Jọsua 1:1 - Edo Bible (E Baibol Ẹdo) Version 1996

¹ Ugbẹn vbe Mosis ne ọguọmwadia e Nọyaẹnmwa ghi wu nẹ, e Nọyaẹnmwa keghi tama e Jọsua ne ovbi Nọn ọmwa ne ọ gha ye Mosis obọ wẹẹ,

Jọsua 1:1 ပူးပေါင်းရင်းမြစ်များ

I Ọba 19:16

U ghi vbe ma e Jehu ne ovbi e Nimsi ọba Izrẹl. U ghi rhie Elaisia ne ovbi e Siafat ne ovbi ẹvbo ne a tie ẹre Ebel Mehola u ghi ya ẹe ma akhasẹ ye ihe egbe ruẹ.

II Ọba 3:11

E Jehosiafat ne ọba keghi nọ wẹẹ, “A gha miẹn akhasẹ ne a gha la obọ ẹre gualọ otọ ẹre vbe obọ e Nọyaẹnmwa vbe emwa na ra?” Ọkaokuo ọkpa vbe ẹghẹ ọghe Joram ne ọba keghi kha wẹẹ, “Elaisia ne ovbi e Siafat rre emwa, ewasẹ Elaija rẹn te gha khin.”

Nehimaia 8:17

Iran hia fẹẹrẹ ni ke iwe rre keghi gbe irhu dia, okaro ne a he ya ruẹe ọ re ọ na khin ke ẹghẹ Jọsua ne ovbi e Nọn gha dee. Egbe keghi wa gha mu iran hia, iran na gha ghọghọ.

Ẹksọdọs 24:13

E Mosis keghi rhie Jọsua ne ọguọmwadia ẹre ba egbe, iran ke hin uhunmwu oke Osanobua.

Nọmbas 11:28

Ẹre Jọsua ne ovbi Nọn ne ọ gha re ne ọ ye Mosis obọ ke ẹghẹ ọvbokhan gha dee, na tama e Mosis wẹẹ, “Enọwanrẹn da iran obọ yi.”

Nọmbas 12:7

Sokpan I gha gue Mosis ne ọguọmwadia mwẹ guan, ọ lughaẹn. I rhie ẹre ye ne ọ gbe aro ghe izrẹl ne emwa mwẹ nẹ.

Nọmbas 13:16

Iran na ọrọre avbe ọrhẹ ne Mosis gie ne ọ ya ghe otọe nii ghe, ọ keghi fi eni Hosia ne ovbi e Nọn werriẹ khian Jọsua.

Iyẹn ne ọ Maan Ọghe Luk 16:10

Ọmwa ne ọ ma ru ero ye emwi ne ọ kanmwa, ọre ẹ i khian vbe ru ero ye emwi ni kọnkọn, ọmwa ne ọ ru ero ye emwi ne ọ ma sẹ emwi, ọre ọ vbe ru ero ye emwi ni kọnkọn.

Iwinna 7:45

Ọ ghi kpẹe fua, avbe erha mwa odede keghi mu okhogbo ne a ya ukpọn bọ nii, ne avbe erha iran sẹ rae ye iran otọ, iran keghi da dae mwẹ vbe iran lele Jọsua gha khian, ya miẹn iran otọ, ighẹ avbe emwa ni ne Osanobua khulo kua hin odaro iran rre. Evba ọre ọ gha ye, ọ te do sẹ ẹghẹ Devid.

Ebe ne Pọl gbẹẹn gie emwa Rom 1:1

E Pọl ne Ọguọmwadia Kristi Jesu, kevbe ukọ Osa ne Osanobua tie re ne ọ gha kpe orhu Iyẹn Ne ọ maa ọghe irẹn, ọre ọ gbẹn ehe na rre.

Diuteronomi 1:38

Sokpan e Jọsua ne ovbi Nọn ne ọ yuẹ obọ gha sẹ ọe. U ghi rhie igiọdu ne Jọsua, ọ gha su ivbi Izrẹl ne iran ya yin otọe nii.’

