Jọsua 1:18 - Edo Bible (E Baibol Ẹdo) Version 1996

¹⁸ Ọmwa ne ọ rhirhi muan ruẹn ẹmwẹ ra ne ọ he uhunmwu yuẹ obọ, a ghi gbe ẹe rua. Sokpan wegbe ne u vbe din!”

Jọsua 1:18 ပူးပေါင်းရင်းမြစ်များ

Ẹzra 10:4

Obọ ruẹ ọ re ọ ye wẹ ne u guan ladian, ma gha yaba ruẹ, rhunmwuda ọnii nian, rhie obọ yọ ne u suẹn ọnrẹn ne a ru ẹe.

Iyẹn ne ọ Maan Ọghe Luk 19:27

Ẹn hẹn, avbe iran ne eghian mwẹ nii, ni khare ne I ghẹ rrie egie yan iran, viọ iran rre ne u sirra mwẹ gbele iran uan.’ ”

I Kọrinti 16:13

Wa khẹ ye egbe, wa mudia gbain vbe uwu iyayi na, wa din, wa vbe wegbe.

Ẹfisọs 6:10

Vbe okiekie ehia, wa ruẹ iwegbe uwa ba Nọyaẹnmwa, vbe ekpa ẹtin ẹnrẹn nọkhua.

Diuteronomi 17:12

Ọmwa ne ohan gie ẹe fieghe uhunmwu ye ẹmwẹ ne ne ọ bu ohiẹn ra ohẹn ne iruemwi sẹ ọ re egbe ẹghẹ nii ta ẹe, a ghi gbe ẹe rua, odẹ vbe nian, u gha wabọ emwi dan vberriọ hin egbe ivbi Izrẹl rre.

Hibru 12:25

Rhunmwuda ọnii nian, wa ghi mwẹ ẹwaẹn wa ghẹ rhie obọ khiọ ehọ ne uwa ghẹ miẹn ehe na họn ẹmwẹ ọmwa ne ọ guan. Iran nọ ma danmwehọ ọmwa ne ọ kpe orhu iyẹn ne ọ huanrẹn vbe agbọn na, ma miẹn uhunmwu. Vbe ọmwa ghi ra na miẹn uhunmwu hẹ khekherriọ deghẹ ọ wẹ rẹn i danmwehọ ọmwa ne ọ guan ke ẹrinmwi rre?

Jọsua 1:17

Ma gha họn ẹmwẹ nuẹn zẹ vbene ima vbe gha họn ẹmwẹ ne Mosis. Sokpan ne Osanobua gha rrọọ yaba ruẹ zẹ vbene ọ vbe gha rrọọ ba e Mosis!

Jọsua 1:9

Ya uhi ne I gbe nuẹn rre. Wegbe ne u vbe din. Ghẹ gie ohan muẹn, ghẹ gie ẹtin fo uẹ, rhunmwuda mẹ ne Nọyaẹnmwa Osanobua ruẹ rrọọ yaba ruẹ vbe eheikehe ne u gha rhirhi yo.”

Jọsua 2:1

Ẹre Jọsua na hẹko gie ọrhẹ eva ke agọ Akesia gha khian, ọ tama iran wẹ ne iran ya ghe otọe Kenan nii ghe kpataki e Jẹriko. Iran ghi sẹ ẹvbo nii, iran na la owa ebabotu ọkpa ne a tie ẹre Rehab, iran na di evba ya vbe asọn nii.

I Samuẹl 11:12

Ẹre emwa Izrẹl na tama e Samuẹl wẹẹ, “De emwa ne ọ kha re yi wẹ ne e Sọl ghẹ rriọba yan ima, wa viọ iran ladian gie ima, ne ima gbele iran uan.”