Jona 4:3 - Edo Bible (E Baibol Ẹdo) Version 1996

³ Rhunmwuda ọnii Osanobua, gun mwẹ wa wu, rhunmwuda, I wa wu ọre ọ maa sẹ agbọn ne I ye na.”

Jona 4:3 ပူးပေါင်းရင်းမြစ်များ

I Ọba 19:4

Elaija na ye vbe khian okhian ikpẹdẹ hoho la uwu oha. Ọ keghi yakọ, ọ na tota ye ototọ irhu ọghe erhan, ọ na wẹ rẹn wu ọ re ọ ghi maa sẹ. Ọ keghi na erhunmwu wẹẹ, “Ọ sẹ mwẹ abọ nẹ Nọyaẹnmwa. Rhie orhiọn mwẹ ighẹ i wu ọ re ọ ghi maa sẹ!”

Asan-Ibo 7:1

Eni esi maa sẹẹ ori ne ọ winhin ighobioye ne a sa ye egbe, ẹdẹ ne ọmwa wu ọ re ọ vbe maa sẹ ẹdẹ ne a biẹ ọmwa.

Asan-Ibo 7:9

Ohu gha mu ẹẹn, ziengbe ẹre, uyinmwẹ ọzuọ nọ ne a gha rhie emwi ne ọ sọnnọ ọmwa ye ekhọe.

Jerimaia 8:3

A vbe ivbi ẹvbo dan na ni ghi miẹn uhunmwu vbọ, ni rre dọmwadẹ ehe ne I zagha iran kui, gha ho wẹ iran wu ọ re ọ maa sẹẹ ne iran gha rre agbọn, Mẹ ne Nọyaẹnmwa ne Oghodua tae nẹ.”

Jona 4:4

E Nọyaẹnmwa keghi wanniẹn wẹẹ, “Ohu ne uwẹ mu na khẹ kuẹ ra?”

Jona 4:8

Ugbẹn vbe ovẹn ghi yan rre nẹ, Osanobua keghi gie ẹhoho owẹn owiẹ ne ọ tọn ẹsẹse rre. Ovẹn ni ghi gbe e Jona uhunmwu, ekherhe ọ kere ne ọ wa lahin. Ọ keghi rhunmwuda ọnii gha kha wẹ rẹn kpa miẹn uwu, rẹn gha wa wu. Ọ wẹẹ, “I wa wu hin agbọn rre ọre ọ maa sẹ agbọn ne imẹ ye na.”

Nọmbas 11:15

A deghẹ erriọ u khian gha ru mwẹ, lahọ tohan mwẹ ne u gbe mwẹ uan ne I ghẹ ghi họn ẹmwẹ obọ dan ruẹn vbe egbe mwẹ ọvbehe.”

Nọmbas 20:3

Iran na gha gui wẹẹ, “Akpawẹ te ima wa wulo lele ivbi Izrẹl ne ihomwa vbe odaro Owa Ukpọn Ile ọghe Nọyaẹnmwa ọre ọ gha te wa maa sẹẹ.

I Kọrinti 9:15

Sokpan, mẹ ma he lo ukpo na rhọkpa, I ma vbe gbẹn ebe na nian ne I miẹn ehe na gha lo ukpo ni ne egbe mwẹ. I wa wu ọre ọ maa sẹ. Ọmwa ne ọ gha sẹtin ya orhuọ ẹmwata mwẹ khian ifianyanegbe, ẹ i rrọọ.