Jọsua 1:2 - Edo Bible (E Baibol Ẹdo) Version 1996

² “E Mosis ne ọguọmwadia mwẹ wu nẹ. Mu egbe nian, wẹ kevbe Izrẹl hia, wa fian Jọdan rra ne uwa gha rrie otọ ne I ra mu ne uwa.

Jọsua 1:2 ပူးပေါင်းရင်းမြစ်များ

Gẹnẹsis 17:8

I gha mu otọe ne uwẹ ye na zẹ vbe orhunmwuyẹn ne uwẹ vbe uniẹn ruẹn. Otọe Kenan hia ghi gha re ọwuẹ ẹdẹdẹmwẹdẹ, mẹ ghi vbe gha re Osanobua iran.”

Nehimaia 9:23

U viọ emọ nibun ne iran zẹvbe orhọnmwẹ ni rre iso iran khọn avbe ẹvbo nii, iran na vbẹ yin ẹnrẹn ne u yanrẹn i ghẹ u gha mu ne erha iran odede.

Job 1:8

E Nọyaẹnmwa keghi tama rẹn wẹẹ, “U ma miẹn ọguọmwadia mwẹ ighẹ e Job, orhiọnkpa irrọ vbe uhunmwu otọe agbọn ne ọ guobọmwẹ kevbe ne ọ vbe maa zẹ vbe ọre. Ọ wa ga mwẹ, ọ keghi vbe hia vbe ẹghẹ hia ne ọ ghẹ ru orukhọ.”

Aizaia 42:1

E Nọyaẹnmwa khare wẹẹ, “Ọnọna ọrọre ọguọmwadia mwẹ ne I rhie ẹtin ye ọre iwu, ọmwa ne imẹ zẹe, ne ẹko mwẹ vbe rhiẹnrhiẹn ghe. Mẹ ya orhiọn mwẹ vuọn irẹn nẹ, ọ gha rhie ohiẹn ẹmwata la dọmwadẹ uhunmwu ẹvbo.

Nọmbas 12:7

Sokpan I gha gue Mosis ne ọguọmwadia mwẹ guan, ọ lughaẹn. I rhie ẹre ye ne ọ gbe aro ghe izrẹl ne emwa mwẹ nẹ.

Diuteronomi 3:28

Rhie igiọdu ne Jọsua. Rhie igiọdu ne ẹẹn ne u rhie orhiọn ye ọre iwu, rhunmwuda rẹn ọ ra viọ emwa nii gberra ya yin otọe ne u dẹghe na.’

Diuteronomi 31:7

Ẹre Mosis na tie Jọsua, ọ na tama rẹn vbe sirra ivbi Izrẹl hia wẹẹ, “U ghi wegbe ne u vbe din wẹ ọrọre ọmwa ne ọ gha mu olotu viọ emwa na ya yin otọe nii ne Nọyaẹnmwa ve avbe erha iran odede ẹre.

Diuteronomi 34:5

Ẹre Mosis ne ọguọmwadia e Nọyaẹnmwa na wu vbe evba vbe otọ Moab zẹ vbene e Nọyaẹnmwa kha re ighẹ ọ gha ye.

Jọsua 1:1

Ugbẹn vbe Mosis ne ọguọmwadia e Nọyaẹnmwa ghi wu nẹ, e Nọyaẹnmwa keghi tama e Jọsua ne ovbi Nọn ọmwa ne ọ gha ye Mosis obọ wẹẹ,

Jọsua 1:11

“Wa lele agọ na khinkhian, ne uwa vbe tama avbe emwa nii wẹẹ, ‘Wa dọlọ emwi uwa yi ye otọ rhunmwuda vbe ọ te sẹ ikpẹdẹ eha, wa gha fian Ẹzẹ Jọdan na rra ne uwa ya mu otọe ni ne Nọyaẹnmwa Osanobua rua ra mu ne uwa.’ ”