Jọsua 1:14 - Edo Bible (E Baibol Ẹdo) Version 1996

¹⁴ Avbe amwẹ uwa kevbe ivbi uwa kevbe ẹmila uwa gha mudia vbe otọe nii ne Mosis mu ne uwa, sokpan, avbe ivbi iyokuo ni rre uwu uwa gha gberra ne iran ke odaro ivbi Izrẹl ne ihua uwa iran ghi mu egbe ne iran ya ye iran obọ vbe okuo.

Jọsua 1:14 ပူးပေါင်းရင်းမြစ်များ

Ẹksọdọs 13:18

Ye ihe ọnii, ọ ke rhie iran la odẹ ikhinkhian la odẹ ato ne ọ rre odẹ Okun Nọbaa. Ivbi Izrẹl keghi wa gbalọ egbe okuo ọhanabe.

Nọmbas 32:26

Avbe amwẹ ima kevbe ivbi ima, kevbe ẹmila kevbe ohuan gha mudia vbe avbe ẹvbo Giliad.

Diuteronomi 20:8

“Avbe ekaolotu ghi vbe tama emwa ni wẹẹ, ‘Arhin eso rre emwa ra ne obọ ẹre i ghi guọ emwi, ne ohan vbe mu? Adeghẹ ọ rrọọ ọ sẹtin gha rrie owa, ne ọ ghẹ kọ ohan ye emwa nekpa ekhọe.’

Diuteronomi 3:19

Avbe amwẹ uwa, kevbe ivbi uwa kevbe ẹmila uwa, I rẹnrẹn ighẹ emwirri uwa wa bun, ọ re ọ gha mudia vbe ẹvbo ne I ghae sẹ uwa obọ.

Diuteronomi 33:21

Iran keghi mu ehe ne ọ maa sẹẹ vbe otọe nii ne egbe iran, a na ghae oghae ọkaolotu ne iran. Iran ya uhi kevbe ilele Osanobua ru emwi vbe avbe ọkaolotu Izrẹl si koko.”

Jọsua 1:13

“Wa ye ẹmwẹ ne Mosis ne ọguọmwadia e Nọyaẹnmwa tama uwa rre wẹẹ, ‘Nọyaẹnmwa Osanobua gha mu otọe na ne uwa ne ọ gha re ọghe uwa vbe asefẹn ahọ Jọdan.’

Jọsua 1:15

Iran ghẹ ghi vbe mu otọe nii ne Nọyaẹnmwa Osanobua mu ne iran nẹ, iran gbe ẹkun sotọ, wa ghi vbe gha dee do yin otọe ne Mosis ne ọguọmwadia e Nọyaẹnmwa mu ne uwa vbe emwa na vbe iyeke ẹzẹ Jọdan.”

Jọsua 4:12

Emwa ẹwae Riubẹn kevbe Gad kevbe a gha wa ẹwae Manasẹ ye ihe eva, keghi mu egbe ne a gha ya khọn okuo zẹ vbene Mosis tama iran.

Arhie Maan 17:4

Ukpọn ododo ne ọ baa rhanrhanrhan kevbe ne ọ baa rriẹrriẹ, ọre a ya mu ẹre egbe ighẹ nene okhuo, a keghi ye emwi itegbe ọghe igoru han nẹẹn, avbe okuta ighobioye kevbe ikpe ẹrọnmwọ. Ọ keghi mu ukpu igoru mwẹ obọ, ọ vuọn ne emwi awua kevbe ẹwia hia, avbe emwi ne ọ miẹn vbe alama oghẹ ọre.