Jọsua 1:15 - Edo Bible (E Baibol Ẹdo) Version 1996

¹⁵ Iran ghẹ ghi vbe mu otọe nii ne Nọyaẹnmwa Osanobua mu ne iran nẹ, iran gbe ẹkun sotọ, wa ghi vbe gha dee do yin otọe ne Mosis ne ọguọmwadia e Nọyaẹnmwa mu ne uwa vbe emwa na vbe iyeke ẹzẹ Jọdan.”

Jọsua 1:15 ပူးပေါင်းရင်းမြစ်များ

I Kọrinti 12:26

A deghẹ efẹn ọkpa vbe egbe miẹn obalọ, ehe ni dekẹe hia ghi guee miẹn obalọ nii, a deghẹ a vbe tian ọkpa vbọ, ni dekẹe hia ghi gu ẹe ghọghọ.

I Kọrinti 13:5

Aho ẹmwẹ ọmwa ẹ i yin uyinmwẹ ọrhiae, emwi i da ẹe, egbe i kan ẹn, aho ẹmwẹ ọmwa i vin ọgbọ emwi abakuru.

Galatia 5:13

Zẹ vbe ọghe uwa, etẹn mwẹ, te a tie uwa la hin uwu ọviẹn rre, sokpan wa ghẹ gie ẹmwẹ egbe mwẹ I gue na, gha re ne uwa gha mu zẹ asa ne emwi ne egbe uwa guẹe, gha na maghan uwa. Sokpan wa gie aho ẹmwẹ ọmwa gha ya uwa ga egbe.

Galatia 6:2

Wa gha kpa egbe ihẹ, odẹ vberriọ ọre uwa gha ya mu uhi Kristi sẹ.

Diuteronomi 3:18

“Ẹghẹ ni ọ re I na vbe rhie igiodẹ na ne iran wẹẹ: ‘E Nọyaẹnmwa Osanobua mwa ọ re ọ mu otọe nii ne uwa vbe ahọ Jọdan ne uwa yin ẹnrẹn. Banbanna nian, wa gbalọ ivbi iyokuo uwa egbe okuo, ne uwa gie iran fian Jọdan rra ke odaro ẹwae ivbi Izrẹl nekpa ne iran ya yi iran obọ ya gbe ẹkun sẹ otọ yin otọe iran.

Diuteronomi 3:20

Wa ru iyobọ ne ivbi Izrẹl ne ihua uwa, iran te do gbe ẹkun sẹ otọ vbe avbe otọe nii ne Nọyaẹnmwa gha mu ne iran vbe odẹ orrie Jọdan, kevbe wẹ e Nọyaẹnmwa te do gie iran gha rre ọfumwegbe zẹ vbene ọ vbe ru ne uwa. Iyeke onii dọmwadẹ ọghọe vbe uwu uwa sẹtin dọlegbe gha die otọ ne I mu ne uwa.’

Diuteronomi 9:1

“Wa danmwẹ ehọ ivbi Izrẹl, te uwa ghi ra fian Ẹzẹ Jọdan rra na ne uwa ya mu otọ ẹvbo ni kpọlọ sẹ uwa, kevbe ni vbe mwẹ ẹtin sẹ uwa ne uwa yin ẹnrẹn. Ẹvbo iran wa kpolo, ekẹn ne a gbe ga iran wa yo sẹ iso.

Filipai 2:4

Wa gha ho ọma ye egbe egbe, ẹ i re ne egbe ruẹ ọkpa.

Jọsua 1:1

Ugbẹn vbe Mosis ne ọguọmwadia e Nọyaẹnmwa ghi wu nẹ, e Nọyaẹnmwa keghi tama e Jọsua ne ovbi Nọn ọmwa ne ọ gha ye Mosis obọ wẹẹ,

Jọsua 1:14

Avbe amwẹ uwa kevbe ivbi uwa kevbe ẹmila uwa gha mudia vbe otọe nii ne Mosis mu ne uwa, sokpan, avbe ivbi iyokuo ni rre uwu uwa gha gberra ne iran ke odaro ivbi Izrẹl ne ihua uwa iran ghi mu egbe ne iran ya ye iran obọ vbe okuo.

Jọsua 1:16

Iran keghi wanniẹn tama e Jọsua wẹẹ, “Ma gha ru emwi hia ne u tama mwa, ma gha vbe yo ehe ne u rhirhi a gie ima re.

Jọsua 22:1

Ẹre Jọsua na tie emwa ni rre ẹwae Riubẹn, e Gad kevbe obọ ahọ vbe ẹwae Manasẹ si koko.