Jona 4:6 - Edo Bible (E Baibol Ẹdo) Version 1996

⁶ Ẹre Nọyaẹnmwa na ru ẹe ne erhan ọkpa zọ vbe ehe ne Jona ye ne ọ mu irhu gue ẹre, ne egbe miẹn ehe na rọkhọ ẹe sẹ ayọ. Ẹmwẹ erhan nii keghi ye ẹko e Jona rhiẹnrhiẹn ẹsẹse.

Jona 4:6 ပူးပေါင်းရင်းမြစ်များ

Ẹsta 5:9

Ugbẹn vbe Haman ghi ke isi evbare ladian, ẹko hia kegha sẹ ọre ọyẹnmwẹ, egbe na gha mu ẹẹn. Sokpan, ọ keghi do miẹn Modekai vbe onurho ẹguae, ugbẹn vbe Modekai ma guakpao ra ne ọ vbe rhie ọghọ nẹẹn hiehiere vbe odẹikodẹ, ohu e Haman keghi hin ukhunmwu ghe ẹre.

Job 7:2

Ọ yevbe ọviẹn ne ọ gualọ irhu ne ọ gha lẹre yi. Zẹ vbe ọmwa iwinna ne ọ diakhẹ ne a ha irẹn osa.

Itan 23:5

Igho ruẹ sẹtin wa ru gbee, vbene a miẹn wẹ te ọ zẹ ifuẹn, ọ na tin gha rrie zẹvbe oghohọn.

Aizaia 39:2

E Hẹzekaia keghi gbe ọbokhian ne iran, ọ na ma iran ẹfe ne irẹn mwẹ hia, avbe esiliva kevbe igoru ẹre, avbe ori ni winhin, kevbe avbe emwi ne ivbiyokuo ya khọn okuo. Emwiọkpa i rre avbe aza ẹre ra eheikehe vbe otọ arriọba ẹre ne ọ ma viọ ma iran.

Emọs 6:13

Wa gha ghagha i ghẹ wa sẹtin khọn ẹvbo Lodeba. Wa gha rhuọ wẹẹ, “Te ima mwẹ ẹtin sẹ ọe ne ima na khọn e Kanaem.”

Jona 1:17

E Nọyaẹnmwa keghi gie ehẹn nọkhua, ọ na mi e Jona re, ọ keghi gha rre uwu ehẹn ni vbe avan eha kevbe asọn eha.

Jona 4:5

E Jona keghi laghe odẹ owẹn owiẹ ọghe ẹvbo nii, ọ na tota. Ọ keghi gbe irhu ọkpa ne egbe ẹre, ọ na tota ye uwu ẹre, ọ na gha khẹ ne ọ miẹn emwi ne ọ gha rruan Ninevi.

Jona 4:7

Sokpan, ẹdẹ ghi gbe vbe ikpẹdẹ ne ọ lele ẹe, e Nọyaẹnmwa keghi gie ọkhọe, ọ rri erhan nii, erhan nii na wu.

Iyẹn ne ọ Maan Ọghe Luk 10:20

Sokpan ẹ i re ne avbe orhiọn esu na họn ẹmwẹ ne uwa ọre uwa gha ghọghọ yi, sokpan wa gha ghọghọ ighe a gbennẹ eni uwa ye otọ vbe ẹrinmwi.”

I Kọrinti 7:30

Emwa ni viẹ, zẹ vbe emwa ne ọ ma miẹn akhiẹ, emwa ni giẹ, zẹ vbe emwa ne ẹ i rre uwu ọyẹnmwẹ, emwa ni dẹlẹ emwi, zẹ vbene a miẹn wẹ iran ma yan emwi ne iran dele.