Diuteronomi 31:23

Ẹre Nọyaẹnmwa na tama Jọsua ne ovbi e Nọn wẹẹ, “Wegbe ne u vbe din. U gha viọ ivbi Izrẹl gha rrie otọe nii ne I ve iran ere. I gha vbe gha rrọọ yaba ruẹ.”

Diuteronomi 31:3

E Nọyaẹnmwa Osanobua uwa gha ke odaro ne uwa, ọ ghi fuẹn avbe okpẹvbo na hia a, ne uwa miẹn ehe na yan otọe iran, e Jọsua ghi gha re olotu uwa zẹ vbene Nọyaẹnmwa khare.

Diuteronomi 33:1

Erhunmwu afiangbe ne Mosis ne ọmwa Osanobua na ne avbe ẹwae Izrẹl ọ te wu ọ re ọna khin.

Diuteronomi 34:12

A ma he miẹn akhasẹ ne ọ he ru iwinna nekhua ni yan ọmwa unu uan ne Mosis winna ẹn vbe odaro ivbi Izrẹl hia.

Diuteronomi 34:5

Ẹre Mosis ne ọguọmwadia e Nọyaẹnmwa na wu vbe evba vbe otọ Moab zẹ vbene e Nọyaẹnmwa kha re ighẹ ọ gha ye.

Diuteronomi 34:9

E Jọsua ne ovbi Nọn keghi vuọn ne ẹwaẹn rhunmwuda, e Mosis zẹ ọe nẹ ne ọ rhie ihe irẹn. Ivbi Izrẹl keghi wa gha họn ẹmwẹ ne Jọsua, iran kegha lele uhi ne Nọyaẹnmwa la obọ e Mosis rhie gie iran.

Taitọs 1:1

E Pọl ne ọguọmwadia Osanobua, kevbe ukọ ọghe Jesu Kristi, ọre ọ gbẹn ebe na rre. Te a hannọ mwẹ zẹ, a na vbe gie mwẹ wẹ, ne I ya ru iyobọ ne iyayi emwa ne Osanobua hannọ zẹ, kevbe ne I vbe dia iran ye odẹ ẹmwata, zẹ vbene iwinna ugamwẹ mwa ma emwa ẹre.

Jems 1:1

E Jems ne ọguọmwadia Osanobua, kevbe ọghe Nọyaẹnmwa Jesu Kristi; ọre ọ gbẹn ebe na rre. I tuẹ emwa Osanobua hia ni tagha gba uhunmwu otọ agbọn hia.

Jọsua 1:15

Iran ghẹ ghi vbe mu otọe nii ne Nọyaẹnmwa Osanobua mu ne iran nẹ, iran gbe ẹkun sotọ, wa ghi vbe gha dee do yin otọe ne Mosis ne ọguọmwadia e Nọyaẹnmwa mu ne uwa vbe emwa na vbe iyeke ẹzẹ Jọdan.”

Jọsua 1:2

“E Mosis ne ọguọmwadia mwẹ wu nẹ. Mu egbe nian, wẹ kevbe Izrẹl hia, wa fian Jọdan rra ne uwa gha rrie otọ ne I ra mu ne uwa.

Jọsua 12:6

E Mosis kevbe ivbi Izrẹl keghi khọn iran. Ẹre Mosis ne ọguọmwadia e Nọyaẹnmwa na mu otọ iran ne avbe Riubẹn, Gad kevbe obọkpa vbe ẹwae Manasẹ ne ọ gha re ọghe iran.

Arhie Maan 1:18

Mẹ ọrọre ọmwa ne ọ rre agbọn, I te ka wu yi, sokpan banbanna nian, I rre agbọn ẹdẹ kevbe ẹdẹdẹmwẹdẹ.” I mwẹ asẹ vbe uhunmwu uwu tobọ ẹre kevbe ẹvbo iran ne orinmwi.