Jọsua 1:17 - Edo Bible (E Baibol Ẹdo) Version 1996

¹⁷ Ma gha họn ẹmwẹ nuẹn zẹ vbene ima vbe gha họn ẹmwẹ ne Mosis. Sokpan ne Osanobua gha rrọọ yaba ruẹ zẹ vbene ọ vbe gha rrọọ ba e Mosis!

Jọsua 1:17 ပူးပေါင်းရင်းမြစ်များ

II Samuẹl 14:17

I keghi tama egbe mwẹ wẹ, eyan ne uwẹ yan rẹn gha degue mwẹ, enọwanrẹn, rhunmwuda te ọba ye vbe odibo Osanobua, ọ vbe rẹn emwi ne ọ maa, hin ne ẹ i maa rre. Te Nọyaẹnmwa ne Osanobua ruẹ gha yaba ruẹ!”

I Ọba 1:37

Zẹ vbene Nọyaẹnmwa yaba ruẹ, Umogun, te ọ gha vbe yaba e Solomọn vberriọ, te arriọba ẹre gha re ọghe ọrọkhọrhọ sẹ ọ wuẹ na.”

I Krọnikol 28:20

E Devid ne ọba keghi tama e Solomọn ne ovbi ẹre wẹẹ, “Gie ekhọe ruẹ sẹ otọ ne u vbe mu aro yọ, suẹn iwinna nii, ghẹ vbe gie emwikemwi da a obọ yi. E Nọyaẹnmwa ne Osanobua ne imẹ ga, gha yaba ruẹ. Ẹ i ra fi iyeke gbe uẹ, ọ gha mudia kuẹ u te do winna iwinna ne a gha winna na vbe Ọgua Osa.

Psalm 20:1

Te Nọyaẹnmwa gha họn urhu ruẹ vbe ẹdẹ ibaro. Te Osanobua Jekọb gha de gue ruẹ.

Psalm 20:4

Te ọ gha viọ emwi ne u ho hia nuẹn, ne ọ vbe gie emwamwa ruẹn hia dinnodẹ.

Psalm 20:9

Nọyaẹnmwa, gie ọba khọnmiotọ ne u họn urhu mwa vbe ima a gha tu tie ruẹ.

Nọmbas 27:18

E Nọyaẹnmwa keghi tama e Mosis wẹẹ, “Rhie Jọsua ne ovbi e Nọn, okpia ne ọ sẹ ihe ne u viọ obọ ruẹ yan ẹre uhunmwu.

Nọmbas 27:20

Rhie eso vbe asẹ ruẹ ne ẹẹn, ne ivbi Izrẹl miẹn ehe na gha họn ẹmwẹ nẹẹn.

Matiu 21:9

Avbe emwa ni ke odaro ne Jesu kevbe ni rre ọre odieke keghi tọn urhu mu kha wẹẹ, “Urhomwẹ nọ ne ovbi e Devid. Afiangbe Osanobua nọ ne ọmwa ne ọ dee vbe eni Nọyaẹnmwa, Uyi nọ ne Osanobua.”

Diuteronomi 34:9

E Jọsua ne ovbi Nọn keghi vuọn ne ẹwaẹn rhunmwuda, e Mosis zẹ ọe nẹ ne ọ rhie ihe irẹn. Ivbi Izrẹl keghi wa gha họn ẹmwẹ ne Jọsua, iran kegha lele uhi ne Nọyaẹnmwa la obọ e Mosis rhie gie iran.

Jọsua 1:16

Iran keghi wanniẹn tama e Jọsua wẹẹ, “Ma gha ru emwi hia ne u tama mwa, ma gha vbe yo ehe ne u rhirhi a gie ima re.

Jọsua 1:18

Ọmwa ne ọ rhirhi muan ruẹn ẹmwẹ ra ne ọ he uhunmwu yuẹ obọ, a ghi gbe ẹe rua. Sokpan wegbe ne u vbe din!”

Jọsua 1:5

Inu ẹghẹ ne u gha ya vbe agbọn ọmwa ọkpa ne ọ gha sẹtin khọn miẹn ruẹn otọ, ẹ i rrọọ. I gha mudia kuẹ zẹ vbene I mudia ke Mosis. I i ra suẹ rae.

Jọsua 1:9

Ya uhi ne I gbe nuẹn rre. Wegbe ne u vbe din. Ghẹ gie ohan muẹn, ghẹ gie ẹtin fo uẹ, rhunmwuda mẹ ne Nọyaẹnmwa Osanobua ruẹ rrọọ yaba ruẹ vbe eheikehe ne u gha rhirhi yo.”

Jọsua 4:14

Emwi ne Nọyaẹnmwa ru ẹdẹrriọ keghi ya ivbi Izrẹl gha rhie ọghọ ne Jọsua zẹ vbe okpọmwa. Iran kegha ya ọghọ ne ẹẹn vbe ẹdẹ agbọn rẹn hia, zẹ vbene iran vbe gha ya ọghọ ne Mosis.

I Samuẹl 17:37

E Nọyaẹnmwa ne ọ fan mwẹ vbe obọ oduma kevbe akpakomiza, gha vbe fan mwẹ vbe obọ e Filistin na.” E Sọl keghi kha wẹẹ, “Ọ maa khekherriọ, gha khian, Osanobua gha yaba ruẹ.”

I Samuẹl 20:13

Deghẹ ọ ho ne ọ kuan ruẹn, te Nọyaẹnmwa gha kinmwi mwẹ gbe ua, a deghẹ I ma gie ne a khama ruẹn ne u miẹn ehe na rhie uhunmwu hin ebe rre. Te Nọyaẹnmwa gha deba ruẹ zẹ vbene ọ vbe deba erha mwẹ!