Jona 4:9 - Edo Bible (E Baibol Ẹdo) Version 1996

⁹ Sokpan, Osanobua tama rẹn wẹẹ, “Ohu ne uwẹ mu ye ẹmwẹ erhan na khẹ kuẹ ra?” E Jona keghi wanniẹn wẹẹ, “Ohu ne ọ mu mwẹ sẹ ne ọmwa ya wu.”

Jona 4:9 ပူးပေါင်းရင်းမြစ်များ

I Ọba 21:4

Ehab kegha rrie owa vbene ekhọe ẹre na rhia, egbe wọ ẹre, rhunmwuda ẹmwẹ ne Nabot tama rẹn. Ọ keghi ya lovbiẹ mu aro da egbekẹn vbe ukpo ẹre, ọ ma rri evbare.

Job 18:4

Te u ye ohu ne u mu na ru ikuanegbe ne egbe ruẹ. Emwa gha lẹ kua hin otọ agbọn rre ra rhunmwuda ighẹ ohu mu uwẹ? Te Osanobua ghẹ ghi silo avbe oke nekhua vbọlọ ra ne ẹko miẹn ehe na rhiẹnrhiẹn?

Job 36:18

Mwẹ ẹwaẹn, ne igho odieke ghẹ ya rẹrẹ ọ ra ne ẹfe ghẹ ya bibi uwẹ odẹ.

Job 5:2

Ne ọmwa, rhunmwuda ighẹ emwi sọnnọ ẹn, kpokpo egbe ya uhunmwu yọ, uyinmwẹ ukọnmwẹ akpa vbe abobo ọre nọ.

Jona 4:1

Emwi na ma zẹdẹ yẹ e Jona, ohu keghi mu ẹẹn.

Jona 4:10

E Nọyaẹnmwa keghi wanniẹn wẹẹ, “Asọn ọkpa ọre erhan nii wa wan ladian, a keghi vbe ho ẹre bẹkun vbe ikpẹdẹ ne ọ lele ẹe, u ma miẹn ẹsọn yọ, ẹ i re uwẹ ọre ru ẹe ne ọ na zọ, sevba, te ọ ye da a.

Jona 4:8

Ugbẹn vbe ovẹn ghi yan rre nẹ, Osanobua keghi gie ẹhoho owẹn owiẹ ne ọ tọn ẹsẹse rre. Ovẹn ni ghi gbe e Jona uhunmwu, ekherhe ọ kere ne ọ wa lahin. Ọ keghi rhunmwuda ọnii gha kha wẹ rẹn kpa miẹn uwu, rẹn gha wa wu. Ọ wẹẹ, “I wa wu hin agbọn rre ọre ọ maa sẹ agbọn ne imẹ ye na.”

Matiu 26:38

Rẹn keghi tama iran wẹẹ, “Obalọ ekhọe mwẹ wo vbe egbe sẹ ne ọ ye ọmwa sa hẹ nian, wa mudia mwa ne uwa gunmwẹ gha ba odẹ.”

II Kọrinti 7:10

Rhunmwuda ẹko ne ọ rriara ọmwa ne Osanobua loro, keghi rhie afi ekhọe werriẹ ghe imiẹnfan rre. A i vbe gbe I ma rẹn ye ọnii hiehiere. Sokpan te ẹko ne ọ rriara ọmwa ọghe agbọn na si uwu.

Arhie Maan 9:6

Vbe uwu uki isẹn na, emwa ni bun gha gualọ uwu, sokpan iran i ra miẹn, iran gha ho ne iran wulo sokpan uwu ghi lẹ ne iran.

Giọgis 16:16

Ọ na ghi gha nọ rẹn ẹdẹgbegbe Egbe vbene ọ ya kpokpo ẹe keghi wọ ẹre sẹrriọ wẹ,