Jona 4:11 - Edo Bible (E Baibol Ẹdo) Version 1996

¹¹ Wẹ ma miẹn wẹ ẹ i mwẹ mẹ ma tohan e Ninevi ne ẹvbo nọkhua nii. A rhe ta ẹe na, ọ sẹ emọ arriaisẹn iyehan (120,000) ne ọ ma rẹn ọkpa ọmaa rẹn eva ni rre uwu ẹre do deba emwirri ọrhẹnrhẹn.”

Jona 4:11 ပူးပေါင်းရင်းမြစ်များ

Gẹnẹsis 9:10

kevbe emwi ni ghi hiọnrọn hia ni guẹ, ahianmwẹ, aranmwẹ oha, emwi hia fẹẹrẹ ni lele uwẹ ke uwe okọ ladian.

Psalm 104:14

U gie avbe irunmwu zọ ne ẹmila, kevbe ivbi erhan ne ọmwa nagbọn gha lo ne ọ miẹn ehe na gbe ugbo emwiokọ ẹre.

Psalm 36:6

Umamwẹ ruẹn gbe ogege vbe oke ne ọ yo. Ẹmwata ruẹ yevbe orinmwiamẹ okun, wẹ ọ re ọ gbe aro ghe emwa nagbọn kevbe avbe aranmwoha.

Aizaia 1:18

E Nọyaẹnmwa khare wẹẹ, “Larre nian ne a zẹ iro kugbe, orukhọ ruẹ gha ya a gbiruẹn sẹrriọ wẹ te u ghi baa, sokpan, I gha khuọ ruẹ ne u gha fua vbe isonorhọ. Orukhọ ruẹ gha rhe gha ye vbe ododo u gha fua zẹ vbe ititi oru.

Aizaia 37:37

Ẹghẹ nii ọ re Senakẹrib ne ọgbaisi e Siria na ladian, ọ keghi werriegbe gha rrie Ninevi.

Aizaia 7:16

Uhin vbe ọ te sẹ ẹghẹ ne a kha na, emwa gha lẹ kua vbe otọe avbe ọba eveva ni runran uwẹ na.

Jona 1:2

Ọ wẹẹ, “Gha rrie Ninevi, okpẹvbo nọkhua nii, ne u ya ta ku ọre, I rẹn vbene emwa rẹn mwẹ ekhọe dan hẹ.”

Jona 3:10

Osanobua keghi miẹn emwi ne iran ru, ọ miẹn wẹ iran mu uyinmwẹ dan iran fua. Rẹn keghi rhunmwuda ọnii fi ekhọe werriẹ, ọ ma ghi rri iran oya vbene ọ te wẹ rẹn gha ru.

Jona 4:10

E Nọyaẹnmwa keghi wanniẹn wẹẹ, “Asọn ọkpa ọre erhan nii wa wan ladian, a keghi vbe ho ẹre bẹkun vbe ikpẹdẹ ne ọ lele ẹe, u ma miẹn ẹsọn yọ, ẹ i re uwẹ ọre ru ẹe ne ọ na zọ, sevba, te ọ ye da a.

Matiu 18:33

Ọ te kei ne uwẹ vbe tohan ọguọmwadia ne ihua zẹ vbene imẹ tohan ruẹn.’

Diuteronomi 1:39

“Ẹre Nọyaẹnmwa na tama ima hia wẹẹ, ‘Ivbi uwa ne a miẹn wẹ ibiẹka ni ma rẹn emwi ne ọ maa hin e nẹ i maa rre, gha la otọ nii, emọ ne uwa khare ighẹ avbe eghian uwa gha munọ ẹre oghunmwu. I gha mu otọ ni ne iran, iran ghi yin ẹnrẹn.