148:3

Wa rho ẹre, owẹn kevbe uki, wa rho ẹre, wa ne avbe orhọnmwẹ ni baa.

Psalm 19:4

Sevba urhu iran ghi ya sẹ uhunmwu otọ agbọn hia a ghi vbe họn vbe ehe ne agbọn sẹe. Osanobua bọ owa ne owẹn vbe iso;

Aizaia 24:23

Uki gha so ebiebi, ovẹn I ghi vbe yunmwu, rhunmwuda, e Nọyaẹnmwa ne Oghodua ọ re ọ ra gha re ọba. Ọ gha rriọba vbe oke Zaiọn vbe Jerusalẹm, avbe ọkaolotu emwa gha miẹn uyi ẹre.

Aizaia 38:8

U gha sẹ inianwẹ ne ọba Ehaz so, e Nọyaẹnmwa gha ya inianwẹ igbe fian aghọnghọn kanmwa.” Aghọnghọn keghi gele ya inianwẹ igbe fian egbe ẹre kanmwa.

Joẹl 2:10

Iran gha dee, otọe ghi gha mu rueghe; iso ghi gha mian gbẹgbẹgbẹ. Owẹn kevbe uki ghi so ebiebi avbe orhọnmwẹ i ghi ladian.

Joẹl 2:31

Owẹn gha so ebiebi uki ghi do gha baa vbe esagiẹn ọ te sẹ ẹdẹ ne ẹdẹ nọkhua, ẹdẹ ugborrirri, ọghe Nọyaẹnmwa nii, gha ya egbe ladian.

Joẹl 3:15

Owẹn kevbe uki so ebiebi, avbe orhọnmwẹ i ghi vbe baa.

Habakọk 3:11

Ugbẹn vbe ifẹnmwẹ ruẹn tin khian ọ filo usanna kua, deba umozo ruẹ ne ọ de wainwain, uki kevbe owẹn keghi mudia hiii.

Nọmbas 21:14

Ọnii ọ si ẹe ne Ebe Okuo Ọghe Nọyaẹnmwa na guan kan “emwi ne I ru vbe ẹvbo Waheb vbe ikinkin e Sufa, kevbe avbe iya, Ẹzẹ Anọn,

Nọmbas 31:2

“Rria emwa Midian ikhi ye emwi ne iran ru ivbi Izrẹl re. U gha ghi ru onii nẹ, u ghi wu.”

Matiu 24:29

“Avbe ọlọghọmwa na hia ghẹ ghi da obọ yi, owẹn ghi so ebiebi, uki i ghi ra ba ọvbehe, avbe orhọnmwẹ ghi gha ke iso kharha ku otọ, a ghi mu ẹtin ni re ideghedeghe iso rueghe.

Matiu 5:45

Ne uwa miẹn ehe na gha re ivbi erha uwa ne ọ rre ẹrinmwi. Rhunmwuda, ọ gie ovẹn ọnrẹn gha yunmwu ne emwa esi kevbe emwa dan, ọ ghi vbe gie amẹ gha rhọ ne iran ni ru emwi esi kevbe ni ru emwi dan.

Iyẹn ne ọ Maan Ọghe Luk 18:7

Wa ma yayi ighẹ Osanobua gha buohiẹn ne avbe emwa rẹn ni kpe tie ẹre asọn kevbe avan? Wa yayi ighẹ ọ gha yae rhẹghẹrẹ?

Iwinna 2:20

Owẹn gha so ebiebi, uki ghi gha baa vbe esagiẹn, vbe Ẹdẹ uyi nọkhua ọghe Nọyaẹnmwa te do rre.

Jọsua 10:11

Ehe ne iran na lẹ ne ivbiyokuo Izrẹl ni ghe odẹ Bẹt-horọn ya sẹ Azẹka, e Nọyaẹnmwa keghi filo okuta avannukhunmwu ke odukhunmwu rre yan iran, a keghi gbele iran an. Iran ne okuta avannukhunmwu gbele keghi bun sẹ iran ne ivbi Izrẹl gbele.

Jọsua 10:14

A ma he ka miẹn egbe ẹdẹ vberriọ ẹdẹ, a ma vbe dọlegbe miẹn egbọre ke ẹghẹ nii gha dee, ẹdẹ ne Nọyaẹnmwa ye ẹmwẹ ne ọmwa ne agbọn tae ru emwi, ọ na deba ivbi Izrẹl gbinna.

Arhie Maan 21:23

Ẹvbo ni i mwẹ emwi ne ọ ya owẹn ru ra uki ne ọ gha baa vbọ rhunmwuda, uyi ọghe Osanobua ọre ọ viọ asan yọ. Oteghe Ohuan nii ọre ọ vbe re ukpa ne ọ rrọọ.

Arhie Maan 6:10

Iran keghi ye urhu ne ọ la datu wẹẹ: “Oghodua Nọyaẹnmwa, ne ọ huanrẹn kevbe ọmwa ẹmwata. Vbe ọ gha kpẹe sẹ hẹ yi u ke ya bu ohiẹn emwa ni rre agbọn, ne u vbe rri iran oya ye ne iran na gbele ima uan?”

Arhie Maan 6:12

I kevbe ya bẹghe vbe Oteghe Ohuan rhan emwi ne a gbae ne ogiehan. Igbohiotọ ọhanabe keghi wa gha rrọọ, owẹn keghi sie rua, ọ ye vbe ukpọn nekhui ne khuarakhuara, uki keghi wa fi werriẹ khian ne ọ baa fẹẹrẹ vbe esagiẹn.

Arhie Maan 8:12

Odibosa ne ọ ogienẹ keghi kpe ọghọe, a keghi kinmwi obọ ọkpa vbe a wa owẹn ye ihe eha, ke obọkpa vbe ihe eha ọghe uki kevbe ọghe avbe orhọnmwẹ sẹrriọ wẹ, a gha wa vbene iran te ba ye ihe eha, obọkpa keghi lahin rre vbọ, uwanmwẹ ma ghi rre vbe a wa ẹdẹ ye ihe eha, kevbe a wa asọn ye iye eha.

Giọgis 16:28

Ẹre Samsin na na erhunmwu wẹẹ, “E Nọyaẹnmwa Osanobua ne Udazi, lahọ ye mwẹ rre, lahọ Osanobua, ye rhie ẹtin mẹ uhukpa na, ne isẹtin ya emwi ne I ghi fi uhukpa na rria ikhi ne ọ khẹke emwa Filistia ye aro mwẹ eveva.”

Giọgis 5:2

“Wa rho e Nọyaẹnmwa! Ivbi Izrẹl keghi wa yan yọ ne iran gbinna; emwa nii hia keghi ye oghọghọ rhie egbe yọ.